IOSUA 11:12 - Buka Helaga (Hiri Motu) 1993

¹² Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.

IOSUA 11:12 Iomraidhean Croise

DEUTERONOMI 7:2

Lohiabada, emui Dirava, ese umui emui siahu henunai unai bese do ia atodia neganai, bona umui halusidia neganai, do umui aladia ore momokani. Idia danu do umui maino lasi, bona umui bogahisihisi henidia lasi.

DEUTERONOMI 9:3

To hari dina do umui diba Lohiabada emui Dirava be umui vairana dekenai do ia hanaia, lahi bada bamona. Ia ese Anaki taudia do ia hadikaia bona hamanokaia. Vadaeni umui ese idia do umui lulua bona alaia ore haraga, Lohiabada ese umui dekenai ia gwauhamata hegeregerena.

IOSUA 10:20

Iosua bona Israela taudia ese unai tuari taudia idia alaia mase noho, ela bona momo herea idia mase ore. Idia tamona tamona be edia hanua edia magu lalonai idia heau vareai, bona idia mauri.

IOSUA 10:28

Unai dina dekenai Iosua ese Makeda hanua ia abia, hanua ena king danu ia abia mauri. Hanua dekenai noho taudia ibounai be idia alaia mase, ta ia mauri lasi. Ieriko ena king dekenai ia karaia hegeregerena, be Iosua ese Makeda ena king dekenai danu ia karaia.

IOSUA 10:30

Lohiabada ese Libina danu, mai ena king danu, be Israela taudia edia siahu henunai ia atoa. Vadaeni idia ese hanua taudia ibounai idia alaia ore, tau ta ia heau mauri lasi. Ieriko ena king dekenai idia karaia hegeregerena, be idia ese Libina ena king dekenai danu idia karaia.

IOSUA 10:32

Lohiabada ese Lakisi danu Israela taudia edia siahu henunai ia atoa, dina iharuana dekenai idia abia. Hanua taudia ibounai idia alaia ore, Libina dekenai idia karaia hegeregerena.

IOSUA 10:35

Unai dina dekenai hanua idia abia, bona hanua taudia ibounai idia alaia mase, Lakisi dekenai idia karaia hegeregerena.

IOSUA 10:37

Idia abia, bona ena king bona hanua taudia ibounai idia alaia ore. Heberona ena hanua maragidia edia taudia ibounai danu idia alaia ore, tau ta ia heau mauri lasi. Egalona dekenai idia karaia hegeregerena, be Heberona dekenai danu idia karaia, taunimanima ibounai idia alaia ore.

IOSUA 11:13

To Israela taudia ese ororo, o ororo maragidia edia latanai idia haginia hanua idia gabua lasi, tamona sibona, Hasoro, be Iosua ese ia gabua.

IOSUA 11:15

Lohiabada ese iena oda Mose dekenai ia henia, bona Mose ese inai oda Iosua dekenai ia henia, bona Iosua ese inai oda ia kamonai henia. Iosua ese Lohiabada ena oda, Mose dekenai ia henia gaudia ibounai, ia kamonai henia namonamo.

IOSUA 13:6

“Sidono taudia edia tano danu, ororo dekenai idia noho, Lebanona dekena amo ela bona Misirepoto Maimi, unai taudia ibounai be Israela taudia edia vairana dekenai do lau lulua lao. Inai tano be Israela taudia edia huanai do oi haria, lau ese oi lau oda henia guna hegeregerena.

IOSUA 21:44

Vadaeni Lohiabada ese maino mai laga-ani danu idia dekenai ia henia, edia tano kahana ibounai dekenai, ia ese edia sene taudia dekenai ia gwauhamata hegeregerena. Idia dekenai idia tuari taudia ibounai, ta ese idia ia koua diba lasi, badina be Lohiabada ese tuari taudia ibounai dekena amo Israela taudia dekenai kwalimu ia henia.

IOSUA 8:31

Unai boubou patana be Iosua ese ia karaia, Mose, Lohiabada ena hesiai tauna ena oda hegeregerena, Israela taudia dekenai. Mose ena Taravatu Buka lalonai inai bamona ia torea: “Boubou patana be nadi kavakava, idia utua lasi gaudia dekena amo do umui karaia.” Bona inai boubou patana ena latanai Lohiabada dekenai gabua boubou, bona maino karaia boubou idia henia.

IOSUA 8:8

“Hanua umui abia neganai, lahi dekenai do umui gabua, Lohiabada ese umui ia oda henia hegeregerena. Vadaeni, egu oda umui dekenai be unai.”

IOSUA 9:24

Gibeona taudia ese Iosua dekenai idia haere, idia gwau, “Lohia e, ai kamonai bona ai diba Lohiabada oiemu Dirava ese iena hesiai tauna Mose ia oda henia, inai tano ibounai be umui dekenai do ia henia, bona inai tano dekenai noho taudia ibounai be emui vairana dekenai do ia alaia mase. Unai dainai umui dekenai ai gari dikadika, bona aiemai heau mauri dalana ai tahua. Unai dainai unai koikoi kara ai karaia.