IOSUA 10:6 - Buka Helaga (Hiri Motu) 1993

⁶ Gibeona taudia ese hereva idia siaia Iosua dekenai, Gilegala kamepa dekenai, idia gwau, “Mani emu kara, oiemu hesiai taudia do oi rakatania lasi, oi mai haraga, ai do oi durua bona hamauria. Badina Amoro edia king ibounai be ororo kahadia dekena amo idia haboua vadaeni, ai dekenai idia tuari henia noho!”

IOSUA 10:6 Iomraidhean Croise

2 KING TAUDIA 4:24

Hahine ese doniki ia abia hegaegae, bona iena hesiai tauna ia hamaoroa, ia gwau, “Doniki do oi haheaua haraga. Iena raka do ia metairametaira lasi ela bona lau ese oi do lau hamaoroa.”

SALAMO 125:2

Ororo ese Ierusalema idia koua hagegea noho hegeregerena, Lohiabada ese iena bese taudia unai bamona ia koua hagegea noho, hari inai neganai, ia lao bona hanaihanai.

ISAIA 33:22

Badina Lohiabada be iseda Kota Biaguna, ia sibona be iseda King. Ia ese ita do ia biagua, bona ita do ia hamauria.

NUMERA 13:29

Diho kahana dekenai Amaleka taudia idia noho. Ororo gabudia dekenai Hiti taudia, Iebusu taudia bona Amoro taudia idia noho. To kone dekenai bona Ioridane Sinavai dekenai be Kanana taudia idia noho.”

LUKA 1:39

Nega sisina murinai, Maria ia toreisi, karaharaga ia raka lao Iudea ororo hanua ta dekenai.

DEUTERONOMI 1:15

“Unai dainai lau ese emui iduhu edia lohia taudia lau abia, mai edia aonega bona mai edia diba taudia, bona umui emui gunalaia taudia idia lau halaoa. Idia haida ese taunimanima 1000 idia gunalaia, haida ese 100 idia gunalaia, haida ese 50, ma haida ese 10, bona iduhu naria taudia danu lau ese lau abia hidi.

IOSUA 10:5

Vadaeni Amoro taudia edia king ibounai 5, Ierusalema ena king, Heberona ena king, Iaramutu ena king, Lakisi ena king, bona Egalona ena king, idia haboua tamona, edia tuari taudia ibounai idia hakaua lao, Gibeona hanua ena vairana dekenai idia kamepa, idia tuari henia.

IOSUA 10:7

Unai dainai Iosua, mai ena tuari taudia ibounai, iena tuari diba momo taudia danu, be Gilegala dekena amo idia raka mai.

IOSUA 21:11

Kiriata Araba hanua, ena ladana ta be Heberona, mai ena rei gabudia danu, Iuda ena ororo tano dekenai. Araba be Anaki besena ena tamana.

IOSUA 5:10

Israela taudia be Gilegala dekenai idia noho neganai, idia ese Pasova aria idia karaia. Hua ena dina 14, adorahi neganai idia karaia, Ieriko tano palaka dekenai.

IOSUA 9:15

Vadaeni Iosua be inai Gibeona taudia danu ia maino karaia, bona ia gwauhamata, ia gwau do ia aladia lasi. Israela taudia edia gunalaia taudia danu ese unai gwauhamata idia gwauraia.

IOSUA 9:6

Vadaeni inai Gibeona taudia be Iosua dekenai idia lao, Gilegala kamepa dekenai. Idia ese Iosua bona Israela taudia idia hamaoroa, idia gwau, “Ai be gabu daudau dekena amo ai mai vadaeni. Ai ura umui danu maino do ita karaia gwauraia.”

IOSUA 9:8

To Gibeona taudia ese Iosua ma idia hamaoroa, idia gwau, “Ai be oiemu hesiai taudia.” Iosua ese ma ia nanadaia, ia gwau, “Umui be daika? Bona edeseni umui mai?”