IOSUA 13:16 - Buka Helaga (Hiri Motu) 1993

¹⁶ Edia tano be Aroere hanua, Aranona Koura ena isena dekena amo, bona unai Koura ena huanai ia noho hanua dekena amo, bona Medeba ena tano palaka ibounai. Medeba hanua,

IOSUA 13:16 Iomraidhean Croise

2 SAMUELA 24:5

Idia ese Ioridane Sinavai idia hanaia, Aroere dekenai duahia gaukara idia hamatamaia. Inai hanua be koura ena huanai ia noho, Gado tano dekenai. Unai gabu dekena amo, mirigini kahanai idia lao, ela bona Iasa.

1 SIVARAI 19:7

Kariota ibounai 32,000 mai edia hosi, bona kariota guia taudia idia hoia, ma Maka ena king, mai iena tuari orea ibounai danu idia hoia. Inai orea ruaosi idia mai, Mereba ena vairana dekenai idia kamepa. Amono taudia danu edia hanua ta ta dekena amo idia haboua, bona tuari totona idia raka mai.

ISAIA 15:4

Hesebona bona Eleale hanua taudia danu idia tai noho, mai boiboi danu. Edia gadodia be taunimanima ese idia kamonai noho, ia lao bona Iahasa. Unai dainai, Moaba ena tuari taudia danu, be idia tai bada noho bona edia kudoudia idia manoka lao noho.

NUMERA 21:26

Badina Hesebona be Sihona, Amoro ena king, ena hanua. Gunaguna Sihona ese Moaba ena king gunana ia tuari henia, bona Moaba ena tano ibounai ia abia, ela bona Aranona Sinavai.

DEUTERONOMI 3:12

Ma Mose ia hereva, ia gwau, “Unai tano ita abia neganai, lau ese Rubena bona Gado iduhu taudia dekenai, Aroere, Aranona Sinavai ena isena dekenai ia noho hanua, bona Gileada Ororo kahana, mai ena hanua danu, lau henia.

IOSUA 12:2

Ta ena ladana be Sihona. Ia be Amoro taudia edia king, bona Hesebona hanua dekenai ia noho. Sihona ena basileia ena lalonai be Gileada tano kahana. Inai tano be Aroere, Aranona Koura ena isena dekenai, bona inai koura ena huanai ia noho hanua dekena amo ela bona Iaboka Sinavai, Amono taudia edia tano hetoana.

IOSUA 13:15

Mose ese inai tano Rubena iduhu dekenai ia henia vadaeni, edia bese ta ta dekenai edia tano ta ta ia henia, edia tano korikori do ia lao:

IOSUA 13:17

ma Hesebona danu be idia edia, mai ena tano palaka dekenai idia noho hanua ibounai, bona Dibona, Bamoto Bala, bona Bete Bala Meono.

IOSUA 13:9

Aroere hanua, Aranona Koura ena isena dekena amo, bona unai Koura ena huana dekenai ia noho hanua dekena amo, bona Medeba tano palaka ibounai, ela bona Dibona.

IOSUA 14:3

To iduhu rua bona iduhu kahana dekenai be Mose ese edia tano Ioridane Sinavai unai kahana dekenai ia henia vadaeni. To Levi iduhu taudia dekenai tano ta ia henia lasi.

IOSUA 18:7

“To Levi taudia be emui huanai tano ta do idia abia lasi, badina idia be Lohiabada ena hahelagaia taudia do idia lao, edia davana be unai. Bona Gado iduhu, Rubena iduhu, bona Manase iduhu kahana ese edia tano idia abia vadaeni, Ioridane Sinavai ena dina daekau kahana dekenai, Lohiabada ese idia dekenai ia henia gabudia.”

GUNALAIA TAUDIA 11:26

Lagani 300 lalonai Israela be Hesebona, mai ena hanua maragidia, bona Aroere mai ena hanua maragidia, bona Aranona Sinavai ena isena hanua ibounai dekenai idia noho. Badina dahaka unai neganai oi abidia lou lasi?

1 SAMUELA 30:28

Aroere, Sipimoto, Esitemoa,