IOSUA 11:22 - Buka Helaga (Hiri Motu) 1993

²² Anakima taudia ta ia mauri lasi Israela taudia edia tano ibounai dekenai. To Gasa bona Gata bona Asadoda dekenai, be haida sibona idia do mauri noho.

IOSUA 11:22 Iomraidhean Croise

1 KING TAUDIA 2:39

Lagani toi idia ore murinai, Simei ena hesiai taudia rua idia heau, Akisi Maka, Gata ena king dekenai idia lao. Tau haida ese Simei idia hamaoroa, idia gwau, “Oi kamonai, oiemu hesiai taudia be Gata dekenai.”

1 SIVARAI 18:1

Unai murinai Davida ese Pilistia taudia ia tuari henia lou, bona ia halusidia. Ia ese Gata hanua, bona Gata ena hanua maragidia ibounai be Pilistia taudia edia imadia dekena amo ia abia.

1 SIVARAI 8:13

Beraia bona Sema be Aialono dekenai idia noho bese taudia edia gunalaia taudia, bona idia ese Gata hanua taudia idia halusia, bona idia lulua lao.

2 SIVARAI 26:6

Usaia ese Pilistia taudia ia tuari henia. Ia ese Gata, bona Iabine, bona Asadoda hanua ia halusidia, ma edia magu ia veridia diho. Bona ia ese Asadoda hanua kahirakahira, Pilistia tano dekenai hanua haida ia haginidia lou.

ISAIA 20:1

Saragono, Asuria ena king ese ia oda henia, vadaeni Asuria edia tuari biaguna badana ese Asadoda, Pilistia ena hanua badana ta ia tuari henia, bona ia abia.

APOSETOLO EDIA KARA 8:40

To Filipo be Asadoda dekenai ia ginidae. Bona ena laolao lalonai ia vareai hanua ibounai dekenai Sivarai Namona ia harorolaia, ia lao bona Kaisarea dekenai ia ginidae.

DEUTERONOMI 2:23

Avima besena danu be unai bamona. Idia be kone kahana hanua maragidia dekenai idia noho ela bona Gasa. To Kerete taudia be Kerete motumotu dekena amo idia mai, Avima taudia idia alaia ore, bona edia tano idia abia.

DEUTERONOMI 9:2

Unai bese taudia be badadia bona latadia. Idia be Anakima taudia. Edia sivarai umui kamonai vadaeni, idia gwau, ‘Anaki taudia edia vairana dekenai daika do ia gini diba?’

IOSUA 10:41

Iosua ese idia ibounai ia halusia momokani, Kadesi Baranea dekena amo ela bona Gasa, bona Gosena tano ibounai ela bona Gibeona.

IOSUA 15:14

Vadaeni Kaleba ese Heberona dekena amo Anaki bese toi ia lulua ore, Sesai, Ahimana bona Talimai.

IOSUA 15:46

bona Ekarona dekena amo, Iuda ena tano ena hetoa ia lao ela bona Davara Badana. Inai hetoa lalonai be Asadoda kahana hanua ibounai, mai edia hanua maragidia danu.

IOSUA 15:47

Asadoda hanua korikori, bona iena hanua maragidia. Bona Gasa, mai ena hanua, bona iena hanua maragidia, ela bona sinavai maragina, Aigupito ena tano hetoana gabuna, bona Davara Badana ena kone.

GUNALAIA TAUDIA 1:18

Iuda taudia danu ese Gasa, Asakelona, bona Ekarona mai edia tano ibounai idia abia.

GUNALAIA TAUDIA 3:3

Tano dekenai do noho idau bese taudia be inai: Pilistia taudia edia lohia taudia 5, Kanana taudia ibounai, Sidono taudia, Hivi taudia, Lebanona Ororo dekenai idia noho, Bala Heremona dekena amo ela bona Hamata raka vareai gabuna.

1 SAMUELA 17:4

Vadaeni tau ta Pilistia taudia edia kamepa dekena amo ia raka mai, iena ladana be Goliata. Ia be Gata hanua tauna, bona ia be goada herea tauna. Iena lata be mita toi bamona.

1 SAMUELA 5:1

Pilistia taudia ese Dirava ena Taravatu Maua idia henaoa neganai, idia ese Ebenesera dekena amo idia abia lao ela bona edia hanua Asadoda dekenai.