IOSUA 10:16 - Buka Helaga (Hiri Motu) 1993

¹⁶ Unai Amoro king taudia 5 be idia heau, Makeda kohua dekenai idia hunia.

IOSUA 10:16 Iomraidhean Croise

SALAMO 68:12

“King taudia bona edia tuari taudia idia heau lao noho!” Ruma dekenai idia noho hahine ese, edia bese tuari taudia ese idia abia kohu idia haria.

SALAMO 68:13

Pune manu laulau gaudia, edia hanina be siliva dekena amo idia koua, bona pune manu hanina edia huina be golo namo herea, ia diaridiari gauna, dekena amo idia koua. To umui haida, badina dahaka tuari dinana dekenai, mamoe edia magu murinai umui hunia?

AMOSA 9:2

Bema tano idia geia dobu, ela bona mase taudia edia gabu idia davaria, idia be unuseni danu idia hunia diba lasi, lau ese idia do lau dogoatao. Bema idia be guba dekenai idia daekau lao, lau ese idia do lau veria diho.

MIKA 7:17

Idia be gaigai bamona, tano ena kahu dekenai do idia rau. Idia ese edia kohoro dekena amo do idia raka, mai gari bona mai edia heudeheude danu. Bona idia ese gari dainai oi Lohiabada, aiemai Dirava dekenai do idia mai.

IOSUA 10:15

Unai murinai Iosua bona Israela tuari taudia ibounai be Gilegala kamepa dekenai idia giroa lou.

IOSUA 10:17

Vadaeni tau haida ese Iosua idia hamaoroa, idia gwau, “Unai king 5 be ai davaria, Makeda kohua lalonai idia hunia noho.”

IOSUA 10:5

Vadaeni Amoro taudia edia king ibounai 5, Ierusalema ena king, Heberona ena king, Iaramutu ena king, Lakisi ena king, bona Egalona ena king, idia haboua tamona, edia tuari taudia ibounai idia hakaua lao, Gibeona hanua ena vairana dekenai idia kamepa, idia tuari henia.

APOKALUPO 6:15

Vadaeni tanobada ena king taudia bona lohia taudia, bona tuari biagudia, bona kohu momo taudia, bona goada taudia, bona hesiai mai guia danu taudia, bona ura kwalimu taudia, ibounai be nadi ena kohua dekenai, bona nadi badadia henunai idia hunia, ororo dekenai.

GUNALAIA TAUDIA 6:2

Midiana taudia ese Israela taudia idia halusia. Vadaeni Midiana taudia dainai Israela taudia be ororo dekenai idia noho, guri dekenai, bona nadi matuna bona ororo ataiai gabudia dekenai.

1 SAMUELA 13:6

Israela taudia idia itaia, dika bada herea be kahirakahira ia ginidae idia dekenai. Unai dainai nadi matudia dekenai, bona uda lalonai, bona nadi badadia murinai, bona guria gabudia, bona ranu guri lalonai idia hunia.

1 SAMUELA 24:3

Saulo be dala dekenai mamoe edia magu ia raka hanaia. Unuseni be nadi ena matuna ta, vadaeni, Saulo be nadi matuna ia raka vareai, do ia mei totona. Unai neganai Davida mai ena tuari taudia be unai nadi matuna ena murina kahana ta dekenai idia hunia noho.

1 SAMUELA 24:8

Gabeai Davida danu ia toreisi, nadi ena matuna dekena amo ia raka, Saulo dekenai ia boiboi, ia gwau, “King e, lauegu lohia!” Saulo ese iena vairana ia giroa, vadaeni Davida be ia tui diho, iena vairana be tano dekenai ia atoa diho, ia tomadiho.