IOSUA 13:31 - Buka Helaga (Hiri Motu) 1993

³¹ Gileada ena kahana danu be Manase iduhu kahana taudia edia, bona Asataroto bona Ederei, Oga ena basileia hanua badadia Basana lalonai. Unai hanua bona gabudia be Mose ese Makiri Manase ena bese taudia dekenai ia henia. Makiri iduhu kahana taudia ese inai tano idia abia, edia bese ta ta dekena amo, edia tano korikori.

IOSUA 13:31 Iomraidhean Croise

1 SIVARAI 6:71

Geresone taudia dekenai be Manase iduhu kahana taudia ese inai hanua idia henia: Golana, Basana dekenai, bona Asataroto, mai edia rei gabudia danu.

SALAMO 60:7

Gileada be egu tano, Manase danu be lauegu. Eparaima be egu tuari kwara gauna, bona Iuda be egu dagi toana auna.

IOSUA 12:4

Ma king ta Israela taudia ese idia halusia guna, iena ladana be Oga, Basana ena king. Ia be Repaima tauna, bona Repaima taudia be kahirakahira ibounai idia mase ore, tamona tamona idia do noho. Oga be Asataroto hanua bona Ederei hanua dekenai ia noho.

IOSUA 13:12

Oga, Asataroto bona Ederei edia king, ena tano ibounai Basana dekenai. Inai Oga be Repaima tauna, Repaima besena ia mase ore vadaeni, Oga sibona ia noho. Inai Sihona bona Oga mai edia taudia be Mose ese ia halusia bona lulua ore vadaeni, bona edia tano ia abia.

IOSUA 13:32

Unai dala dekenai Mose ese Ieriko bona Ioridane Sinavai ena dina daekau kahana tano ia haria lao, Moaba ena tano palaka dekenai ia noho neganai.

IOSUA 17:5

Unai dainai Manase iduhu ese tano kahana ibounai 10 ia abia, bona Gileada bona Basana tano danu, Ioridane Sinavai ena dina daekau kahana dekenai.

IOSUA 17:6

Badina be Manase besena ena hahine taudia ese tano kahana idia abia, tatau danu. To Gileada tano be Manase ena natuna tau oredia ese idia abia.

IOSUA 9:10

Bona Lohiabada ese Amoro king ruaosi, Ioridane Sinavai unai kahana dekenai, dahaka ia karaia ena sivarai danu ai kamonai. Unai king be Sihona, Hesebona ena king, bona Oga, Basana ena king, Asataroto dekenai ia noho tauna.

GUNALAIA TAUDIA 10:6

Israela taudia ma idia kara dika Lohiabada ena vairanai, dirava idaudia idia tomadiho henia, dirava be inai: Bala, Asataroto, Suria taudia edia dirava, Sidono taudia edia dirava, Moaba taudia edia dirava, Amono taudia edia dirava, bona Pilistia taudia edia dirava. Bona idia ese Lohiabada idia rakatania, iena hesiai gaukara idia karaia lasi.

GUNALAIA TAUDIA 5:17

Gileada taudia be Ioridane Sinavai unai kahana dekenai idia noho. Dano iduhu taudia be dahaka dainai lagatoi dekenai idia helai noho? Asere iduhu taudia be kone dekenai idia noho kava. Sinavai ena vopu dekenai idia gini kava.

1 SAMUELA 12:10

“Lohiabada dekenai idia tai henia, idia gwau, ‘Lohiabada e, ai be ai kara dika vadaeni, oi Lohiabada ai rakatania vadaeni, Bala bona Asataroto dekenai ai tomadiho vadaeni. To harihari oi dekenai ai noinoi, ai dekenai idia tuari henia taudia edia siahu dekena amo ai do oi hamauria, unai neganai ai ese oi sibona do ai tomadiho henia!’

1 SAMUELA 7:3

Vadaeni Samuela ese Israela taudia ibounai dekenai ia sisiba, ia gwau, “Bema Lohiabada dekenai umui giroa momokani, mai emui lalona ibounai neganai, dirava idaudia bona Asataroto do umui negea. Emui kudouna bona lalona ibounai Lohiabada dekenai do umui henia. Ia sibona dekenai do umui tomadiho henia, vadaeni ia ese Pilistia taudia edia siahu dekena amo umui do ia hamauria.”