IOSUA 10:20 - Buka Helaga (Hiri Motu) 1993

²⁰ Iosua bona Israela taudia ese unai tuari taudia idia alaia mase noho, ela bona momo herea idia mase ore. Idia tamona tamona be edia hanua edia magu lalonai idia heau vareai, bona idia mauri.

IOSUA 10:20 Iomraidhean Croise

2 SAMUELA 20:6

Vadaeni Davida ese Abisai ia hamaoroa, ia gwau, “Abesaloma ese ita ia hadikaia maragi, to inai Sieba Bikiri ese ita do ia hadikaia bada. Egu tuari taudia haida do oi abia lao, Sieba ena murinai do umui lao, ia ese hanua mai magudia haida do ia abia, bona ita dekena amo do ia heau mauri garina.”

1 KING TAUDIA 20:21

King Ahaba be tuari gabuna dekenai ia lao, hosi bona kariota ia abia. Ia ese Suria taudia ia alaia mase, ala-ala be bada herea.

2 SIVARAI 13:17

Abaisa bona iena tuari taudia ese idia aladia mase, ala-ala bada herea. Israela ena tuari taudia goadadia ibounai 500,000 idia mase.

IEREMIA 4:5

“Iuda dekenai do umui gwauraia, bona Ierusalema dekenai do umui gwauraia hedinarai. Tano ena kahana ibounai dekenai, kibi do umui hiriria. Do umui boiboi mai goada danu, do umui gwau, ‘Hanua mai edia magudia lalonai do ita heau vareai.

IEREMIA 8:14

Vadaeni taunimanima idia gwau, “Badina dahaka ita helai kava noho? Do ita haboua, hanua mai edia magudia dekenai do ita heau, unuseni do ita mase. Badina be Lohiabada, iseda Dirava ese, ita dekenai mase ia gwauraia vadaeni, bona ia dekenai kara dika ita karaia dainai, Lohiabada ese mamina dika ranuna, poisini gauna, be ita dekenai ia henia vadaeni.

DEUTERONOMI 20:16

“To Lohiabada emui Dirava ese umui dekenai do ia henia tano lalonai idia noho hanua umui tuari henia neganai, taunimanima ibounai bona mauri gaudia ibounai do umui alaia mase.

IOSUA 10:10

Lohiabada ese Amoro taudia ia hagaridia bada Israela taudia edia vairana dekenai. Vadaeni Israela taudia ese Amoro taudia momo herea idia alaia mase Gibeona dekenai, bona idia mauri noho taudia idia lulua lao Bete Horono dekenai ia daekau lao dalana dekenai. Idia heau mauri gwauraia taudia momo be Israela taudia ese idia alaia mase, ela bona Aseka bona Makeda.

IOSUA 10:19

To umui be unuseni do umui noho lasi. Umui tuari henidia taudia be do umui lulua noho, bona edia murina dekena amo idia do umui alaia mase noho. Edia dala do umui koua, vadaeni edia hanua dekenai do idia heau vareai lasi! Lohiabada emui Dirava ese idia dekena amo kwalimu umui dekenai ia henia vadaeni.”

IOSUA 10:21

Unai murinai Israela tuari taudia ibounai be Iosua dekenai idia giroa lou, bona Makeda kamepa dekenai idia noho, mai maino danu. Idia ta ia mase lasi. Gari dainai, tau ta lasi ese Israela taudia idia hereva dika henia diba.

IOSUA 11:12

Iosua ese unai king edia hanua badadia ibounai, mai edia king danu ia abia, bona edia taunimanima bona king ibounai ia alaia mase, Mose, Lohiabada ena hesiai taudia ia oda henia hegeregerena.

IOSUA 11:8

Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.

IOSUA 8:24

Israela taudia ese Ai taudia ibounai, unai tano kaukau dekenai idia lulua taudia, idia alaia ore momokani, ta ia mauri lasi. Unai neganai unai Israela taudia be Ai dekenai idia lao lou, idia ese hanua dekenai noho taudia ma idia alaia mase.