IOSUA 11:11 - Buka Helaga (Hiri Motu) 1993

¹¹ Israela taudia ese Hasoro taudia ibounai idia alaia mase, ta ia mauri noho lasi. Bona hanua idia gabua ore.

IOSUA 11:11 Iomraidhean Croise

DEUTERONOMI 20:16

“To Lohiabada emui Dirava ese umui dekenai do ia henia tano lalonai idia noho hanua umui tuari henia neganai, taunimanima ibounai bona mauri gaudia ibounai do umui alaia mase.

DEUTERONOMI 3:7

Idia edia boromakau bona edia kohu ibounai danu ita abia, iseda.

DEUTERONOMI 7:2

Lohiabada, emui Dirava, ese umui emui siahu henunai unai bese do ia atodia neganai, bona umui halusidia neganai, do umui aladia ore momokani. Idia danu do umui maino lasi, bona umui bogahisihisi henidia lasi.

IOSUA 10:40

Vadaeni Iosua ese unai tano kahana ibounai ia halusia, ororo kahana, Negebe kahana, dina diho kahana ororo henunai gabudia, bona dina daekau kahana ena ororo hekei gabudia. Iosua ese inai gabudia edia taunimanima bona edia king ibounai ia alaia ore. Idia ta ia heau mauri lasi, Lohiabada, Israela ena Dirava, ia oda henia hegeregerena.

IOSUA 6:21

Hanua ibounai idia hadikaia ore, tatau bona hahine, memero bona buruka, boromakau, mamoe bona doniki, ibounai be tuari kaia dekena amo idia alaia mase.

IOSUA 6:24

Unai murinai hanua ibounai bona ia lalonai gau ibounai idia gabua ore, to golo, bona siliva, bona auri laboralabora, bona auri gaudia idia abia, Lohiabada ena ruma dekenai idia haboua, davana bada gaudia idia haboua gabuna dekenai.