IOSUA 11:6 - Buka Helaga (Hiri Motu) 1993

⁶ Vadaeni Lohiabada ese Iosua ia hamaoroa, ia gwau, “Idia dekenai do oi gari lasi, badina be kerukeru, nega inai bamona dekenai, lau ese idia ibounai do lau alaia mase Israela totona. Umui ese edia hosi edia aena varovaro do umui utua, bona edia kariota be lahi dekenai do umui gabua.”

IOSUA 11:6 Iomraidhean Croise

2 SAMUELA 8:4

Davida ese hosi idia guia taudia 1700 bona aena dekenai raka taudia 20,000 Hadadesa dekena amo ia abia mauri. Davida ese danu kariota edia hosi ibounai edia mamuna varovaro ia utua, to iena kariota totona hosi ibounai 200 edia mamuna varovaro ia utua lasi.

2 KING TAUDIA 6:16

Elisaia ia gwau, “Oi gari lasi, badina be ita idia durua taudia be momo, to unai orea idia durua taudia be momo lasi.”

2 SIVARAI 20:16

Kerukeru, idia do umui tuari henia totona do umui raka lao, idia be Sisi Raka Vareai Gabuna dekena amo do idia mai, bona koura ena dokona dekenai do umui davaridia, Ieruele tano kaukau ena dina daekau kahanai.

SALAMO 46:10

Lohiabada be inai bamona ia hereva, ia gwau, “Tuari do umui hadokoa, bona do umui diba momokani lau be Dirava. Bese idauidau ibounai ese lau do idia hanamoa. Tanobada taudia ibounai ese, lau do idia gwauraia King Badana momokani.”

SALAMO 46:11

Siahu Ibounai Dirava be ita dekenai ia noho. Iakobo ena Dirava be iseda heau mauri gabuna.

SALAMO 46:9

Tuari be Dirava ese ia hadokoa noho, tanobada kahana ibounai dekenai. Ia ese peva ia makohia noho, bona io be ia ese ia hakwaidua noho. Kariota be ia ese lahi dekenai ia gabua noho.

AONEGA HEREVADIA 20:7

Bema tamana ta be kara maoromaoro tauna, bona iena kara ibounai, be mai laloa maoromaoro danu ia karaia neganai, unai tau ena natuna taudia, be mai moale danu do idia noho.

ISAIA 30:16

ai be hosi dekenai do ai heau mauri.’ Momokani umui be do umui heau, to emui hosi be do idia hegeregere lasi, badina edia haraga be sisina, to umui idia lulua taudia be haragaharaga momokani!

ISAIA 31:1

Durua idia abia totona Aigupito dekenai idia noinoi henia taudia ese dika do idia davaria momokani! Idia ese Aigupito ena tuari goadana idia abidadama henia noho. Aigupito ena hosi, ena kariota, bona ena tuari taudia be momo dainai idia abidadama henidia. To idia ese Lohiabada, Israela ena Dirava Helagana, idia abidadama henia lasi, bona idia ese Lohiabada ena durua idia noia lasi.

ESEKIELA 39:9

Unai neganai Israela hanua edia lalonai idia noho taudia be do idia raka lao, tuari taudia ese idia rakatania vadaeni tuari gaudia be lahi totona do idia haboua, do idia gabudia ore. Kesi bona keme auridia, peva bona diba, heatu audia bona io. Israela taudia ese unai gaudia be lahi audia do idia halaoa, ela bona lagani 7 idia ore.

HOSEA 14:3

“Asuria ese ai ia hamauria diba lasi, bona tuari ena hosi ese tuari dekena amo ai idia gimaia diba lasi. Bona aiemai imana ese idia karaia dirava koikoi do ai herevalaia lou lasi, ‘Aiemai Dirava’. Badina Lohiabada e, oi ese durua idia davaria diba lasi taudia dekenai oi bogahisihisi henidia noho.”

NAHUMU 2:13

Lohiabada, Siahu Ibounai Dirava ia gwau, “Nineva e, lau ese oi lau dagedage henia noho inai. Oiemu kariota be do lau gabua ore. Oiemu tuari taudia be tuari lalonai do idia mase. Bona oi ese idau bese taudia dekena amo oi abia kohudia be oi dekena amo do lau abia lou. Oiemu siahu ena regena bada be tanobada taudia ese do idia kamonai lou lasi.”

DEUTERONOMI 7:16

To Lohiabada, emui Dirava, ese emui siahu henunai ia atoa bese ibounai, be do umui alaia ore. Do umui bogahisihisi henidia lasi, bona edia dirava do umui tomadiho henidia lasi. Badina be unai bamona umui karaia neganai kerere do umui davaria.

IOSUA 10:8

Lohiabada ese Iosua ia hamaoroa, ia gwau, “Idia dekenai do umui gari lasi, badina be kwalimu umui dekenai lau henia vadaeni, idia ta be umui emui vairana dekenai do ia gini diba lasi.”

IOSUA 11:5

Unai king ibounai ese edia tuari taudia idia haboua tamona, idia lao, Meroma ranu gabuna badinai idia kamepa, Israela taudia do idia tuari henia totona.

IOSUA 11:7

Unai dainai Iosua bona iena tuari taudia ese, Meroma ranu gabuna dekenai idia hedinarai haraga, bona unai king taudia edia tuari taudia idia tuari henia.

IOSUA 11:9

Vadaeni Iosua ese, Lohiabada ena oda hegeregerena, edia hosi edia aena varovaro ia utua, bona edia kariota be lahi dekenai ia gabua ore.

IOSUA 3:5

Vadaeni Iosua ese taunimanima ia hamaoroa, ia gwau, “Hari dina umui sibona do umui hahelagaia, badina be kerukeru Lohiabada ese umui emui huanai hoa kara do ia karaia.”

GUNALAIA TAUDIA 20:28

Pineha Eleasara, Arona ena tubuna, be unai neganai Taravatu Maua ena vairanai Lohiabada ena hesiai gaukara ia karaia. Israela taudia ese Lohiabada idia nanadaia, idia gwau, “Aiemai varavara taudia ma do ai tuari henia lou, o do ai hadokoa?” Lohiabada ia gwau, “Kerukeru ma do umui tuari henidia lou, bona lau ese Beniamina taudia dekena amo umui dekenai kwalimu do lau henia.”

GUNALAIA TAUDIA 7:9

Unai hanuaboi lalonai, Lohiabada ese Gideona ma ia hamaoroa, ia gwau, “Umui toreisi, umui diho lao haraga, edia kamepa do umui tuari henia.

1 SAMUELA 11:9

Saulo ese Iabese hanua ena hesiai taudia ia hamaoroa, ia gwau, “Kerukeru, dina tubua dekenai, ai ese umui do ai hamauria.” Hesiai taudia be idia lao, unai bamona hereva Iabese taudia idia hamaoroa, vadaeni idia ibounai idia moale bada.