IOSUA 17:1 - Buka Helaga (Hiri Motu) 1993

¹ Ioridane Sinavai ena dina diho kahanai tano ena kahana ta be Iosepa ena vara guna natuna Manase ena bese haida dekenai idia henia. Makiri be Manase ena vara guna natuna bona Gileada ena tamana. Makiri be tuari tauna mai goadana, unai dainai Gileada bona Basana, Ioridane Sinavai ena dina daekau kahanai, be ia dekenai idia henia.

IOSUA 17:1 Iomraidhean Croise

GENESE 41:51

Ia vara guna mero be Iosepa ese iena ladana ia atoa Manase, ena anina be “Laloaboio”. Ia gwau, “Dirava ese lauegu hekwarahi bona lauegu tamana, bona lauegu varavara laloa be ia kokia vadaeni lau dekena amo.”

GENESE 41:52

Gabeai ia vara mero ena ladana ia atoa Eparaima, ena anina be “Natuna Henia”. Ia gwau, “Hisihisi lau abia tanona dekenai Dirava ese lauegu natuna ia henia vadaeni.”

GENESE 46:20

Iosepa ena natuna rua, Manase bona Eparaima be Aigupito tano dekenai ia abidia, Onu ena dubu helaga tauna Potifera ena natuna Asenate ena bogana dekena amo.

GENESE 48:17

To Iosepa ia itaia, iena tamana ena imana idibana be Eparaima ena kwarana dekenai ia atoa, vadaeni iena lalona ia hisihisi. Bona Iosepa ese iena tamana ena imana ia abia, Manase ena kwarana dekenai ia atoa gwauraia.

GENESE 48:18

Iosepa ia gwau, “Tamagu e, unai bamona lasi. Badina Manase be guna ia vara merona, oiemu imana idibana be iena kwarana dekenai do oi atoa.”

GENESE 50:23

Iosepa ese Eparaima ena tubuna ena natuna ia itadia, bona Makiri Manase ena natuna idia vara neganai, be Iosepa ese iena bese lalonai ia haboudia.

2 SAMUELA 2:9

Unuseni Abinere ese Isiboseta king ia halaoa, inai tanodia dekenai: Gileada, Asuru, Ieserele, Eparaima bona Beniamina, bona Israela kahana ibounai.

1 SIVARAI 2:23

To Gesuru bona Arama taudia ese Iairi ena hanua ibounai bona Kenata hanua mai ena hanua maragidia ibounai idia halusia, bona idia abia, hanua ibounai be 60. Unuseni idia noho taudia ibounai be Makiri, Gileada ena tamana, ena bese taudia.

ESEKIELA 47:13

Lohiabada Dirava ia gwau, “Israela ena iduhu 12 edia huanai tano do umui haria, to Iosepa ese tano kahana rua do ia abia.

NUMERA 26:29

Manase ena natuna be inai: Makiri, Makiri iduhu ia havaraia tauna, bona Gileada Makiri, Gileada iduhu ia havaraia tauna.

NUMERA 27:1

Mahala, bona Noa, bona Hogila, bona Milika bona Tirisa be Selopehada Hepere ena natuna hahine. Selopehada Hepere be Gileada ena natuna. Gileada be Makiri ena natuna, Makiri be Manase ena natuna. Manase be Iosepa ena natuna.

NUMERA 32:33

Vadaeni Mose ese Gado iduhu bona Rubena iduhu bona Manase Iosepa ena iduhu kahana dekenai Sihona, Amoro ena king, ena tano, bona Oga, Basana ena king ena tano ia henia. Unai tano ena hanua ibounai bona unai hanua ia hagegea tano danu idia dekenai ia henia.

DEUTERONOMI 21:17

“To vara guna natuna korikori, ia ura henia lasi hahine dekena amo ia havaraia natuna, dekenai be iena kohu ibounai dekena amo ahuna rua do ia henia. Unai vara guna natuna be iena tamana ena goada toana ginigunana, bona ia ese vara guna ena ahuna bada do ia abia.

IOSUA 17:2

To Manase iduhu taudia oredia danu edia bese ta ta ese tano idia abia, Ioridane Sinavai ena dina diho kahana dekenai. Inai bese edia gunalaia taudia be inai: Abiesere, Heleka, Asariela, Sekema, Hepere bona Semida. Inai taudia be Manase Iosepa ena natuna tau, bona idia be edia bese kwarana taudia.

IOSUA 22:7

Manase iduhu kahana taudia dekenai be Mose ese Basana tano ia henia, to Manase ena iduhu ma kahana taudia dekenai Iosua ese edia tano ia henia, Ioridane Sinavai ena dina diho kahanai, edia varavara taudia danu. Vadaeni Rubena, Gado, bona Manase iduhu kahana taudia ia siaia lao neganai Iosua ese idia ia hanamoa, ia gwau,

GUNALAIA TAUDIA 5:14

Eparaima dekena amo idia mai, koura dekenai idia diho mai, Beniamina iduhu taudia edia murinai idia raka. Makiri dekena amo tuari biagudia idia diho mai, bona Sebuluno dekena amo tuari lohia taudia idia mai.