IOSUA 10:9 - Buka Helaga (Hiri Motu) 1993

⁹ Hanuaboi ena hora ibounai lalonai Iosua mai ena tuari taudia idia raka Gilegala dekena amo. Vadaeni Gibeona dekenai idia ginidae, bona Amoro taudia idia hoa bada.

IOSUA 10:9 Iomraidhean Croise

AONEGA HEREVADIA 22:29

Iena gaukara ia karaia namonamo tauna oi itaia noho, a? Ia ese taunimanima momo ia hereaia noho, bona ia ese king taudia edia vairana dekenai do ia gini.

HADIBAIA TAUNA 9:10

Oiemu imana ese ia davaria gaukara ibounai, be do oi karaia mai oiemu goada ibounai danu. Badina be mase taudia edia gabu, oi lao gabuna, dekenai be kara ta lasi, laloa ta lasi, diba bona aonega ta lasi.

2 TIMOTEO 2:3

Keriso Iesu ena tuari tauna namona ta do oi lao. Oiemu dagi ena hisihisi bona metau do oi abia, ai tuari taudia ai abia bamona.

2 TIMOTEO 4:2

Sivarai Namona do oi harorolaia goadagoada, nega namodia neganai, bona nega dikadia neganai danu. Taunimanima do oi sisiba henia, bona oiemu hereva dekena amo edia kudouna do oi pidia, ela bona edia lalona idia giroa. Taunimanima edia lalona do oi hagoadaia, bona idia do oi hadibaia, mai oiemu haheauka danu.

IOSUA 10:10

Lohiabada ese Amoro taudia ia hagaridia bada Israela taudia edia vairana dekenai. Vadaeni Israela taudia ese Amoro taudia momo herea idia alaia mase Gibeona dekenai, bona idia mauri noho taudia idia lulua lao Bete Horono dekenai ia daekau lao dalana dekenai. Idia heau mauri gwauraia taudia momo be Israela taudia ese idia alaia mase, ela bona Aseka bona Makeda.

IOSUA 10:8

Lohiabada ese Iosua ia hamaoroa, ia gwau, “Idia dekenai do umui gari lasi, badina be kwalimu umui dekenai lau henia vadaeni, idia ta be umui emui vairana dekenai do ia gini diba lasi.”

IOSUA 11:7

Unai dainai Iosua bona iena tuari taudia ese, Meroma ranu gabuna dekenai idia hedinarai haraga, bona unai king taudia edia tuari taudia idia tuari henia.