IOSUA 16:5 - Buka Helaga (Hiri Motu) 1993

⁵ Eparaima taudia edia bese ta ta ibounai ese inai tano idia abia: Edia dina daekau kahana tano hetoana be Ataroto Adara dekena amo ia lao, ela bona Bete Horono ena ataiai hanua dekenai.

IOSUA 16:5 Iomraidhean Croise

2 SAMUELA 2:9

Unuseni Abinere ese Isiboseta king ia halaoa, inai tanodia dekenai: Gileada, Asuru, Ieserele, Eparaima bona Beniamina, bona Israela kahana ibounai.

1 SIVARAI 7:24

Eparaima ena natuna hahine be Sira. Unai hahine, Sira, ese Bete Horono hanua ruaosi, henunai bona ataiai hanuadia, bona Usene Sera hanua danu ia haginidia.

1 SIVARAI 7:28

Edia tano bona edia noho gabuna be Betele, mai ena hanua maragidia danu, bona edia dina daekau kahana hetoana be Narana, bona edia dina diho kahana hetoana be Gesere, mai edia hanua maragidia danu, bona Sekema, bona Aiaha, mai edia hanua maragidia danu.

IOSUA 10:10

Lohiabada ese Amoro taudia ia hagaridia bada Israela taudia edia vairana dekenai. Vadaeni Israela taudia ese Amoro taudia momo herea idia alaia mase Gibeona dekenai, bona idia mauri noho taudia idia lulua lao Bete Horono dekenai ia daekau lao dalana dekenai. Idia heau mauri gwauraia taudia momo be Israela taudia ese idia alaia mase, ela bona Aseka bona Makeda.

IOSUA 16:2

Betele dekena amo ma ia lao, ela bona Lusu, ma Lusu dekena amo ia lao, ela bona Ataroto, Araki taudia edia tano hetoana be unai.

IOSUA 18:13

Unai gabu dekena amo tano hetoana be diho kahanai ia lao, Lusu, ena ladana ta be Betele, ena diho kahanai ia lao, ma ia diho lao, Ataroto Adara dekenai ia kamokau. Unai gabu be Bete Horono ena henuna hanua ena diho kahana ororo dekenai.