IOSUA 13:27 - Buka Helaga (Hiri Motu) 1993

²⁷ Ioridane Koura lalonai Gado taudia edia tano lalonai inai hanua idia noho: Bete Harama, Bete Nimera, Sukoto, Sapona, bona Sihona, Hesebona ena king ena basileia orena kahana. Gado taudia edia tano hetoana be Ioridane Sinavai ia lao mirigini kahana, ela bona Galilea Gohu, Ioridane Sinavai ena dina daekau kahanai.

IOSUA 13:27 Iomraidhean Croise

GENESE 33:17

To Iakobo be Sukoto dekenai ia lao. Unuseni iena ruma ta ia haginia, bona boromakau bona mamoe edia au raurau mai rigi danu ruma ia karaia. Unai dainai unai gabu ena ladana ia atoa Sukoto, ena anina be “au raurau rumadia.”

1 KING TAUDIA 7:46

Guna king Solomona ese Hurama ia hamaoroa, inai gaudia ibounai be Ioridane Sinavai ena Koura dekenai do ia karaia, gabu ta, Sukoto hanua bona Saretana hanua edia huana dekenai. Unai gabu dekenai be raro tano namona ia noho.

SALAMO 60:6

Iena gabu helagana dekena amo Dirava ia hereva, ia gwau, “Mai kwalimu danu lau ese Sekema tano do lau hapararaia, bona Sukoto Koura, be egu bese dekenai do lau haria.

NUMERA 32:3

“Ataroto bona Dibona bona Iasera bona Nimera bona Hesebona bona Eleale bona Sebama bona Nebo bona Beoni tano be inai,

NUMERA 32:36

bona Bete Nimera bona Bete Harana.

NUMERA 34:11

Bona Sepama dekena amo do ia lao, ela bona Ribila, Aina ena dina daekau kahana dekenai. Ma unuseni dekena amo do ia lao bona Galilea Gohuna ena dina daekau kahanai.

LUKA 5:1

Dina ta Genesareta gohu kone dekenai Iesu ia gini neganai taunimanima momo ia dekenai idia gini hagegea, Dirava ena hereva kamonai totona.

DEUTERONOMI 3:17

Edia dina diho kahana tano hetoana be Ioridane Sinavai, Kinerete Gohu, mirigini kahana dekena amo, ela bona Davara Mase, ma ela bona Pisiga Ororo, dina daekau kahana dekenai.”

IOSUA 11:2

bona Simarona ena king, bona Akasapa ena king dekenai, bona ororo gabudia edia king taudia dekenai, mirigini kahanai, bona Arabaha tano palaka edia king taudia, Galilea gohu ena diho kahana edia king, bona dina diho kahana ororo henunai gabudia edia king, bona Doro hanua, kone kahirakahira, ena king.

IOSUA 12:3

Bona Arabaha ena dina daekau kahana tano danu be Sihona ena, Galilea Gohu ena dina daekau kahana dekena amo ela bona Bete Iesimoto, ela bona Davara Mase, bona diho kahana tano ela bona Pisiga Ororo ena henuna tanona.

IOSUA 13:26

Edia tano danu be Hesebona dekena amo ela bona Ramata Misipe, bona Betonimi, bona Mahanaimi ela bona Lo Debara ena hetoana.

IOSUA 13:28

Gado iduhu taudia dekenai Mose ese ia henia hanua badadia bona hanua maragidia be unai, edia bese ta ta ese edia ahuna idia abia, edia tano korikori.