IOSUA 13:22 - Buka Helaga (Hiri Motu) 1993

²² Balama Beoro, ia ese gabeai do idia vara gaudia ia gwauraia tauna, be Israela taudia ese tuari kaia dekenai idia alaia, taunimanima momo danu.

IOSUA 13:22 Iomraidhean Croise

NUMERA 23:23

Meamea karadia be goada lasi Iakobo dekenai, bona babalau karadia ese, Israela taudia idia hadikaia diba lasi. Harihari taunimanima ese Israela do idia herevalaia inai bamona: Dirava ese inai bese ia durua bada be hoa gauna, ani?

NUMERA 24:1

Balama be hari ia diba Lohiabada ia ura Israela taudia do ia hanamodia momokani. Unai dainai ia be meamea karadia edia hunia gaudia ia karaia lasi, nega gunadia ia karaia bamona. To ia be taunimanima noho lasi tano dekenai iena vairana ia giroa.

NUMERA 24:14

Vadaeni, hari lauegu bese dekenai do lau giroa lou. To guna oi dekenai do lau sisiba henia, vaira neganai dahaka karadia Israela taudia ese oiemu bese dekenai do idia karaia.”

NUMERA 31:8

Midiana edia king taudia 5 danu be Israela ese idia alaia mase. King edia ladana be Evi, Rekema, Suru, Huru, bona Reba. Balama Beoro danu be Israela taudia ese tuari kaia dekena amo idia alaia mase.

IOSUA 13:23

Rubena iduhu taudia edia tano hetoana be Ioridane Sinavai ena isena. Rubena iduhu taudia dekenai Mose ese ia henia hanua badadia bona hanua maragidia be unai, edia bese ta ta ese edia ahuna idia abia, edia tano korikori.

2 PETERO 2:15

Idia ese dala maoromaoro idia rakatania vadaeni, bona idia raka kerere, Balama, Beoro ena natuna bamona. Balama ese kerere ia karaia, moni do ia davaria totona, badina moni ia ura henia dikadika dainai.

IUDA 1:11

Madi, dika momokani do idia davaria! Kaino ena dala hegeregere idia raka vadaeni. Balama ena kerere idia karaia vadaeni, moni do idia davaria totona. Idia ese mai hekokoroku danu, Dirava idia kamonai henia lasi, Kora ia karaia bamona. Bona Kora ese dika ia davaria bamona, idia danu ese edia dika davana, mase do idia abia.

APOKALUPO 19:20

Unai neganai guba tuari oreadia ese unai dagedage gauna idia dogoatao, bona unai peroveta koikoi tauna danu idia dogoatao, idia ruaosi idia guia. Unai peroveta koikoi tauna ese guna, hoa kara momo unai dagedage gauna ena vairanai ia karaia. Unai hoa karadia dekena amo, ia ese dagedage gauna ena maka idia abia taudia ia koidia, bona dagedage gauna ena laulau dekenai idia tomadiho henia taudia danu ia koidia. Unai dagedage gauna bona peroveta koikoi tauna ruaosi be idia do mauri noho neganai, lahi gohuna dekenai idia negea diho. Unai be salipa ia araia noho gabuna, guri badana ta.

APOKALUPO 2:14

“To inai gau haida dekenai oi be kerere. Umui emui huanai taunimanima haida ese Balama ena hadibaia hereva idia badinaia noho. Balama ena hadibaia hereva dainai, Balaki ese Israela taudia ia hakaudia kerere, vadaeni idia kara dika. Unai murinai Israela taudia ese kaivakuku dekenai idia henia vamuna idia ania, bona matabodaga karadia idia karaia.