IOSUA 14:8 - Buka Helaga (Hiri Motu) 1993

⁸ Lauegu tadikaka taudia, lau danu idia lao taudia, ese taunimanima edia lalona idia hamanokaia, to lau ese Lohiabada egu Dirava lau badinaia momokani, mai egu kudouna ibounai.

IOSUA 14:8 Iomraidhean Croise

NUMERA 13:31

To ia danu idia lao taudia idia gwau, “Unai tano taudia ita tuari henia diba lasi, badina idia be goada, ita be manoka.”

NUMERA 14:1

Unai hanuaboi be Israela taudia ibounai idia taitai bada ela bona dabai.

NUMERA 14:24

To lauegu hesiai tauna Kaleba ena laumana be idau, bona ia ese lau ia badinaia. Unai dainai ia itaia tanona dekenai be lau ese do lau hakaua vareai. Bona iena natuna taudia ese unai tano do idia abia, idia edia tano.

NUMERA 32:12

“ ‘To Kaleba Iepune, Kenisi tauna, bona Iosua Nunu sibona ese do idia raka vareai, badina idia ese lau Lohiabada idia abidadama henia.’

DEUTERONOMI 1:28

Edeseni do ita lao? Ita be ita gari noho. Ita siaia hasinadoa taudia ese ita idia hamaoroa unai tano idia noho taudia be bada herea bona lata herea, to ita be maragi bona kwadogi. Hasinadoa taudia danu idia gwau unai tano ena hanua be idia bada, edia magu danu be idia lata, edia ataiai be guba dekenai idia daekau. Ma iseda hasinadoa taudia ese Anakima tau badadia unai tano dekenai idia itaia!’

DEUTERONOMI 1:36

To Kaleba Iepune sibona ese do ia itaia, bona iena aena dekenai ia moia tanona lau ese do lau henia, iena natuna do lau henidia danu, badina be ia ese Lohiabada ia abidadama henia mai ena kudouna ibounai danu.’ ”

IOSUA 14:14

Unai dainai Heberona be Kaleba Iepune, Kenisi tauna, ena tano, ia mai bona harihari, badina be ia ese Lohiabada, Israela ena Dirava ia badinaia, mai ena kudouna ibounai.

APOKALUPO 14:4

Inai taudia be hahine danu idia sihari lasi momokani. Idia be helaga bona goevagoeva. Idia ese Mamoe ena Natuna murinai idia raka, iena loaloa gabudia ibounai. Taunimanima ibounai edia huanai dekena amo Dirava ese idia ia hoia vadaeni. Bona idia be taunimanima ginigunadia Dirava bona Mamoe ena Natuna ese idia abia, edia.