IOSUA 15:14 - Buka Helaga (Hiri Motu) 1993

¹⁴ Vadaeni Kaleba ese Heberona dekena amo Anaki bese toi ia lulua ore, Sesai, Ahimana bona Talimai.

IOSUA 15:14 Iomraidhean Croise

2 SAMUELA 21:16

Vadaeni Pilistia tauna ta, iena ladana be Isibibenopa ese Davida alaia totona ia mai kahirakahira. Unai tau be lata herea, Repaima bese tauna. Iena io be auri laboralabora gauna, ena metau be 3 kilogaram mai kahana, bona iena gabana dekenai be tuari kaia matamatana ia noho.

NUMERA 13:33

Bona tauanina bada herea taudia danu unuseni ai itaia, Anaki ena besena taudia, Nepili dekena amo idia mai taudia. Ai ese ai laloa ai be maragi, kwadi bamona, idia edia vairana dekenai. Bona idia ese danu ai idia itaia, idia laloa ai be kwadi bamona.”

DEUTERONOMI 9:2

Unai bese taudia be badadia bona latadia. Idia be Anakima taudia. Edia sivarai umui kamonai vadaeni, idia gwau, ‘Anaki taudia edia vairana dekenai daika do ia gini diba?’

IOSUA 11:21

Unai neganai Iosua ia toreisi, Anakima taudia ia alaia ore, ororo gabudia dekenai, Heberona dekenai, Debiri dekenai, Anaba dekenai, Iuda ororo ibounai dekenai, bona Israela ororo ibounai dekenai. Iosua ese unai Anakima taudia ibounai ia alaia ore, bona edia hanua danu idia hadikaia ore.

IOSUA 11:22

Anakima taudia ta ia mauri lasi Israela taudia edia tano ibounai dekenai. To Gasa bona Gata bona Asadoda dekenai, be haida sibona idia do mauri noho.

GUNALAIA TAUDIA 1:10

Iuda taudia danu idia lao, Kanana taudia Heberona dekenai idia tuari henia. Heberona ena ladana gunana be Kiriata Araba. Unuseni, Iuda taudia ese Sesai bona Ahimana bona Talamai bese taudia idia halusia.

GUNALAIA TAUDIA 1:20

Mose ena gwauhamata hegeregerena, Heberona hanua be Kaleba dekenai idia henia. Vadaeni Kaleba ese Anaki ena iduhu toi taudia be Heberona dekena amo ia lulua lao.