IOSUA 10:27 - Buka Helaga (Hiri Motu) 1993

²⁷ Dina ia diho neganai Iosua ese ia oda, bona king edia tauanina be au dekena amo idia abia diho, bona guna idia hunia noho kohua lalonai ma idia negedia vareai lou. Kohua ena iduara dekenai nadi badadia idia haboua, bona unuseni idia noho ia mai bona hari dina.

IOSUA 10:27 Iomraidhean Croise

2 SAMUELA 18:17

Vadaeni idia ese Abesaloma idia abia, guri badana ta lalonai idia negea diho, uda lalonai, bona nadi momo herea Abesaloma ena tauanina latanai idia haboua. Unai murinai Israela taudia ibounai idia heau, ta ta edia ruma ta ta dekenai idia lao.

IOSUA 4:9

To Iosua danu ese ma nadi 12 ia abia, Ioridane Sinavai ena huana dekenai ia haginidia. Ia haginidia gabuna be hahelagaia taudia, Taravatu Maua idia huaia taudia, idia gini gabuna. Unai nadi be do noho, ia mai bona hari dina.

IOSUA 7:26

Akana ena latanai be nadi momo idia haboua, bona unai nadi idia do noho ia mai bona hari dina. Unai dainai unai gabu ena ladana idia atoa, Kerere Kourana. Unai murinai Lohiabada ena badu be ma ia keru lou.

IOSUA 8:29

Bona Iosua ese Ai ena king ia alaia mase, au ta dekenai ia taua dae ela bona adorahi. Dina ia diho neganai, Iosua ese ia oda dainai iena tau haida ese mase tauna be au dekena amo idia abia diho, bona hanua ena magu iduara ena vairana dekenai idia atoa. Vadaeni unai tauanina ena latanai nadi momo idia haboua, bona unai nadi be unuseni idia do noho ia mai bona hari dina.