IOSUA 13:9 - Buka Helaga (Hiri Motu) 1993

⁹ Aroere hanua, Aranona Koura ena isena dekena amo, bona unai Koura ena huana dekenai ia noho hanua dekena amo, bona Medeba tano palaka ibounai, ela bona Dibona.

IOSUA 13:9 Iomraidhean Croise

2 SAMUELA 24:5

Idia ese Ioridane Sinavai idia hanaia, Aroere dekenai duahia gaukara idia hamatamaia. Inai hanua be koura ena huanai ia noho, Gado tano dekenai. Unai gabu dekena amo, mirigini kahanai idia lao, ela bona Iasa.

1 SIVARAI 19:7

Kariota ibounai 32,000 mai edia hosi, bona kariota guia taudia idia hoia, ma Maka ena king, mai iena tuari orea ibounai danu idia hoia. Inai orea ruaosi idia mai, Mereba ena vairana dekenai idia kamepa. Amono taudia danu edia hanua ta ta dekena amo idia haboua, bona tuari totona idia raka mai.

NEHEMIA 11:25

Taunimanima momo be hanua maragidia dekenai idia noho, edia uma gabudia bona edia tano kahirakahira. Iuda iduhu taudia be Kiriata Araba, bona Dibona bona Iekabasele, mai edia hanua maragidia danu dekenai idia noho.

ISAIA 15:2

Dibona taudia be ororo dekenai idia daekau, ataiai guriguri gabuna dekenai do idia taitai totona. Nebo bona Medeba hanua edia latanai danu, be Moaba taudia idia taitai mai boiboi danu. Idia ibounai edia kwarana huina idia utua. Idia edia auki huina ibounai danu idia utua ore.

IEREMIA 48:18

“Dibona hanua umui noho taudia e, emui hairai gabudia dekena amo do umui diho mai, bona tano kaukau, kahu ena latanai do umui helai. Badina be Moaba do ia hadikaia ore tauna ia mai vadaeni, umui do ia hadikaia totona. Emui hanua mai magudia do ia hamakohia ore.

IEREMIA 48:22

Dibona, Nebo, Bete Dibilataimi,

IEREMIA 48:8

Hadikaia ore tauna ese, hanua ibounai do ia hadikaia, hanua ta taudia do idia heau mauri lasi. Koura ibounai be anina lasi do idia noho. Tano palaka gabudia ibounai, be do idia dika momokani. Lau inai Lohiabada, lau hereva vadaeni.

NUMERA 21:30

To hari ita ese Amoro taudia ita halusia vadaeni. Hesebona hanua ela bona Dibona hanua, ita ese ita hamakohia vadaeni. Tano be ita ese ita hadikaia ore ela bona Nopa, bona ela bona Medeba danu.”

DEUTERONOMI 2:36

“Aroere, Aranona Koura ena isena dekenai, bona koura ena huanai ia noho hanua dekena amo ela bona Gileada, hanua ta ia auka lasi, ibounai ita abia, badina be Lohiabada iseda Dirava ese ita ia durua dainai.

DEUTERONOMI 3:12

Ma Mose ia hereva, ia gwau, “Unai tano ita abia neganai, lau ese Rubena bona Gado iduhu taudia dekenai, Aroere, Aranona Sinavai ena isena dekenai ia noho hanua, bona Gileada Ororo kahana, mai ena hanua danu, lau henia.

DEUTERONOMI 3:16

Rubena bona Gado iduhu taudia dekenai Gileada tano ela bona Aranona Sinavai lau henia. Edia diho kahana tano hetoana be unai sinavai ena huana dekenai, bona edia mirigini kahana tano hetoana be Iaboka Sinavai, Amono taudia edia tano hetoana.

IOSUA 12:2

Ta ena ladana be Sihona. Ia be Amoro taudia edia king, bona Hesebona hanua dekenai ia noho. Sihona ena basileia ena lalonai be Gileada tano kahana. Inai tano be Aroere, Aranona Koura ena isena dekenai, bona inai koura ena huanai ia noho hanua dekena amo ela bona Iaboka Sinavai, Amono taudia edia tano hetoana.

IOSUA 13:10

Bona Sihona, Amoro taudia edia lohia, Hesebona ena king, ena hanua ibounai, ela bona Amono taudia edia tano hetoana.

IOSUA 13:16

Edia tano be Aroere hanua, Aranona Koura ena isena dekena amo, bona unai Koura ena huanai ia noho hanua dekena amo, bona Medeba ena tano palaka ibounai. Medeba hanua,

IOSUA 13:8

To Manase iduhu kahana ese Rubena bona Gado iduhu taudia danu edia tano kahadia idia abia guna vadaeni. Badina Mose ese idia dekenai ia henia, Ioridane Sinavai ena dina daekau kahana dekenai. Lohiabada ena hesiai tauna Mose ese ia henia tano be inai: