IOSUA 12:1 - Buka Helaga (Hiri Motu) 1993

¹ Israela taudia ese guna Ioridane Sinavai ena dina daekau tanona idia halusia, bona idia noholaia. Tano be inai: Aranona Sinavai dekena amo ela bona Heremona Ororo, bona Arabaha tano palaka ena dina daekau kahana ibounai. Inai gabudia edia king taudia be inai:

IOSUA 12:1 Iomraidhean Croise

1 KING TAUDIA 4:19

Gebere Uri: Gileada provins. Guna inai provins be king Sihona, Amoro taudia edia king, bona king Oga, Basana ena king idia naria. King ena opesa ta ese inai provins naria taudia ia biagua.

SALAMO 133:3

Unai lalokau hebou, be Heremona Ororo ena hanuaboi ranu bamona. Inai hanuaboi ranu, be Siona Ororo ena latanai danu ia moru noho. Inai gabu dekenai be Lohiabada ese ia gwauhamata vadaeni, iena hanamoa do ia atoa. Iena hanamoa be inai: Mauri hanaihanai.

SALAMO 136:21

Edia tano be iena bese taudia dekenai ia henia. Iena lalokau bona bogahisihisi do idia noho hanaihanai.

SALAMO 89:12

Mirigini kahana bona diho kahana be oi ese oi karaia. Taboro Ororo bona Heremona Ororo ese, oiemu ladana idia hanamoa noho, mai edia moale anedia danu.

ISAIA 16:2

Moaba hahine taudia, be Aranona Sinavai ena isena dekenai idia naria noho. Idia raka mai, raka lao kava noho, manu natudia be edia ruma dekena amo idia boio neganai bamona.

NUMERA 21:13

Seredi dekena amo idia toreisi, idia lao ela bona Aranona Sinavai unai kahana dekenai idia kamepa. Unai be taunimanima idia noho lasi tano, Amoro taudia edia tano hetoana dekenai. Unai Aranona Sinavai be Moaba bona Amoro taudia edia tano hetoana.

NUMERA 21:21

Unai neganai Israela taudia ese hesiai taudia idia siaia, Sihona, Amoro ena king dekenai idia hereva, idia gwau,

NUMERA 21:24

To Israela taudia ese tuari kaia dekena amo Sihona idia alaia mase, bona iena tano ibounai Aranona Sinavai dekena amo ela bona Iaboka Sinavai idia abia. To Amono taudia edia tano hetoana idia hanaia lasi, badina be Amono taudia ese edia tano hetoana idia gimaia auka masemase.

NUMERA 32:19

Ai ese edia tano Ioridane Sinavai unai kahanai gauna be do ai abia lasi, badina be aiemai tano inai, Ioridane Sinavai ena dina daekau kahanai, be ai abia vadaeni.”

NUMERA 32:32

Ai ese mai tuari gaudia danu Ioridane Sinavai do ai hanaia, bona Lohiabada ena vairana dekenai Kanana tano dekenai do ai tuari, inai aiemai tano, Ioridane Sinavai ena dina ia daekau kahanai tano do ai abia totona.”

NUMERA 32:33

Vadaeni Mose ese Gado iduhu bona Rubena iduhu bona Manase Iosepa ena iduhu kahana dekenai Sihona, Amoro ena king, ena tano, bona Oga, Basana ena king ena tano ia henia. Unai tano ena hanua ibounai bona unai hanua ia hagegea tano danu idia dekenai ia henia.

DEUTERONOMI 2:24

“Ma Lohiabada ese ita ia hamaoroa, ia gwau: Umui toreisi, do umui raka lao, Aranona Koura do umui hanaia, Sihona, Amoro tauna, Hesebona ena king, bona iena tano be emui siahu henunai lau atoa vadaeni. Do umui tuari henia, bona iena tano do umui raka vareai, do umui abia.

DEUTERONOMI 2:32

“Sihona, mai ena tuari taudia danu be Iahasa hanua kahirakahira ita ia tuari henia.

DEUTERONOMI 3:1

Ma Mose ia hereva, ia gwau, “Unai gabu dekena amo ita be Basana dekenai ia lao dalana dekenai ita raka lao, bona king Oga, mai ena tuari taudia ibounai ita tuari henia totona ia mai, Ederei hanua kahirakahira.

DEUTERONOMI 4:44

Mose ese Dirava ena Taravatu Israela taudia dekenai ia henia.

DEUTERONOMI 4:46

Inai hereva ia gwauraia gabuna be Ioridane Sinavai ena dina daekau kahanai Bete Peoro hanua kahirakahira, Sihona, Amoro edia king, Hesebona dekenai noho tauna, ena tano dekenai. Inai Sihona be Mose bona Israela taudia ese idia halusia, Aigupito idia rakatania murinai.

DEUTERONOMI 4:48

Inai tano be Aroere hanua, Aranona Sinavai ena isena dekena amo mirigini kahanai ela bona Siriona Ororo, unai be Heremona Ororo ena ladana ta.

IOSUA 1:15

Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”

IOSUA 11:17

Halaka Ororo dekena amo, Seiri kahana dekenai, ela bona Bala Gada, Lebanona Koura dekenai, Heremona Ororo ena diho kahanai. Inai gabudia edia king danu be nega daudau ia tuari henidia, to idia ibounai be Iosua ese ia abia, bona ia aladia mase.

IOSUA 11:3

Iabina ese danu hereva ia siaia lao Kanana taudia dekenai, dina daekau kahanai bona dina diho kahanai, bona Amoro taudia, Hiti taudia, Perisi taudia, bona Iebusu taudia, ororo dekenai noho taudia, bona Hivi taudia, Heremona Ororo henunai, Misipa tano dekenai idia noho taudia danu.

IOSUA 13:8

To Manase iduhu kahana ese Rubena bona Gado iduhu taudia danu edia tano kahadia idia abia guna vadaeni. Badina Mose ese idia dekenai ia henia, Ioridane Sinavai ena dina daekau kahana dekenai. Lohiabada ena hesiai tauna Mose ese ia henia tano be inai:

IOSUA 22:4

Harihari, Lohiabada, emui Dirava, ese emui varavara Israela taudia dekenai maino ia henia vadaeni, ia gwauhamata henia hegeregerena. Unai dainai do umui giroa lou, emui tano korikori, Lohiabada ena hesiai tauna Mose ese umui dekenai ia henia tano, Ioridane Sinavai unai kahana dekenai do umui giroa lou.

GUNALAIA TAUDIA 11:18

“Bona idia be ma idia laolao, bona tano kaukau dekena amo Edoma bona Moaba tano edia murimurinai idia raka, ela bona Moaba tano ena dina daekau kahana dekenai idia ginidae, Aranona Sinavai unai kahana dekenai idia kamepa. Moaba ena tano dekenai idia vareai lasi, Aranona Sinavai idia hanaia lasi, badina be Aranona Sinavai be Moaba ena tano hetoana.