IOSUA 11:23 - Buka Helaga (Hiri Motu) 1993

²³ Unai dainai Iosua ese tano ibounai ia abia, Lohiabada ese Mose ia oda henia hereva ibounai hegeregerena. Inai tano be Iosua ese Israela taudia dekenai ia henia, edia tano. Idia dekenai tano ia haria lao, edia iduhu ta ta dekenai tano kahana ta ia henia. Vadaeni taunimanima be tuari dekena amo idia laga-ani.

IOSUA 11:23 Iomraidhean Croise

NEHEMIA 9:24

Idia ese Kanana tano idia halusia, bona Kanana taudia dekena amo kwalimu oi henidia. Unai neganai Kanana ena king bona edia taudia ibounai, be Israela taudia edia siahu henunai idia noho, vadaeni Israela taudia ese unai bese taudia dekenai, sibodia edia ura idia karaia.

SALAMO 46:9

Tuari be Dirava ese ia hadokoa noho, tanobada kahana ibounai dekenai. Ia ese peva ia makohia noho, bona io be ia ese ia hakwaidua noho. Kariota be ia ese lahi dekenai ia gabua noho.

ESODO 34:11

Hari dina umui dekenai do lau henia taravatu ibounai do umui badinaia. Lau be umui emui vairana dekenai do lau lao, Amoro taudia, bona Kanana taudia, bona Hiti taudia, bona Perisi taudia, bona Hivi taudia, bona Iebusu taudia do lau lulua momokani.

ESEKIELA 45:8

Inai tano be king ena ahuna korikori Israela dekenai. Unai dainai lau ese king do lau halaodia taudia ese egu bese taudia do idia hisihisi henidia lou lasi, to king ese Israela tano orena be Israela iduhu ta ta edia naria kara henunai do ia rakatania.”

DEUTERONOMI 1:38

To Iosua Nunu, oiemu hesiai tauna, be unai tano do ia raka vareai. Do oi hamaoroa, do ia goada, badina be ia ese Israela taudia unai tano dekenai do ia hakaua vareai.’

DEUTERONOMI 25:19

Unai dainai, Lohiabada emui Dirava, umui ia henia do umui noho tano dekenai, dagedage taudia dekena amo laga-ani umui dekenai ia henia neganai, unai Amaleka taudia ibounai do umui alaia mase. Do umui aladia ore momokani, vadaeni tau ta ese idia do ia laloa lou lasi. Inai kara do umui karaia, laloaboio lasi!”

IOSUA 12:7

Iosua bona Israela taudia ese Ioridane Sinavai ena dina diho kahanai noho taudia idia halusia, Bala Gado dekena amo, Lebanona Koura dekenai, ela bona Halaka Ororo, Seiri kahana dekenai. Vadaeni Iosua ese unai tano ia abia, Israela iduhu edia huanai ia haria, iduhu ta ta dekenai, edia tano, edia tano ia henia. Unai tano be edia tano korikori ia lao, ela bona nega ibounai. Unai tano lalonai inai kahadia idia noho:

IOSUA 18:10

Vadaeni Iosua be Silo dekenai unai Israela taudia totona laki gadara ia karaia, Lohiabada ena vairanai. Unai gabu dekenai Iosua ese tano ia haria, bona Israela taudia edia iduhu ta ta dekenai edia tano korikori ia henia.

IOSUA 22:4

Harihari, Lohiabada, emui Dirava, ese emui varavara Israela taudia dekenai maino ia henia vadaeni, ia gwauhamata henia hegeregerena. Unai dainai do umui giroa lou, emui tano korikori, Lohiabada ena hesiai tauna Mose ese umui dekenai ia henia tano, Ioridane Sinavai unai kahana dekenai do umui giroa lou.

IOSUA 23:1

Nega daudau ia lao vadaeni, bona Lohiabada ese Israela taudia dekenai laga-ani ia henia. Idia dekenai idia tuari gwauraia taudia, Israela idia hagegea taudia be Lohiabada ese ia koua. Unai neganai Iosua be ia buruka, iena mauri lagani be momo.