IOSUA 10:4 - Buka Helaga (Hiri Motu) 1993

⁴ “Lau dekenai umui mai, lau umui durua, Gibeona taudia do ita tuari henia, badina idia be Iosua bona Israela taudia danu maino idia karaia vadaeni.”

IOSUA 10:4 Iomraidhean Croise

MATAIO 16:24

Vadaeni Iesu ese iena diba tahua taudia ia hamaorodia, ia gwau, “Tau ta bema ia ura lauegu murina dekenai do ia raka, ia sibona ena ura do ia laloa lasi, to iena satauro do ia huaia, lauegu murina dekenai do ia raka.

IOANE 15:19

Bema umui be tanobada ena taudia momokani neganai, tanobada taudia ese umui do idia lalokau henia. To umui be tanobada ena lasi, lau ese tanobada dekena amo lau abia hidi umui, unai dainai tanobada ese umui do ia badu henia.

APOSETOLO EDIA KARA 21:28

Idia boiboi, idia gwau, “Israela taudia e, umui durua ai. Inai tau ese taunimanima ibounai gabu ibounai dekenai ia hadibaia noho, iseda bese bona Mose ena taravatu bona inai Dubu Helaga do idia ura henia lasi. Bona inai danu ia karaia: Ia ese Helene taudia Dubu Helaga lalonai ia hakaua vareai, bona inai Gabu helagana ia hamiroa.”

2 TIMOTEO 3:12

Oibe, Keriso Iesu danu idia hakapua dainai, Dirava badinaia idia ura taudia ibounai ese dagedage ena hisihisi do idia abia.

IAMESI 4:4

Umui be headava kara ena taravatu umui makohia noho taudia bamona. Umui diba lasi, a, bema umui ura tanobada danu umui turana karaia neganai, inai be umui ese Dirava umui tuari henia noho?

IOSUA 10:1

Adoni Sedeka, Ierusalema ena king ese Iosua ena sivarai ia kamonai, Iosua ese Ai hanua ia hadikaia ore, bona iena king ia alaia, Ieriko bona ena king dekenai ia karaia hegeregerena. Adoni Sedeka danu ia kamonai Gibeona taudia be Israela taudia danu maino idia karaia, bona idia danu idia noho hebou.

IOSUA 10:5

Vadaeni Amoro taudia edia king ibounai 5, Ierusalema ena king, Heberona ena king, Iaramutu ena king, Lakisi ena king, bona Egalona ena king, idia haboua tamona, edia tuari taudia ibounai idia hakaua lao, Gibeona hanua ena vairana dekenai idia kamepa, idia tuari henia.

IOSUA 9:15

Vadaeni Iosua be inai Gibeona taudia danu ia maino karaia, bona ia gwauhamata, ia gwau do ia aladia lasi. Israela taudia edia gunalaia taudia danu ese unai gwauhamata idia gwauraia.

1 PETERO 4:4

Harihari inai Dirava diba lasi taudia be idia hoa, badina umui ese unai bamona lebulebu karadia umui karaia lou lasi. Oibe, idia edia kara dekena amo umui raka siri vadaeni, unai dainai unai Dirava diba lasi taudia ese umui idia hereva dika henia noho.

APOKALUPO 16:14

Idia be lauma dikadia momokani, mai edia siahu hoa kara do idia karaia. Idia be tanobada edia king ibounai dekenai idia lao. Vadaeni unai king ibounai be do idia haboua, Siahu Ibounai Diravana ena Dina Badana neganai, be do idia tuari hebou totona.