IOSUA 16:10 - Buka Helaga (Hiri Motu) 1993

¹⁰ To Kanana taudia, Gesere dekenai idia noho taudia be Eparaima taudia ese idia lulua lao lasi. Unai dainai Kanana taudia be Eparaima taudia edia huanai idia do noho, bona Eparaima edia hesiai gaukara idia karaia noho mai hekwarahi danu ia mai bona harihari.

IOSUA 16:10 Iomraidhean Croise

1 KING TAUDIA 9:15

King Solomona ese gaukara taudia momo ia abia, ia fosia, iena gaukara idia karaia. Idia ese Dubu Helaga, bona Solomona ena ruma idia haginia. Idia ese danu Ierusalema ena gabu aukana ta, kohoro, ena ladana Milo idia haginia. Ma Solomona ese unai gaukara taudia ia siaia, Ierusalema hanua ena magu idia haginia. Inai gaukara taudia ese danu Hasoro, Megido bona Gesere hanua toiosi idia haginia lou.

1 KING TAUDIA 9:16

Guna, Aigupito ena king ese Gesere ia tuari henia, bona ia abia. Gesere hanua taudia, be ia ese ia alaia mase, bona edia hanua ia gabua ore. Gabeai Solomona ese iena natuna kekeni ia adavaia neganai, Aigupito ena king ese Gesere hanua be iena kekeni dekenai ia henia, iena headava ena harihari gauna totona.

1 KING TAUDIA 9:21

Guna, inai bese edia taudia momo herea be Israela taudia ese idia alaia ore, to haida sibona idia alaia lasi, idia do noho. Vadaeni Solomona ese inai do noho idau bese taudia ia abia, bona ia fosia, hesiai gaukara mai guia danu idia karaia. Inai bamona gaukara idia karaia noho ia mai bona hari.

2 SIVARAI 8:8

Guna, inai bese edia taudia momo herea be Israela taudia ese idia alaia ore, to haida sibona idia alaia lasi, idia do noho. Vadaeni Solomona ese inai do noho idau bese taudia ia abia, bona ia fosia, hesiai gaukara mai guia danu idia karaia. Inai bamona gaukara idia karaia noho ia mai bona hari.

IOSUA 10:33

Horama, Gesere ena king be Lakisi taudia durua totona ia mai, to Iosua ese ia, bona iena tuari taudia ibounai ia halusia, ia alaia ore.

IOSUA 15:63

To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.

IOSUA 16:9

Hanua haida danu, mai edia hanua maragidia danu, Manase taudia edia tano lalonai, be Eparaima taudia dekenai idia henia.

IOSUA 17:12

To Manase taudia edia goada be hegeregere lasi unai hanua do idia abia, unai dainai Kanana taudia be unai tano dekenai do noho.

IOSUA 17:13

Israela taudia be idia goada lao neganai, idia ese Kanana taudia idia abia, edia hesiai taudia mai guia danu idia halaoa, to idia lulua ore lasi.

GUNALAIA TAUDIA 1:29

Eparaima taudia ese danu Kanana taudia Gesere dekenai idia noho, be idia lulua lao lasi. Kanana taudia be Eparaima taudia edia huanai do noho Gesere dekenai.