IOSUA 13:6 - Buka Helaga (Hiri Motu) 1993

⁶ “Sidono taudia edia tano danu, ororo dekenai idia noho, Lebanona dekena amo ela bona Misirepoto Maimi, unai taudia ibounai be Israela taudia edia vairana dekenai do lau lulua lao. Inai tano be Israela taudia edia huanai do oi haria, lau ese oi lau oda henia guna hegeregerena.

IOSUA 13:6 Iomraidhean Croise

SALAMO 80:8

Gunaguna oi ese vain ta Aigupito dekena amo oi mailaia, bona idau bese taudia be inai tano dekena amo oi lulua. Vadaeni inai vain be oi ese inai edia tano dekenai oi hadoa.

NUMERA 33:54

Tano be laki dalana dekenai iduhu ta ta dekenai do oi haria, bona iduhu badadia dekenai tano badadia do oi henia, bona iduhu maragidia dekenai tano maragidia do oi henia. Bema laki ese tau ta dekenai tano ta ia henia, unai be iena tano.

IOSUA 1:6

“Do oi goada, do oi gari lasi. Badina be oi ese inai bese do oi gunalaia, edia sene taudia dekenai lau gwauhamata henidia tanona do idia abia neganai.

IOSUA 11:12

Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.

IOSUA 11:8

Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.

IOSUA 13:7

“Unai dainai inai tano ibounai do oi haria, Israela edia iduhu 9, bona Manase iduhu kahana edia huanai do oi haria, edia tano korikori do ia lao.”

IOSUA 23:13

Lohiabada, emui Dirava ese unai idau bese taudia emui vairana dekenai do ia lulua lao lasi. Lasi momokani, to idia be do idia noho, tarapu o rikiriki bamona, bona idia ese umui do idia hisihisi henia, kwadia gauna emui doruna dekenai, o ginigini emui matana dekenai bamona. Bona inai bamona kara do idia vara noho, ela bona inai tano namona, Lohiabada, emui Dirava ese umui ia henia tano, dekena amo do umui boio.

IOSUA 23:4

Umui kamonai namonamo: Do noho idau bese taudia edia tano, bona lau ese lau hadikaia ore bese taudia edia tano be umui dekenai lau henia, Ioridane Sinavai dekena amo ela bona Davara Badana, dina diho kahanai.

IOSUA 23:5

Lohiabada, emui Dirava, ese unai do noho bese taudia do ia doria lao, bona emui vairana dekena amo do ia luludia ore. Unai neganai edia tano do umui abia, Lohiabada emui Dirava ese umui dekenai ia gwauhamata hegeregerena.