IOSUA 15:11 - Buka Helaga (Hiri Motu) 1993

¹¹ Ma tano hetoana be Ekarona Ororo ena mirigini kahana dekena amo ia hagegea lao, ela bona Sikerono, ma ia lao, ela bona Bala Ororo. Vadaeni Davara Badana ena kone dekenai ia ginidae, Iabinele dekenai.

IOSUA 15:11 Iomraidhean Croise

2 KING TAUDIA 1:16

Elia ese king ia hamaoroa, ia gwau, “Oi ese hesiai taudia oi siaia, Ekarona ena dirava Bala Sebuba do idia nanadaia totona. Oi laloa Dirava be Israela dekenai ia noho lasi, vadaeni oi nanadaia lasi, a? Oiemu gorere do ia namo lou lasi, oi be do oi mase!”

2 KING TAUDIA 1:6

Idia haere, idia gwau, “Tau ta ia mai, ai danu ia hedavari, bona ia ese ai ia hamaoroa, ia gwau, ‘King Ahasaia, umui ia siaia tauna, dekenai do umui giroa lou, do umui hamaoroa, umui gwau: Lohiabada be inai bamona ia gwau: Badina dahaka Ekarona ena dirava, Bala Sebuba henanadaia totona oiemu hesiai taudia oi siaia noho? Israela dekenai Dirava ta ia noho lasi, a? Unai dainai oi hekure noho gabuna dekena amo do oi toreisi lou lasi, to do oi mase momokani.’ ”

2 SIVARAI 26:6

Usaia ese Pilistia taudia ia tuari henia. Ia ese Gata, bona Iabine, bona Asadoda hanua ia halusidia, ma edia magu ia veridia diho. Bona ia ese Asadoda hanua kahirakahira, Pilistia tano dekenai hanua haida ia haginidia lou.

NUMERA 34:6

“Dina diho kahana ena tano hetoana be Davara Badana.

IOSUA 15:10

Ma Bala ena dina diho kahana dekena amo tano hetoana be ia hagegea lao ela bona Seiri Ororo. Vadaeni Iearimi Ororo, (ladana ta be Kesalono), mirigini kahana dekenai ma ia lao, ela bona Bete Semese. Unai gabu ia hanaia, bona Timuna dekenai ia ginidae.

IOSUA 15:12

Iuda iduhu ena dina diho tano hetoana be Davara Badana ena kone. Iuda iduhu taudia edia bese ta ta dekenai idia henia tano hetoana be unai.

IOSUA 15:45

Ekarona, mai ena hanua, bona iena hanua maragidia,

IOSUA 15:9

Unai ororo ena ataiai dekena amo tano hetoana ma ia lao, ela bona Nepetoa ranu gabuna, ma ia lao, ela bona Eparona Ororo ena hanua maragidia. Unai gabu dekena amo tano hetoana be ia diho lao ela bona Bala, ena ladana ta be Kiriata Iearimi.

GUNALAIA TAUDIA 1:18

Iuda taudia danu ese Gasa, Asakelona, bona Ekarona mai edia tano ibounai idia abia.

1 SAMUELA 17:52

Unai neganai Israela taudia bona Iuda taudia idia toreisi, bona mai boiboi bada danu, Pilistia taudia idia lulua lao, ela bona Gata, ma ela bona Ekarona hanua ena ikoukou. Unai Pilistia taudia, mase taudia bona mai edia bero taudia danu, be dala badinai idia moru noho, Saraimi dekena amo ela bona Gata bona Ekarona.

1 SAMUELA 5:10

Unai dainai Dirava ena Taravatu Maua be Ekarona dekenai idia siaia. To Dirava ena Taravatu Maua be Ekarona hanua idia abia vareai noho neganai, hanua taudia idia taitai mai boiboi danu, idia gwau, “Israela edia Dirava ena Taravatu Maua idia mailaia vadaeni, ita ibounai bona iseda varavara ibounai alaia totona.”

1 SAMUELA 5:8

Unai dainai idia ese Pilistia lohia taudia ibounai idia boiria hebou, idia nanadaia, idia gwau, “Israela ena Dirava ena Taravatu Maua dekenai dahaka do ita karaia?” Idia haere, idia gwau, “Israela ena Dirava ena Taravatu Maua be be Gata dekenai do umui abia lao.” Vadaeni, idia ese Israela ena Dirava ena Taravatu Maua be Gata dekenai idia abia lao.

1 SAMUELA 7:14

Bona Israela edia hanua haida, Pilistia taudia ese Israela dekena amo idia abia gaudia, be Israela taudia ese idia abia lou. Hanua be inai: Ekarona ela bona Gasa, bona idia edia huanai idia noho hanuadia. Ma unai dinadia lalonai danu, Israela taudia bona Amoro taudia be mai maino danu idia noho.