IOSUA 11:8 - Buka Helaga (Hiri Motu) 1993

⁸ Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.

IOSUA 11:8 Iomraidhean Croise

GENESE 10:15

Kanana ena natuna be inai: Sidono, ia vara guna tauna, bona Heta,

GENESE 49:13

“Sebuluno be kone dekenai dohore ia noho. Lagatoi idia kamokau gabuna namona do idia halaoa. Iena tano ena hetoa gabudia, be do idia lao Sidono ena tano badibadinai.

2 SAMUELA 24:6

Ma Iasa dekena amo, Gileada bona Kadesi dekenai idia lao, Hiti taudia edia tano lalonai. Ma idia lao, ela bona Dano, bona Dano dekena amo dina diho kahanai idia lao, ela bona Sidono.

ISAIA 23:4

Sidono hanua e, do oi hemarai. Oi be davara ena gabu aukana ta, to davara ese, oiemu dika ia herevalaia vadaeni. Ia gwau, “Lau ese natuna ta lau havaraia lasi, bona lau ese, uhau bona kekeni lau ubua bona naria lasi.”

SEKARAIA 9:2

Hamata danu, Haderaka ena hetoana dekenai ia noho, be Lohiabada ena. Turo bona Sidono mai edia aonega taudia danu be iena.

DEUTERONOMI 7:2

Lohiabada, emui Dirava, ese umui emui siahu henunai unai bese do ia atodia neganai, bona umui halusidia neganai, do umui aladia ore momokani. Idia danu do umui maino lasi, bona umui bogahisihisi henidia lasi.

DEUTERONOMI 9:3

To hari dina do umui diba Lohiabada emui Dirava be umui vairana dekenai do ia hanaia, lahi bada bamona. Ia ese Anaki taudia do ia hadikaia bona hamanokaia. Vadaeni umui ese idia do umui lulua bona alaia ore haraga, Lohiabada ese umui dekenai ia gwauhamata hegeregerena.

IOSUA 10:20

Iosua bona Israela taudia ese unai tuari taudia idia alaia mase noho, ela bona momo herea idia mase ore. Idia tamona tamona be edia hanua edia magu lalonai idia heau vareai, bona idia mauri.

IOSUA 11:3

Iabina ese danu hereva ia siaia lao Kanana taudia dekenai, dina daekau kahanai bona dina diho kahanai, bona Amoro taudia, Hiti taudia, Perisi taudia, bona Iebusu taudia, ororo dekenai noho taudia, bona Hivi taudia, Heremona Ororo henunai, Misipa tano dekenai idia noho taudia danu.

IOSUA 11:7

Unai dainai Iosua bona iena tuari taudia ese, Meroma ranu gabuna dekenai idia hedinarai haraga, bona unai king taudia edia tuari taudia idia tuari henia.

IOSUA 13:6

“Sidono taudia edia tano danu, ororo dekenai idia noho, Lebanona dekena amo ela bona Misirepoto Maimi, unai taudia ibounai be Israela taudia edia vairana dekenai do lau lulua lao. Inai tano be Israela taudia edia huanai do oi haria, lau ese oi lau oda henia guna hegeregerena.

IOSUA 19:28

Tano hetoana ma ia lao, ela bona Eberona, bona Rehoba, bona Hamona, bona Kana, ma ia lao, ela bona hanua badana Sidono.

IOSUA 21:44

Vadaeni Lohiabada ese maino mai laga-ani danu idia dekenai ia henia, edia tano kahana ibounai dekenai, ia ese edia sene taudia dekenai ia gwauhamata hegeregerena. Idia dekenai idia tuari taudia ibounai, ta ese idia ia koua diba lasi, badina be Lohiabada ese tuari taudia ibounai dekena amo Israela taudia dekenai kwalimu ia henia.