IOSUA 13:4 - Buka Helaga (Hiri Motu) 1993

⁴ “Bona diho kahana dekenai do noho tano be inai: Kanana taudia edia tano ibounai, bona Meara, Sidono taudia edia tano, ela bona Apeka, ela bona Amoro edia tano hetoana,

IOSUA 13:4 Iomraidhean Croise

1 KING TAUDIA 20:26

Keru negana ia ore neganai, Benehadada ese Suria taudia ia haboua, bona idia be Apeka dekenai idia lao, Israela taudia do idia tuari henia totona.

1 KING TAUDIA 20:30

Suria taudia, do mauri taudia, be Apeka hanua dekenai idia heau vareai, to unuseni hanua ena magu be idia ibounai 27,000 edia latanai ia moru. Benehadada ese danu Apeka hanua dekenai ia heau vareai, bona ruma ta ena lalona momokani daiutuna ta lalonai ia hunia.

ESEKIELA 16:3

Do oi gwau: Lohiabada Dirava ese Ierusalema dekenai inai bamona ia hereva, ia gwau: Oiemu hamatamaia bona oiemu vara be Kanana taudia edia tano dekenai. Oiemu tamana be Amoro tauna, bona oiemu sinana be Hiti hahine.

AMOSA 2:10

Lau ese Aigupito dekena amo umui lau hakaua mai. Bona umui be taunimanima noho lasi gabuna dekenai lagani 40 lalonai lau ese umui lau gunalaia. Lau ese Amoro taudia edia tano umui dekenai lau henia, umui emui tano.

IOSUA 10:40

Vadaeni Iosua ese unai tano kahana ibounai ia halusia, ororo kahana, Negebe kahana, dina diho kahana ororo henunai gabudia, bona dina daekau kahana ena ororo hekei gabudia. Iosua ese inai gabudia edia taunimanima bona edia king ibounai ia alaia ore. Idia ta ia heau mauri lasi, Lohiabada, Israela ena Dirava, ia oda henia hegeregerena.

IOSUA 11:3

Iabina ese danu hereva ia siaia lao Kanana taudia dekenai, dina daekau kahanai bona dina diho kahanai, bona Amoro taudia, Hiti taudia, Perisi taudia, bona Iebusu taudia, ororo dekenai noho taudia, bona Hivi taudia, Heremona Ororo henunai, Misipa tano dekenai idia noho taudia danu.

IOSUA 12:18

Apeka ena king, Lasarono ena king.

IOSUA 19:30

Umaha, Apeka, Rehoba. Asere edia hanua ibounai be 22, mai edia hanua maragidia danu.

1 SAMUELA 4:1

Unai neganai Pilistia taudia idia haboua, Israela taudia do idia tuari henia totona. Israela taudia danu be tuari totona idia karaia hegaegae. Edia kamepa be Ebenesera dekenai idia karaia, to Pilistia taudia be Apeka dekenai idia kamepa.