IOSUA 15:17 - Buka Helaga (Hiri Motu) 1993

¹⁷ Vadaeni Otoniele Kena, Kaleba ena tadina Kena ena natuna ese Debiri hanua ia abia, vadaeni Kaleba ese iena natuna kekeni Akisa be Otoniele dekenai ia henia, iena adavana ia halaoa.

IOSUA 15:17 Iomraidhean Croise

1 SIVARAI 2:49

Maka ese gabeai natuna tau rua ma ia havaraia, Sapa, ia ese Madamana hanua ia hamatamaia, bona Seva, ia ese Makabena bona Gibea hanuadia ia hamatamaia. Bona Kaleba be mai ena natuna hahine, ena ladana be Akisa.

1 SIVARAI 27:15

Hua namba 12 dekenai ia gaukara orea ena biaguna be Heledai, Netopa tauna. Ia be Otoniele ena bese tauna, Heledai ena orea taudia ibounai be 24,000.

1 SIVARAI 4:13

Kenasi ena natuna tau be Otoniele bona Seraia. Otoniele ena natuna tau be Hatata bona Meonotai.

NUMERA 32:12

“ ‘To Kaleba Iepune, Kenisi tauna, bona Iosua Nunu sibona ese do idia raka vareai, badina idia ese lau Lohiabada idia abidadama henia.’

IOSUA 14:6

Iuda iduhu taudia be Iosua dekenai idia lao, Gilegala dekenai. Vadaeni Kaleba Iepune, Kenisi tauna, ese Iosua dekenai ia hereva, ia gwau, “Oi diba, Kadesi Baranea dekenai ita noho neganai, Lohiabada ese Mose, Dirava ena tau dekenai, oi bona lau ia herevalaia, ani?

IOSUA 15:16

Kaleba ia gwau, “Kiriata Sepere do ia halusia bona do ia abia tauna dekenai lauegu natuna kekeni Akisa do lau henia, iena adavana.”

GUNALAIA TAUDIA 1:13

Vadaeni Otoniele, Kaleba ena tadina Kena ena natuna, ese unai hanua ia abia. Vadaeni Kaleba ese iena natuna kekeni Akisa be Otoniele dekenai ia henia, bona idia headava.

GUNALAIA TAUDIA 3:11

Unai dainai, lagani 40 lalonai, tano dekenai be maino ia noho. Unai murinai Otoniele Kena ia mase.

GUNALAIA TAUDIA 3:9

To Israela taudia ese Lohiabada dekenai idia tai, vadaeni Lohiabada ese tau ta ia abia hidi, ia ese idia do ia hamauria totona. Unai tau be Otoniele Kena, bona unai Kena be Kaleba ena tadina.