IOSUA 13:3 - Buka Helaga (Hiri Motu) 1993

³ Sihoro, Aigupito ena dina daekau kahana tano dekena amo, mirigini kahana ia lao ela bona Ekarona ena hetoana be Kanana taudia edia tano, idia gwauraia, bona Pilistia lohia taudia 5 ese idia biagua noho. Inai Pilistia lohia taudia edia noho gabudia be Gasa, Asadoda, Asakelona, Gata, bona Ekarona. Avima taudia edia tano danu umui do abia lasi.

IOSUA 13:3 Iomraidhean Croise

GENESE 10:6

Hamo ena natuna be inai: Kusu bona Aigupito bona Putu bona Kanana.

GENESE 15:18

Unai dina dekenai Lohiabada ese Aberamo dekenai ia gwauhamata, bona gwauhamata taravatuna ia karaia, ia gwau, “Lau ese oiemu tubuna taudia dekenai inai tano ibounai do lau henia: Aigupito ena sinavai dekena amo ia lao bona sinavai badana ladana Euperate.

1 KING TAUDIA 8:65

Unai dala dekenai Solomona ese unai neganai aria ia karaia, bona Israela taudia ibounai ia danu, hebou bada herea, Hamata ia raka vareai gabuna dekena amo ela bona Aigupito tano ena hetoa gabuna dekena amo taunimanima idia mai. Lohiabada iseda Dirava ena vairanai Au Raurau Ruma Maragidia Aria ta idia karaia, dina 7 lalonai.

1 SIVARAI 13:5

Unai dainai Davida ese Israela taudia ibounai ia haboua, Aigupito Sinavai ladana Sihoro dekena amo, ela bona Hamata raka vareai gabunai, Dirava ena Taravatu Maua be Kiriata Iearimi dekena amo do idia mailaia totona.

ISAIA 23:3

Davara idauidau dekenai idia laolao, bona umui ese Sihoro ena uiti, bona Naila Sinavai tano ena aniani umui haboua. Bese idauidau taudia momo dekenai, gau idauidau umui hoia lao.

IEREMIA 2:18

Aigupito dekenai oi lao, durua do oi abia gwauraia, a? Dahaka namo Aigupito dekena amo do oi abia, oi laloa? Naila Sinavai ena ranu do oi inua, a? Bona Asuria dekenai oi lao, durua do oi abia totona, a? Dahaka namo Asuria dekena amo do oi abia diba, a? Euperate Sinavai ena ranu do oi inua, a?

DEUTERONOMI 2:23

Avima besena danu be unai bamona. Idia be kone kahana hanua maragidia dekenai idia noho ela bona Gasa. To Kerete taudia be Kerete motumotu dekena amo idia mai, Avima taudia idia alaia ore, bona edia tano idia abia.

IOSUA 13:13

To Israela taudia ese Gesuru taudia bona Makata taudia idia lulua ore lasi. Idia be Israela dekenai idia do noho ia mai bona hari dina.

GUNALAIA TAUDIA 16:5

Vadaeni Pilistia lohia taudia be unai hahine dekenai idia lao, idia hereva henia, idia gwau, “Samson do oi koia, do oi diba iena goada bada herea be edeseni ia abia, bona edena dala dekenai do ai halusia, vadaeni do ai dogoatao bona hamanadaia. Bema unai bamona oi koia, ai ta ta ese siliva moni 1100 oi dekenai do ai henia.”

GUNALAIA TAUDIA 3:3

Tano dekenai do noho idau bese taudia be inai: Pilistia taudia edia lohia taudia 5, Kanana taudia ibounai, Sidono taudia, Hivi taudia, Lebanona Ororo dekenai idia noho, Bala Heremona dekena amo ela bona Hamata raka vareai gabuna.

1 SAMUELA 5:1

Pilistia taudia ese Dirava ena Taravatu Maua idia henaoa neganai, idia ese Ebenesera dekena amo idia abia lao ela bona edia hanua Asadoda dekenai.

1 SAMUELA 5:10

Unai dainai Dirava ena Taravatu Maua be Ekarona dekenai idia siaia. To Dirava ena Taravatu Maua be Ekarona hanua idia abia vareai noho neganai, hanua taudia idia taitai mai boiboi danu, idia gwau, “Israela edia Dirava ena Taravatu Maua idia mailaia vadaeni, ita ibounai bona iseda varavara ibounai alaia totona.”

1 SAMUELA 5:8

Unai dainai idia ese Pilistia lohia taudia ibounai idia boiria hebou, idia nanadaia, idia gwau, “Israela ena Dirava ena Taravatu Maua dekenai dahaka do ita karaia?” Idia haere, idia gwau, “Israela ena Dirava ena Taravatu Maua be be Gata dekenai do umui abia lao.” Vadaeni, idia ese Israela ena Dirava ena Taravatu Maua be Gata dekenai idia abia lao.

1 SAMUELA 6:4

Idia ma idia nanadaia, idia gwau, “Aiemai dika ena davana karaia totona dahaka harihari gauna do ai siaia?” Pilistia meamea taudia idia haere, idia gwau, “Gudu dikadia edia laulau 5, bona bita edia laulau 5, golo dekena amo karaia gaudia, Pilistia lohia taudia ibounai be 5 dainai. Badina be unai gorere dikana be tamona, umui ibounai dekenai ia kamokau, emui lohia taudia 5 dekenai danu.