IOSUA 15:8 - Buka Helaga (Hiri Motu) 1993

⁸ Ene Rogele dekena amo ma ia lao, Hinoma ena Koura dekena amo, ela bona Iebusu Ororo, ena ladana ta be Ierusalema, ena diho kahana. Unuseni dekena amo ma ia lao, ela bona Hinoma Koura unai kahana ororo ena ataiai, dina diho kahana dekenai. Unai be Repaima Koura dokona mirigini kahana dekenai.

IOSUA 15:8 Iomraidhean Croise

2 SAMUELA 5:18

Pilistia taudia idia mai, Repaima Koura ena kahana ibounai idia hahonua.

2 SAMUELA 5:22

Pilistia taudia be idia mai lou, Repaima Koura idia hahonua lou.

2 KING TAUDIA 23:10

Iosaia ese danu dirava koikoi ladana Topete ena tomadiho gabuna, Hinoma Koura dekenai ia hadikaia ore. Unai dainai tau ta ese iena natuna mero o kekeni ia henia diba lasi, boubou totona, Moleka ena lahi lalonai.

1 SIVARAI 11:4

King Davida, mai iena Israela tuari taudia danu be Ierusalema dekenai idia lao, unai hanua dekenai noho taudia do idia tuari henia totona.

2 SIVARAI 28:3

Ahasa ese danu muramura mai bonana namo Hinoma Koura dekenai ia gabua, bona ia ese iena natuna tau be gabua bouboudia totona ia aladia, bona ia gabudia. Inai kara be Lohiabada ese Israela taudia edia vairanai ia lulua lao bese taudia edia kara hegeregerena.

NEHEMIA 11:30

bona Sanoa bona Adulama, mai edia hanua maragidia danu, bona Lakisi, mai ena biru tano danu, bona Aseka, mai ena hanua maragidia danu. Unai dainai Iuda iduhu taudia be Bere Sieba, diho kahana dekena amo, ela bona Hinoma, mirigini kahana dekenai idia noho.

ISAIA 17:5

Israela be anina lasi gabuna do idia halaoa, uiti tano, iena anina idia utua bona haboua ore bamona, o uiti anina momoru gaudia, Repaima Koura dekenai idia gogoa bamona.

IEREMIA 19:14

Vadaeni, lau Ieremia ese Lohiabada ena oda hegeregerena, iena hereva lau gwauraia haorea Topete dekenai murinai, lau toreisi, lau lao, Lohiabada ena Dubu Helaga ena ariara gabu ena magu lalonai lau gini, bona taunimanima ibounai lau hamaoroa, lau gwau,

IEREMIA 19:2

Vadaeni umui be Hinoma Koura dekenai do umui lao, emui dala dekenai Ierusalema magu iduara ta do umui hanaia. Inai iduara ena ladana be, ‘Ia Makohia Urona ena Iduara’. Unuseni lauegu hereva do oi gwauraia, inai bamona:

IEREMIA 19:6

Unai dainai Lohiabada ma ia gwau, “Negana be do ia mai, ‘Topete’ bona ‘Hinoma ena Koura’ do idia gwauraia lou lasi, to ‘Taunimanima Alaia ena Koura’.

IOSUA 15:63

To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.

IOSUA 18:16

Ma ia lao, ela bona Hinoma Koura kahirakahira ia noho ororo dekenai ia ginidae. Inai ororo be Repaima Koura ena mirigini kahanai. Tano hetoana be ma diho kahanai ia lao, bona Hinoma Koura ia badinaia, bona Iebusu taudia edia ororo ena diho kahana danu ia badinaia, ela bona Ene Rogele dekenai.

IOSUA 18:28

Sela, Haelepa, Iebusu (ena ladana ta be Ierusalema), Gibea, Kiriata Iearimi. Inai be hanua ibounai 14, mai edia hanua maragidia danu. Beniamina iduhu taudia edia hanua, mai edia tano be unai, edia bese ta ta ibounai edia huanai idia haria.

GUNALAIA TAUDIA 1:21

To Beniamina taudia ese Iebusu taudia, Ierusalema dekenai idia noho taudia, idia lulua diba lasi. Unai dainai, Iebusu taudia be Beniamina taudia danu idia noho hebou Ierusalema dekenai, ia mai bona hari dina.

GUNALAIA TAUDIA 1:8

Vadaeni Iuda taudia ese Ierusalema hanua idia tuari henia, idia abia, hanua taudia ibounai idia alaia mase, bona lahi dekenai hanua idia gabua.

GUNALAIA TAUDIA 19:10

To Levi tauna be ia ura lasi unuseni do ia mahuta. Ia be ia toreisi, mai ena adavana, bona mai edia hesiai tauna bona edia doniki rua. Idia be Iebusu, unai gabu ena ladana ta be Ierusalema, dekenai idia lao gwauraia.