IOSUA 10:37 - Buka Helaga (Hiri Motu) 1993

³⁷ Idia abia, bona ena king bona hanua taudia ibounai idia alaia ore. Heberona ena hanua maragidia edia taudia ibounai danu idia alaia ore, tau ta ia heau mauri lasi. Egalona dekenai idia karaia hegeregerena, be Heberona dekenai danu idia karaia, taunimanima ibounai idia alaia ore.

IOSUA 10:37 Iomraidhean Croise

ESODO 17:13

Vadaeni Iosua ese Amaleka taudia ia halusia momokani.

IOSUA 10:28

Unai dina dekenai Iosua ese Makeda hanua ia abia, hanua ena king danu ia abia mauri. Hanua dekenai noho taudia ibounai be idia alaia mase, ta ia mauri lasi. Ieriko ena king dekenai ia karaia hegeregerena, be Iosua ese Makeda ena king dekenai danu ia karaia.

IOSUA 10:35

Unai dina dekenai hanua idia abia, bona hanua taudia ibounai idia alaia mase, Lakisi dekenai idia karaia hegeregerena.

IOSUA 10:36

Vadaeni Iosua bona Israela tuari taudia ibounai be Egalona dekena amo idia lao, Heberona hanua badana dekenai idia ginidae, idia tuari henia.

IOSUA 10:38

Unai neganai Iosua bona iena tuari taudia ibounai be idia giroa lou, Debiri hanua badana dekenai idia lao, idia tuari henia.

IOSUA 10:39

Vadaeni idia abia, mai ena king, bona mai ena hanua taudia ibounai, bona mai ena hanua maragidia edia taudia danu. Idia ibounai be tuari kaia dekena amo idia alaia mase. Tau ta ia mauri noho lasi. Heberona dekenai idia karaia, bona Libina mai ena king dekenai idia karaia hegeregerena, be Debiri dekenai bona Debiri ena king dekenai danu idia karaia.

IOSUA 10:40

Vadaeni Iosua ese unai tano kahana ibounai ia halusia, ororo kahana, Negebe kahana, dina diho kahana ororo henunai gabudia, bona dina daekau kahana ena ororo hekei gabudia. Iosua ese inai gabudia edia taunimanima bona edia king ibounai ia alaia ore. Idia ta ia heau mauri lasi, Lohiabada, Israela ena Dirava, ia oda henia hegeregerena.

IOSUA 11:12

Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.