IOSUA 13:13 - Buka Helaga (Hiri Motu) 1993

¹³ To Israela taudia ese Gesuru taudia bona Makata taudia idia lulua ore lasi. Idia be Israela dekenai idia do noho ia mai bona hari dina.

IOSUA 13:13 Iomraidhean Croise

GENESE 35:22

Israela ese unai tano dekenai ia noho neganai, Rubena ese iena tamana ena adavana ta Bileha danu idia mahuta hebou. Israela ese inai sivarai ia kamonai neganai ia badu momokani. Iakobo ena natuna tatau be 12.

2 SAMUELA 10:6

Amono taudia idia diba vadaeni, Davida ena lalona be ia dika noho idia dekenai. Vadaeni idia ese Suria taudia Bete Rehoba dekena amo, bona Soba dekena amo idia boiria. Inai hanua ruaosi dekena amo tuari taudia 20,000 be moni dekenai idia hoia, idia ese Amono taudia tuari lalonai do idia durua totona. Ma Amono taudia ese tuari taudia 12,000 be Tobo hanua dekena amo idia hoia, bona Maka ena king mai ena tuari taudia 1000 danu idia hoia.

2 SAMUELA 3:3

Iharuana be Kilea, Abigaila ena natuna, unai Abigaila be Nabala, Karamele tauna ena vabu. Ihatoina be Abesaloma, Maka ena natuna, Maka be Talemai, Gesuru taudia edia king ena natuna hahine.

NUMERA 33:55

“To bema unai tano dekenai idia noho taudia umui lulua ore lasi, idia do noho taudia ese umui do idia hakererea, emui matana dekenai kahu bamona, o emui kopina dekenai au ginigini bamona. Idia ese umui noho tano dekenai umui do idia tuari henia.

DEUTERONOMI 3:14

“Iairi Manase ese Basana tano, Aragobo tano ibounai ia lao bona Gesuru taudia edia tano, bona Makata taudia edia tano, ia abia. Unai tano ena hanua edia ladana idia atoa, Havoto Iairi, bona unai ladana idia gwauraia noho ia mai bona hari.

IOSUA 12:5

Iena basileia ena tano be Heremona Ororo, bona Saleka, bona Basana tano ibounai ela bona Gesuru taudia bona Makata taudia edia tano hetoana. Gileada tano kahana danu be Oga ena, ela bona Sihona, Hesebona ena king, ena tano hetoana.

IOSUA 13:11

Bona Gileada, bona Gesuru taudia, bona Makata taudia edia tano, bona Heremona Ororo ibounai, bona Basana tano ibounai ela bona Saleka.

IOSUA 13:12

Oga, Asataroto bona Ederei edia king, ena tano ibounai Basana dekenai. Inai Oga be Repaima tauna, Repaima besena ia mase ore vadaeni, Oga sibona ia noho. Inai Sihona bona Oga mai edia taudia be Mose ese ia halusia bona lulua ore vadaeni, bona edia tano ia abia.

IOSUA 13:14

Mose ese Levi iduhu taudia dekenai tano ta ia henia lasi, badina be Lohiabada, Israela ena Dirava ia hereva vadaeni, Lohiabada dekenai idia henia boubou gaudia, lahi dekenai idia gabua gaudia, be idia edia davana.

1 SAMUELA 27:8

Vadaeni Davida mai ena orea taudia danu idia toreisi, Gesuru taudia bona Girisi taudia bona Amaleka taudia idia tuari henia. Unai taudia be unai gabu dekenai nega daudau idia noho, sene negana dekena amo. Davida ese edia tano ia tuari henia, ela bona Suru, ma ela bona Aigupito tano danu.