IOSUA 11:20 - Buka Helaga (Hiri Motu) 1993

²⁰ Lohiabada ese unai taudia edia kudouna ia ha-aukaia, Israela taudia do idia tuari henia totona, bona Israela taudia ese, mai bogahisihisi lasi momokani danu, idia ibounai do idia alaia ore totona. Inai bamona idia karaia, Lohiabada ese Mose ia oda henia hegeregerena.

IOSUA 11:20 Iomraidhean Croise

2 SAMUELA 17:14

Vadaeni Abesaloma bona Israela taudia ibounai idia gwau, “Husai ena laloa ese Ahitopela ena laloa ia hereaia.” Lohiabada ese Ahitopela ena sisiba namona ia koua, badina be ia ura Abesaloma do ia hadikaia gwauraia.

1 KING TAUDIA 12:15

Unai dala dekenai king Rehoboama ese Israela iduhu taudia edia ura ia abia dae lasi. To inai bamona kara be Lohiabada ese ia havaraia. Badina inai be Lohiabada ese Ieroboama Nebata ia herevalaia gauna hegeregere. Lohiabada ena hereva be peroveta tauna ladana Ahaisa, Silono tauna ena uduna dekena amo Ieroboama dekenai ia mai.

2 SIVARAI 22:7

Inai vadivadi, Ahasaia ese Iorama dekenai ia henia vadivadi dekena amo, Dirava ese Ahasaia ena moru dalana ia karaia hegaegae. Badina Ahasaia be unai gabu dekenai ia ginidae, vadaeni ia bona Iorama danu idia raka lao, Iehu Nimisi danu do idia hedavari totona. Unai Iehu be Lohiabada ese ia abia hidi vadaeni, Ahaba ena bese do ia alaia ore totona.

2 SIVARAI 25:16

To Amasaia ese peroveta tauna ena hereva ia utua, ia gwau, “Ai ese king ena sisiba henia tauna oi ai halaoa vadaeni, a? Hereva hadokoa, lau ese oi do lau alaia mase garina!” Vadaeni peroveta tauna ese iena hereva ia hadokoa, to ia gwau, “Lau diba Dirava ese iena lalona ia ha-aukaia vadaeni, oi do ia hadikaia ore, badina be inai kara be oi karaia vadaeni, bona egu sisiba hereva oi kamonai henia lasi dainai.”

ESODO 10:1

Vadaeni Lohiabada ese Mose dekenai ia hamaoroa, ia gwau, “Farao dekenai do oi raka vareai, badina be iena lalona bona iena hesiai taudia edia lalona danu lau ha-aukaia vadaeni. Inai bamona lau karaia badina be, idia huana dekenai lauegu siahu do lau hedinaraia totona.

ESODO 11:10

Mose bona Arona ese unai hoa kara ibounai Farao ena vairana dekenai idia karaia, to Lohiabada ese Farao ena lalona ia ha-aukaia. Inai dainai Farao ese Israela taudia be iena tano dekena amo ia negea lasi.

ESODO 14:17

To lau be Aigupito taudia edia lalona do lau ha-aukaia, vadaeni umui emui murina dekenai do idia mai haragaharaga, vadaeni Farao bona iena tuari orea ibounai, iena kariota bona iena hosi dekenai guia taudia, do lau halusia.

ESODO 14:4

Vadaeni lau ese Farao ena lalona do lau ha-aukaia, bona umui emui murina dekenai do ia mai haragaharaga. To lau ese Farao bona ena tuari taudia ibounai do lau halusia, do lau kwalimu, vadaeni lauegu ladana do ia bada. Unai neganai Aigupito taudia do idia diba lau be Lohiabada.” Vadaeni Israela taudia ese Lohiabada ena hereva hegeregerena idia karaia.

ESODO 14:8

Unai neganai Lohiabada ese Farao, Aigupito ena king, ena lalona ia ha-aukaia, vadaeni ia ese Israela taudia edia murina dekenai ia heau lao haragaharaga, badina be Israela taudia idia raka siri, idia gari lasi bamona.

ESODO 4:21

Vadaeni Lohiabada ese ia hereva Mose dekenai, ia gwau, “Aigupito dekenai oi ginidae neganai, hoa kara ibounai Farao ena vairana dekenai do oi karaia, lau ese siahu lau henia oi dekenai hegeregerena. To lau ese iena lalona dohore lau ha-aukaia, vadaeni ia ese Heberu taudia iena imana dekena amo dohore ia negea lasi.

ESODO 9:12

To Lohiabada ese Farao ena lalona ma ia ha-aukaia, vadaeni ia kamonai lasi idia dekenai, Lohiabada ese Mose dekenai ia hamaoroa guna hegeregerena.

ESODO 9:16

To inai totona oi dekenai mauri lau henia vadaeni: Lauegu siahu dohore oi itaia, vadaeni tanobada taudia ibounai ese lauegu ladana dohore idia matauraia totona.

ISAIA 14:24

Siahu Ibounai Lohiabada ia gwauhamata vadaeni, ia gwau, “Lau ese lau palania gauna, be momokani do ia vara, bona lau gwau do lau karaia gauna, be egu hereva hegeregerena do ia vara.

ISAIA 34:2

Badina be Lohiabada ese, bese idauidau ibounai dekenai ia badu noho. Edia tuari taudia ibounai dekenai ia badu noho, mai siahu danu. Ia ese idia do ia hadikaia ore momokani. Ala-ala dekena amo Lohiabada ese do ia aladia mase ore.

ROMA 9:18

Unai dainai, Dirava ena ura hegeregerena, haida ia bogahisihisi henia, ma haida edia lalona ia ha-aukaia.

DEUTERONOMI 2:30

“To king Sihona, Hesebona ena king ese iseda dala ia koua, iena tano do ita hanaia lasi ia gwau. Badina be Lohiabada emui Dirava ese Sihona ena lauma ia ha-aukaia bona iena lalona ia habadua. Unai dainai ita ese ita tuari henia, bona ita halusia diba, bona iena tano, ita do noho tanona ita abia diba totona.

DEUTERONOMI 7:16

To Lohiabada, emui Dirava, ese emui siahu henunai ia atoa bese ibounai, be do umui alaia ore. Do umui bogahisihisi henidia lasi, bona edia dirava do umui tomadiho henidia lasi. Badina be unai bamona umui karaia neganai kerere do umui davaria.

GUNALAIA TAUDIA 14:4

Samson ena tamana bona sinana idia diba lasi Lohiabada ese Samson ia hakaua vadaeni, unai kara karaia totona. Badina be Lohiabada ia ura dala ta do ia davaria, ia ese Pilistia taudia do ia tuari henia. Unai dinadia neganai Pilistia taudia ese Israela taudia idia biagua noho.

1 SAMUELA 2:25

Bema tau ta ese tau ta dekenai do ia kara dika neganai, Dirava ese do ia kota henia. To bema tau ta ese Lohiabada dekenai ia kara dika neganai, daika ese unai tau ia hamauria diba?” To idia ese edia tamana idia kamonai henia lasi, badina be Lohiabada ia ura do ia aladia mase.