IOSUA 10:24 - Buka Helaga (Hiri Motu) 1993

²⁴ King 5 be Iosua ena vairanai idia haginia. Vadaeni Iosua ese Israela lohia taudia, ia danu idia tuari lao taudia, ia oda henia, edia aena be king edia aiona latanai do idia atoa. Idia raka kahirakahira, bona edia aena dekenai king edia aiona idia moia.

IOSUA 10:24 Iomraidhean Croise

2 SAMUELA 22:39

Lau ese idia lau hadikaia ore, lau gwadaia, vadaeni idia toreisi lou diba lasi. Lauegu aena henunai idia moru.

2 SAMUELA 22:41

Oi ese lau dekenai idia tuari taudia oi hadikaia, vadaeni lau dekena amo idia heau. Lau dekenai idia badu taudia, be lau ese lau hadikaia ore.

SALAMO 107:40

Unai neganai Lohiabada ese, lohia taudia edia hekokoruku ia hadokoa momokani. Unai lohia taudia ia siaidia lao, taunimanima noho lasi tano dekenai do idia loaloa.

SALAMO 110:1

Lohiabada ese egu Lohiabada dekenai ia hamaoroa, ia gwau, “Lauegu idiba kahana dekenai do oi helai, ela bona oi dekenai idia tuari henia taudia, be oiemu aena atoa gauna dohore lau halaoa.”

SALAMO 110:5

Lohiabada be oiemu imana idibana kahana dekenai, ia ese oi ia hagoadaia noho. Iena badu dinana dekenai, ia ese king taudia do ia halusia.

SALAMO 18:40

Oiemu durua dainai, lau dekenai idia tuari taudia, be lau dekena amo idia heau, vadaeni lau idia dagedage henia taudia, be lau ese lau alaia ore.

SALAMO 91:13

Oi ese laiona bona gaigai, bona laiona dagedagedia, bona gaigai badadia danu, do oi moia diho.

ISAIA 51:23

To lau ese inai kapusi, be umui idia hisihisi henia taudia edia imana dekenai do lau atoa. Badina idia ese umui idia hamaoroa, idia gwau, ‘Do umui hekure diho, emui vairadia be tano dekenai do umui atodia, bona ai ese emui latanai do ai raka hanaia.’ Bona unai neganai umui ese emui dorudia, be tano hegeregerena umui halaoa, ariara ena tano bamona umui halaoa, idia ese emui latanai do idia raka hanaia totona.”

MALAKI 4:3

Inai kara do lau karaia dinana dekenai, umui ese kara dika taudia dekena amo do umui kwalimu. Umui ese idia do umui moia diho, tano ena kahu bamona.

ROMA 16:20

Nega sisina iseda maino ia havaraia Diravana ese Satani do ia moia diho momokani, umui emui aena henuna dekenai. Dirava lau noia, iseda Lohiabada Iesu Keriso ena hariharibada do ia hedinaraia noho umui dekenai.

DEUTERONOMI 33:29

Israela taudia e, umui emui noho be namo. Edena taudia ese umui idia hereaia? Lohiabada ese umui emui bese ia hamauria vadaeni. Lohiabada be emui kesi, bona emui durua Tauna, bona ia be emui kwalimu tuari kaia. Umui dekenai idia tuari henia taudia, be umui emui vairana dekenai do idia tui diho. Edia ataiai gabudia helagadia do umui moia diho.”

HEBERU 1:13

Gunaguna Dirava be inai bamona ia hereva, ia gwau: “Lauegu idiba kahana dekenai do oi helai, ela bona oi idia tuari henia taudia, be oiemu aena henunai do lau atodia.” To Dirava ese nega ta unai bamona aneru ta ia herevalaia, a? Lasi momokani.

GUNALAIA TAUDIA 8:20

Vadaeni Gideona ese iena natuna vara guna Ietere ia hamaoroa, ia gwau, “Oi toreisi, ruaosi oi aladia mase.” To mero ese iena tuari kaia veria totona ia ura lasi, ia be ia gari, badina ia be mero sibona.