IOSUA 15:47 - Buka Helaga (Hiri Motu) 1993

⁴⁷ Asadoda hanua korikori, bona iena hanua maragidia. Bona Gasa, mai ena hanua, bona iena hanua maragidia, ela bona sinavai maragina, Aigupito ena tano hetoana gabuna, bona Davara Badana ena kone.

IOSUA 15:47 Iomraidhean Croise

1 KING TAUDIA 5:4

To harihari Lohiabada, lauegu Dirava ese laga-ani lau dekenai ia henia kahana ibounai dekenai. Haida ese lau dekenai idia tuari henia lasi, maino ia noho, lau do ia hadikaia gauna ta be lasi.

2 KING TAUDIA 18:8

Hesekaia danu ese Pilistia taudia tuari dekenai ia halusia momokani. Edia hanua maragidia bona edia hanua badadia ibounai ia tuari henidia, bona ia kwalimu, Gasa bona Gasa ena tano danu ia halusia.

2 SIVARAI 26:6

Usaia ese Pilistia taudia ia tuari henia. Ia ese Gata, bona Iabine, bona Asadoda hanua ia halusidia, ma edia magu ia veridia diho. Bona ia ese Asadoda hanua kahirakahira, Pilistia tano dekenai hanua haida ia haginidia lou.

ESODO 23:31

Emui tano ena hetoa gabudia do lau karaia, idia be Davara Kakakaka dekena amo ia lao bona Pilistia taudia edia davara, bona taunimanima idia noho lasi gabuna dekena amo ia lao bona Euperate Sinavai. Inai gabu dekenai idia noho taunimanima danu do umui tuari, bona do umui kwalimu, umui ese idia do umui lulua murimuri gabudia dekenai.

IEREMIA 47:1

Aigupito ena king, Farao, ese Gasa hanua ia do tuari henia lasi neganai, Lohiabada ese lau Ieremia dekenai ia hereva henia Pilistia totona.

IEREMIA 47:5

Gasa taudia ese lalohisihisi dainai, edia kwaradia huina do idia kakasia ore. Asakelona taudia be regena lasi. Anakimi bese do noho taudia e, umui sibona do umui utua, bona do umui tai, ela bona edena negai? Umui ese inai bamona umui boiboi noho,

SEPANAIA 2:4

Gasa hanua badana be anina lasi gabuna do ia lao, bona Asakelona be taunimanima ibounai ese do idia rakatania. Dina tubua dekenai, Asadoda taudia be tuari taudia ese do idia luludia lao ore, ma Ekarona hanua be do idia hadikaia bona kokia ore momokani.

APOSETOLO EDIA KARA 8:26

Lohiabada ena aneru ta ese Filipo dekenai ia hereva, ia gwau, “Oi toreisi, henunai kahana dekenai oi lao, Ierusalema ia lao bona Gasa dalana dekenai.” Inai dala be taunimanima lasi gabuna.

DEUTERONOMI 2:23

Avima besena danu be unai bamona. Idia be kone kahana hanua maragidia dekenai idia noho ela bona Gasa. To Kerete taudia be Kerete motumotu dekena amo idia mai, Avima taudia idia alaia ore, bona edia tano idia abia.

IOSUA 11:22

Anakima taudia ta ia mauri lasi Israela taudia edia tano ibounai dekenai. To Gasa bona Gata bona Asadoda dekenai, be haida sibona idia do mauri noho.

IOSUA 13:3

Sihoro, Aigupito ena dina daekau kahana tano dekena amo, mirigini kahana ia lao ela bona Ekarona ena hetoana be Kanana taudia edia tano, idia gwauraia, bona Pilistia lohia taudia 5 ese idia biagua noho. Inai Pilistia lohia taudia edia noho gabudia be Gasa, Asadoda, Asakelona, Gata, bona Ekarona. Avima taudia edia tano danu umui do abia lasi.

IOSUA 15:4

Karaka dekena amo, edia tano hetoana be Asamona dekenai ia lao, bona Aigupito ena hetoana, sinavai maragina ia badinaia, ela bona Davara Badana ena kone dekenai ia doko. Iuda taudia edia tano hetoana diho kahanai be unai.

IOSUA 15:46

bona Ekarona dekena amo, Iuda ena tano ena hetoa ia lao ela bona Davara Badana. Inai hetoa lalonai be Asadoda kahana hanua ibounai, mai edia hanua maragidia danu.

IOSUA 15:48

Ororo kahadia dekenai: Samiri, Iatiri, Soko,