IOSUA 11:15 - Buka Helaga (Hiri Motu) 1993

¹⁵ Lohiabada ese iena oda Mose dekenai ia henia, bona Mose ese inai oda Iosua dekenai ia henia, bona Iosua ese inai oda ia kamonai henia. Iosua ese Lohiabada ena oda, Mose dekenai ia henia gaudia ibounai, ia kamonai henia namonamo.

IOSUA 11:15 Iomraidhean Croise

2 SIVARAI 30:12

Dirava ese danu Iuda dekenai ia gaukara noho, ia ese taunimanima edia lalodia ia hatamonaia, king bona iena lohia taudia edia hereva do idia kamonai henia totona. Unai dekena amo idia ese Dirava ena ura idia karaia.

NUMERA 33:50

Vadaeni Ieriko kahirakahira dekenai, Ioridane Sinavai ena isena dekenai, Moaba ena tano palaka gabunai, Lohiabada ese Mose dekenai ia hereva, ia gwau,

NUMERA 33:52

unai tano taudia ibounai do umui lulua lao. Idia edia nadi helaga gaudia bona auri dirava koikoi gaudia ibounai do umui negea, edia kaivakuku ibounai do umui gabua ore, bona edia tomadiho gabudia ibounai danu do umui hadikaia ore.

MATAIO 23:23

“Taravatu hadibaia taudia bona Farisea taudia, kara koikoi taudia, dika do umui davaria momokani! Badina be aniani edia ava maragimaragi ibounai dekenai umui haria be kahana 10 umui karaia, kahana ta be boubou gauna dekenai umui halaoa. To taravatu ena hereva badadia, kota henia, bona bogahisihisi, bona abidadama, umui negea. Bema umui badinaia, bona kara namodia haida danu bema umui badinaia be ia namo.

LUKA 11:42

“To Farisea taudia e, madi umui be dika. Badina be aniani ava maragimaragi ibounai dekena amo karoa be 10 umui karaia, karoa ta be harihari gauna dekenai umui halaoa, to kara namo bona Dirava dekenai ura henia be umui badinaia lasi. Unai karoa ta, karoa 10 dekena amo, ena taravatu umui badinaia be namo, to namo lasi maoro karadia bona lalokau karadia umui rakatania.

APOSETOLO EDIA KARA 20:20

Umui diba vadaeni umui dekenai lau haroro bona hadibaia neganai, emui ruma dekenai, bona taunimanima edia vairana dekenai durua hereva ta lau hunia lasi umui dekenai.

APOSETOLO EDIA KARA 20:27

Badina be Dirava ena ura ibounai umui dekenai lau hamaoroa, gau ta lau hunia lasi.

DEUTERONOMI 12:32

“Lauegu oda hereva ibounai do umui badinaia namonamo. Idia dekenai hereva ta ma do umui atoa lasi, bona idia dekena amo hereva ta do umui kokia lasi.

DEUTERONOMI 31:3

Lohiabada, emui Dirava be umui emui vairana dekenai unai sinavai do ia hanaia. Ia ese unuseni idia noho bese taudia umui emui vairana dekenai do ia hadikaia ore. Edia tano be do umui abia, bona do umui noholaia.

DEUTERONOMI 31:5

Lohiabada ese umui do ia durua, vadaeni umui ese idia do umui halusia. Vadaeni umui dekenai lau hamaoroa vadaeni hegeregerena, idia do umui hadikaia ore.

DEUTERONOMI 31:7

Unai neganai Mose ese Iosua ia boiria, Israela taudia ibounai edia vairana dekenai ia hereva henia, ia gwau, “Iosua e, do oi goada, oiemu lalona do oi ha-aukaia, badina inai orea taudia danu do oi raka vareai, Lohiabada ese iseda sene taudia dekenai ia gwauhamata henidia tano dekenai. Oi ese unai tano idia edia huana dekenai do oi haria, edia tano korikori do ia lao.

DEUTERONOMI 4:2

Umui dekenai lau henia vadaeni taravatu dekenai hereva ma ta do umui atoa lasi, bona unai taravatu dekena amo hereva ta do umui kokia lasi. To Lohiabada, emui Dirava ena oda, lau ese umui dekenai lau henia gaudia do umui badinaia.

DEUTERONOMI 4:5

“Umui laloa, Lohiabada, lauegu Dirava ese lau dekenai ia henia oda bona taravatu be umui dekenai lau hadibaia vadaeni. Do umui raka vareai bona abia tano dekenai, unai oda bona taravatu do umui badinaia.

DEUTERONOMI 7:2

Lohiabada, emui Dirava, ese umui emui siahu henunai unai bese do ia atodia neganai, bona umui halusidia neganai, do umui aladia ore momokani. Idia danu do umui maino lasi, bona umui bogahisihisi henidia lasi.

IOSUA 1:7

To do oi goada bona boga auka. Lauegu hesiai tauna Mose umui dekenai ia henia taravatu ibounai do oi badinaia, bona ena kara do oi karaia. Unai taravatu ena kahana ta dekena amo do oi raka siri lasi. Unai neganai do oi lao gabudia ibounai dekenai oiemu kara ena anina do ia vara momokani.

IOSUA 11:12

Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.

IOSUA 11:14

Unai hanua edia kohu be Israela taudia ese idia abia, edia kohu, bona unai hanua edia boromakau danu. To unai hanua edia taunimanima ibounai be Israela taudia ese idia alaia ore, ta ia mauri lasi.

IOSUA 11:16

Unai dainai Iosua ese unai tano ibounai ia abia, ororo kahana gabudia, Negebe ibounai, Gosena tano, bona dina diho kahana ororo henunai gabudia, Arabaha tano, bona Israela ena ororo bona koura gabudia:

1 SAMUELA 15:11

“Lau laloa bema Saulo dekenai king dagi lau henia lasi be namo, badina be ia ese lau dekena amo ia raka siri, bona lauegu oda hereva ia kamonai henia lasi.” Vadaeni Samuela be ia badu, bona ia ese Lohiabada dekenai ia taitai henia ela bona daba rere.