IOSUA 10:3 - Buka Helaga (Hiri Motu) 1993

³ Unai dainai, Adoni Sedeka, Ierusalema ena king, ese noinoi hereva ia siaia Hohama, Heberona ena king, Pirama, Iaramutu ena king, bona Iapia, Lakisi ena king, bona Debiri, Egalona ena king dekenai, ia gwau,

IOSUA 10:3 Iomraidhean Croise

GENESE 23:2

Sara be Kiriata Araba dekenai ia mase, unai hanua be Kanana tano dekenai, ma ena ladana ta be Heberona. Aberahamo be ruma dekenai ia raka vareai, Sara totona ia taitai.

GENESE 37:14

Iena tamana ese ma ia hamaoroa, ia gwau, “Vadaeni oi lao. Oi itadia, oiemu kakana taudia be idia namo o lasi, bona mamoe danu be edena bamona. Unai murinai oi giroa mai, oi hadibaia lau.” Vadaeni ia siaia, Heberona ena koura dekena amo ia lao, Sekema dekenai ia ginidae.

2 SAMUELA 2:11

Davida ese lagani 7 bona hua 6 Iuda iduhu ia gunalaia, Heberona hanua dekenai.

2 KING TAUDIA 18:14

Vadaeni Hesekaia, Iuda ena king ese Asuria ena king dekenai hereva ia siaia, Lakisi hanua dekenai, ia gwau, “Lau be lau kerere vadaeni, mani emu kara tuari do oi hadokoa, vadaeni oi ese oi gwauraia moni be oi dekenai do lau henia.” Asuria ena king ia gwau, Hesekaia ese siliva moni 10,000 kilogaram bona golo 1000 kilogaram do ia siaia.

2 KING TAUDIA 18:17

Senakeriba ese inai golo bona siliva ia abia, to ia ese Lakisi dekena amo, iena tuari biagudia badadia, ladana Taratana, Rabesarisi, bona Rabesake, be Ierusalema dekenai ia siaia lao, mai ena tuari orea badana danu. Idia daekau lao, king Hesekaia ena gabu, Ierusalema dekenai idia ginidae. Asuria tuari taudia edia kamepa be atai dekenai ia noho ranu gabuna ena dadaira badinai idia karaia. Unai gabu be dabua idia huria taudia edia gaukara gabuna lao dalana dekenai.

2 SIVARAI 11:9

Adoraimi, Lakisi, Aseko,

IEREMIA 34:7

Unai neganai Babulonia ena king ena tuari taudia ese Ierusalema bona Iuda lalonai sibodia mai magudia do noho hanua ruaosi, Lakisi bona Aseka, idia tuari henia noho.

MIKA 1:13

Lakisi dekenai umui noho taudia e, emui hosi be kariota dekenai do umui kwatua. Umui ese Israela ena kara dika umui itaia, bona umui danu umui karaia, vadaeni umui ese Ierusalema umui hakaua kerere, bona ena kara dika umui havaraia.

NUMERA 13:22

Kanana ena diho kahana idia itaia guna, bona Heberona dekenai idia ginidae. Unuseni Ahimana bona Sesai bona Talamai, Anaki besena taudia idia noho. Unai Anaki taudia edia tauanina idia bada herea. Unai Heberona hanua idia haginia murinai, ma lagani 7 idia lao murinai, Aigupito taudia ese Soana hanua idia haginia Aigupito dekenai.

IOSUA 10:1

Adoni Sedeka, Ierusalema ena king ese Iosua ena sivarai ia kamonai, Iosua ese Ai hanua ia hadikaia ore, bona iena king ia alaia, Ieriko bona ena king dekenai ia karaia hegeregerena. Adoni Sedeka danu ia kamonai Gibeona taudia be Israela taudia danu maino idia karaia, bona idia danu idia noho hebou.

IOSUA 10:23

Vadaeni kohua idia kehoa, bona Ierusalema ena king, Heberona ena King, Iaramutu ena king, Lakisi ena king, bona Egalona ena king, idia hakaua mai.

IOSUA 10:34

Vadaeni Iosua bona Israela tuari taudia ibounai be Lakisi dekena amo idia lao, Egalona hanua badana dekenai idia ginidae, idia koua hagegea, bona idia tuari henia.

IOSUA 10:5

Vadaeni Amoro taudia edia king ibounai 5, Ierusalema ena king, Heberona ena king, Iaramutu ena king, Lakisi ena king, bona Egalona ena king, idia haboua tamona, edia tuari taudia ibounai idia hakaua lao, Gibeona hanua ena vairana dekenai idia kamepa, idia tuari henia.

IOSUA 14:15

Inai Heberona ena ladana gunana be Kiriata Araba. Unai Araba be Anakima besena edia tau namo herea. Unai neganai tuari ia doko, bona tano be ia laga-ani.

IOSUA 15:54

Humuta, Kiriata Araba, (ena ladana ta be Heberona), Sioro. Inai be hanua ibounai 9, mai edia hanua maragidia danu.

IOSUA 15:63

To Iuda taudia edia goada be hegeregere lasi Iebusu taudia, Ierusalema dekenai idia noho taudia, do idia lulua ore. Unai dainai Iebusu taudia bona Iuda taudia be Ierusalema dekenai idia noho hebou ia mai bona hari dina.

IOSUA 18:28

Sela, Haelepa, Iebusu (ena ladana ta be Ierusalema), Gibea, Kiriata Iearimi. Inai be hanua ibounai 14, mai edia hanua maragidia danu. Beniamina iduhu taudia edia hanua, mai edia tano be unai, edia bese ta ta ibounai edia huanai idia haria.