IOSUA 13:14 - Buka Helaga (Hiri Motu) 1993

¹⁴ Mose ese Levi iduhu taudia dekenai tano ta ia henia lasi, badina be Lohiabada, Israela ena Dirava ia hereva vadaeni, Lohiabada dekenai idia henia boubou gaudia, lahi dekenai idia gabua gaudia, be idia edia davana.

IOSUA 13:14 Iomraidhean Croise

ESEKIELA 44:28

“Hahelagaia taudia ese tano ta do idia biagua lasi Israela lalonai, edia ahuna be lau sibona. Kohu ta Israela dekenai do umui henidia lasi, badina be edia kohu be lau.

ESEKIELA 44:29

Paraoa boubouna bona kara dika bona kerere kokia boubou gaudia be do idia ania, bona Israela taudia ese idia atoa siri gau helagadia, lau Dirava dekenai idia henia gaudia ibounai be hahelagaia taudia do idia abia, edia.

DEUTERONOMI 10:9

Unai dainai Levi taudia ese tano idia abia lasi, iduhu haida idia abia bamona. To Levi taudia idia abia gauna be, Lohiabada ena hahelagaia dagina idia abia, Lohiabada emui Dirava ena gwauhamata hegeregerena.

DEUTERONOMI 12:12

Unai gabu dekenai umui be Lohiabada emui Dirava ena vairana dekenai do umui moale hebou, umui bona emui natudia memero bona emui natudia kekeni, bona emui hesiai taudia, tatau bona hahine, bona Levi taudia, emui hanua dekenai idia noho danu. Badina do umui laloa noho, Levi taudia be tano ta idia biagua diba lasi.

DEUTERONOMI 12:19

Do umui naria namonamo, Levi taudia do umui laloaboio lasi, emui tano dekenai umui noho dinadia ibounai.

IOSUA 13:13

To Israela taudia ese Gesuru taudia bona Makata taudia idia lulua ore lasi. Idia be Israela dekenai idia do noho ia mai bona hari dina.

IOSUA 13:15

Mose ese inai tano Rubena iduhu dekenai ia henia vadaeni, edia bese ta ta dekenai edia tano ta ta ia henia, edia tano korikori do ia lao:

IOSUA 13:33

To Mose ese tano ta Levi taudia dekenai ia henia lasi, Lohiabada, Israela ena Dirava ia oda henia hegeregerena, idia edia davana be ia, Lohiabada.

IOSUA 18:7

“To Levi taudia be emui huanai tano ta do idia abia lasi, badina idia be Lohiabada ena hahelagaia taudia do idia lao, edia davana be unai. Bona Gado iduhu, Rubena iduhu, bona Manase iduhu kahana ese edia tano idia abia vadaeni, Ioridane Sinavai ena dina daekau kahana dekenai, Lohiabada ese idia dekenai ia henia gabudia.”