IOSUA 11:3 - Buka Helaga (Hiri Motu) 1993

³ Iabina ese danu hereva ia siaia lao Kanana taudia dekenai, dina daekau kahanai bona dina diho kahanai, bona Amoro taudia, Hiti taudia, Perisi taudia, bona Iebusu taudia, ororo dekenai noho taudia, bona Hivi taudia, Heremona Ororo henunai, Misipa tano dekenai idia noho taudia danu.

IOSUA 11:3 Iomraidhean Croise

GENESE 31:49

Ma iena ladana ta be Misipa, badina Labana be ia gwau, “Ita ta ta be idau gabu idau gabu ita noho neganai Lohiabada ese do ia naria namonamo ita.

2 SAMUELA 24:16

Ma unai neganai, Lohiabada ena aneru ese Ierusalema ia hadikaia ore gwauraia. To Lohiabada ese taunimanima panisia kara dekena amo iena lalona ia giroa, bona ia ese taunimanima ia alaia noho aneru ia hamaoroa, ia gwau, “Vadaeni, oiemu kara do oi hadokoa.” Unai neganai, unai Lohiabada ena aneru be uiti kwadia gabuna ena badibadinai ia gini noho. Unai uiti kwadia gabuna be Arauna, Iebusu tauna, ena.

2 SAMUELA 24:7

Sidono dekena amo, diho kahanai idia lao, ela bona Turo. Turo dekena amo, Hivi bona Kanana taudia edia hanua dekenai idia lao, bona duahia gaukara idia hadokoa Bere Sieba dekenai.

1 KING TAUDIA 15:22

Unai neganai king Asa ese Iuda taudia ibounai ia taravatua, idia ta ta ibounai ese Rama dekenai idia noho nadi bona au, Basa ese ia haginia gaudia, do idia huaia lao siri. Vadaeni unai nadi bona au dekena amo king Asa ese Geba, Beniamina tano dekenai, bona Misipa, ia hagoadaia.

1 KING TAUDIA 9:20

Israela tano dekenai idau bese taudia haida idia noho. Idia be Amoro taudia, bona Hiti taudia, bona Perisi taudia, bona Hivi taudia, bona Iebusu taudia.

SALAMO 133:3

Unai lalokau hebou, be Heremona Ororo ena hanuaboi ranu bamona. Inai hanuaboi ranu, be Siona Ororo ena latanai danu ia moru noho. Inai gabu dekenai be Lohiabada ese ia gwauhamata vadaeni, iena hanamoa do ia atoa. Iena hanamoa be inai: Mauri hanaihanai.

SALAMO 89:12

Mirigini kahana bona diho kahana be oi ese oi karaia. Taboro Ororo bona Heremona Ororo ese, oiemu ladana idia hanamoa noho, mai edia moale anedia danu.

SOLOMONA ENA ANE 4:8

Egu adavana e, Lebanona Ororo dekena amo do ita raka hebou, Lebanona dekena amo do ita loaloa hebou. Amana bona Seniri bona Heremona Ororo edia ataiai, bona laiona edia kohua, bona taiga edia ororo dekena amo, do ita raka diho mai.

IEREMIA 40:10

Lau be Misipa dekenai do lau noho, bona umui dainai do lau hereva, Babulonia taudia dekenai, iniseni idia mai neganai. To umui ese uaina bona au huahua bona olive dehoro do umui haboua, bona umui abia vadaeni tanodia dekenai do umui noho.”

IEREMIA 40:6

Unai dainai lau Ieremia be Gedalaia Ahikama dekenai lau lao, Misipa hanua dekenai, bona Gedalaia danu lau noho, unai tano dekenai do noho taudia edia huanai.

IEREMIA 41:14

Vadaeni unai Isamaela ese Misipa dekenai ia abia mauri taudia be Iohanana Karea dekenai idia hanaia lao.

IEREMIA 41:3

Isamaela ese Iuda taudia ibounai Gedalaia danu Misipa dekenai idia noho taudia danu ia aladia mase, bona unuseni idia noho Babulonia tuari taudia danu.

NUMERA 13:29

Diho kahana dekenai Amaleka taudia idia noho. Ororo gabudia dekenai Hiti taudia, Iebusu taudia bona Amoro taudia idia noho. To kone dekenai bona Ioridane Sinavai dekenai be Kanana taudia idia noho.”

DEUTERONOMI 4:48

Inai tano be Aroere hanua, Aranona Sinavai ena isena dekena amo mirigini kahanai ela bona Siriona Ororo, unai be Heremona Ororo ena ladana ta.

DEUTERONOMI 7:1

Ma Mose ia hereva, ia gwau, “Lohiabada, emui Dirava, ese do umui noholaia tano dekenai umui do ia hakaua vareai neganai, umui emui vairana dekenai bese ibounai 7 do ia lulua. Inai bese be: Hiti taudia, Girigasa taudia, Amoro taudia, Kanana taudia, Perisi taudia, Hivi taudia, Iebusu taudia.

IOSUA 11:17

Halaka Ororo dekena amo, Seiri kahana dekenai, ela bona Bala Gada, Lebanona Koura dekenai, Heremona Ororo ena diho kahanai. Inai gabudia edia king danu be nega daudau ia tuari henidia, to idia ibounai be Iosua ese ia abia, bona ia aladia mase.

IOSUA 11:8

Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.

IOSUA 13:11

Bona Gileada, bona Gesuru taudia, bona Makata taudia edia tano, bona Heremona Ororo ibounai, bona Basana tano ibounai ela bona Saleka.

IOSUA 13:5

bona Gebala taudia edia tano, bona Lebanona tano ibounai, dina ia daekau kahana dekenai, Bala Gado dekena amo, Heremona Ororo ena diho kahanai ela bona Hamata ena raka vareai gabuna.

IOSUA 15:38

Dileana, Misipa, Iokotele,

IOSUA 15:63

To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.

IOSUA 18:26

Misipa, Kepira, Mosa,

IOSUA 3:10

Iosua ma ia gwau, “Umui raka vaira neganai Lohiabada ese Kanana taudia bona Hiti taudia bona Perisi taudia bona Girigasa taudia bona Amoro taudia bona Iebusu taudia umui emui vairana dekenai do ia luludia lao. Inai dekena amo do umui diba Mauri Diravana be umui emui huanai ia noho.

GUNALAIA TAUDIA 20:1

Vadaeni Israela taudia ibounai ese inai hereva idia kamonai, bona idia ibounai be mai lalona tamona Lohiabada ena vairana dekenai idia haboua Misipa dekenai, Dano dekena amo, ela bona Bere Sieba, bona Gileada kahana dekena amo danu.

GUNALAIA TAUDIA 21:5

Israela taudia ma idia gwau, “Israela iduhu ibounai edia huanai edena iduhu Lohiabada ena vairanai ia hedinaraia lasi, ita hebou neganai?” Badina be idia gwauhamata mai hereva metauna, Misipa dekenai ia lao lasi tauna be do idia hamasea.

GUNALAIA TAUDIA 21:8

Ma idia gwau, “Edena iduhu Lohiabada ena vairanai ia hedinaraia lasi Misipa dekenai?” Vadaeni idia laloa, Iabese Gileada dekena amo tau ta be hebou dekenai ia lao lasi.

GUNALAIA TAUDIA 3:3

Tano dekenai do noho idau bese taudia be inai: Pilistia taudia edia lohia taudia 5, Kanana taudia ibounai, Sidono taudia, Hivi taudia, Lebanona Ororo dekenai idia noho, Bala Heremona dekena amo ela bona Hamata raka vareai gabuna.

GUNALAIA TAUDIA 3:5

Unai dainai Israela taudia be Kanana taudia, Hiti taudia, Amoro taudia, Perisi taudia, Hivi taudia bona Iebusu taudia edia huanai idia noho.

1 SAMUELA 10:17

Unai neganai Samuela ese taunimanima ia boiria, Lohiabada ena vairana dekenai do idia haboua, Misipa dekenai.