IOSUA 12:8 - Buka Helaga (Hiri Motu) 1993

⁸ Ororo gabudia, dina ia diho kahana ororo edia henunai tanodia, Arabaha ena tano palaka, dina daekau kahana ena ororo hekei gabudia, tano kaukau, bona Negebe tanona. Unai tanodia dekenai be guna inai bese taudia idia noho: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.

IOSUA 12:8 Iomraidhean Croise

GENESE 10:17

bona Hivi taudia bona Araka taudia bona Sini taudia,

GENESE 12:9

Vadaeni ma ia toreisi, ia lao diho kahanai, Negebe tano kahirakahira.

GENESE 13:7

Unai dainai Aberamo ena boromakau naria taudia be Lota ena boromakau naria taudia danu idia heai. Unai neganai Kanana taudia bona Perisi taudia be unai tano dekenai idia noho.

ESODO 23:23

“Lauegu aneru be emui vairana dekenai do ia lao, Amoro taudia bona Hiti taudia bona Kanana taudia bona Hivi taudia bona Iebusu taudia edia tano dekenai umui do ia hakaua. Vadaeni inai taunimanima do lau hadikadia ore.

ESODO 3:8

Lau diho mai inai, Aigupito taudia edia imana dekena amo do lau hamauridia totona. Unai tano dekena amo dohore lau hakaudia, ia lao bona tano namo herea dekenai. Tano badana dekenai dohore idia ginidae. Unai tano be aniani namodia gabuna, Kanana taudia edia tano unai, Hiti taudia edia, bona Amoro taudia edia, bona Perisi taudia edia, bona Hivi taudia edia, bona Iebusu taudia edia.

DEUTERONOMI 7:1

Ma Mose ia hereva, ia gwau, “Lohiabada, emui Dirava, ese do umui noholaia tano dekenai umui do ia hakaua vareai neganai, umui emui vairana dekenai bese ibounai 7 do ia lulua. Inai bese be: Hiti taudia, Girigasa taudia, Amoro taudia, Kanana taudia, Perisi taudia, Hivi taudia, Iebusu taudia.

DEUTERONOMI 9:1

Mose ia hereva, ia gwau, “Israela taudia e, umui kamonai! Hari dina Ioridane Sinavai do umui hanaia, bese badadia, goada dekenai umui idia hanaia besedia, edia tano be do umui abia. Hanua badadia danu, edia magu be guba dekenai idia daekau hanuadia be do umui abia.

IOSUA 10:40

Vadaeni Iosua ese unai tano kahana ibounai ia halusia, ororo kahana, Negebe kahana, dina diho kahana ororo henunai gabudia, bona dina daekau kahana ena ororo hekei gabudia. Iosua ese inai gabudia edia taunimanima bona edia king ibounai ia alaia ore. Idia ta ia heau mauri lasi, Lohiabada, Israela ena Dirava, ia oda henia hegeregerena.

IOSUA 11:16

Unai dainai Iosua ese unai tano ibounai ia abia, ororo kahana gabudia, Negebe ibounai, Gosena tano, bona dina diho kahana ororo henunai gabudia, Arabaha tano, bona Israela ena ororo bona koura gabudia:

IOSUA 3:10

Iosua ma ia gwau, “Umui raka vaira neganai Lohiabada ese Kanana taudia bona Hiti taudia bona Perisi taudia bona Girigasa taudia bona Amoro taudia bona Iebusu taudia umui emui vairana dekenai do ia luludia lao. Inai dekena amo do umui diba Mauri Diravana be umui emui huanai ia noho.

IOSUA 9:1

Ioridane Sinavai ena dina diho kahanai king taudia ibounai, ororo dekenai bona tano palaka dekenai, Davara Badana kone dekenai ela bona Lebanona kahanai, ese Israela taudia edia kwalimu sivarai idia kamonai. Inai king edia bese be inai: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.

GUNALAIA TAUDIA 1:9

Unai murinai Iuda taudia ma idia diho lao, Kanana taudia idia tuari henia, ororo gabudia dekenai, Negebe tano kaukau dekenai, bona tano palaka dekenai.