IOSUA 10:18 - Buka Helaga (Hiri Motu) 1993

¹⁸ Vadaeni Iosua ia gwau, “Nadi badadia do umui doria lao, kohua ena iduara do umui koua, bona gima taudia haida unuseni do umui atoa, do idia gimaia totona.

IOSUA 10:18 Iomraidhean Croise

IOBU 21:30

Idia gwau Dirava ia badu dinana ia ginidae neganai, kara dika tauna be do ia mauri noho. Badu dinana dekenai, kara dika tauna ese ia heau mauri noho.

AMOSA 5:19

Inai dina be hegeregere tau ta ese laiona dekena amo ia heau noho, bona maoromaoro bea badana ta ese unai tau ia dogoatao! Ma inai dina be hegeregere tau ta ese iena ruma ia raka vareai, iena imana be haba dekenai ia atoa, to gaigai ta haba dekenai ia naria ese unai tau do ia koria.

AMOSA 9:1

Lau ese Lohiabada lau itaia, boubou patana ena badinai ia gini. Ia ese lau ia oda henia, ia gwau, “Dubu Helaga ena du edia ataiai kahana do oi botaia auka, vadaeni dehe ibounai do ia mareremarere. Unai du edia kwarana do oi makohia oho, vadaeni taunimanima edia kwarana latanai do idia moru. Bona do mauri noho taudia be tuari dekenai do lau aladia mase. Tau ta do ia heau mauri lasi. Lasi momokani.

MATAIO 27:66

Vadaeni idia lao, guria gabuna idia koua auka masemase, bona koua nadina idia taravatua maka ta dekena amo, vadaeni tuari taudia idia atoa unuseni, Iesu do idia naria namonamo totona.

IOSUA 10:17

Vadaeni tau haida ese Iosua idia hamaoroa, idia gwau, “Unai king 5 be ai davaria, Makeda kohua lalonai idia hunia noho.”

IOSUA 10:19

To umui be unuseni do umui noho lasi. Umui tuari henidia taudia be do umui lulua noho, bona edia murina dekena amo idia do umui alaia mase noho. Edia dala do umui koua, vadaeni edia hanua dekenai do idia heau vareai lasi! Lohiabada emui Dirava ese idia dekena amo kwalimu umui dekenai ia henia vadaeni.”

IOSUA 10:22

Unai neganai Iosua ia gwau, “Kohua ena iduara do umui kehoa, bona unai king taudia 5 lau dekenai do umui mailaia.”