IOSUA 10:14 - Buka Helaga (Hiri Motu) 1993

¹⁴ Idaunegai momokani ia mai bona harihari be dina ta inai bamona ia vara lasi! Badina be unai dina dekenai Lohiabada ese tau ta ia kamonai henia. Lohiabada ese Israela taudia edia tuari lalonai ia danu ia tuari, Israela taudia durua totona!

IOSUA 10:14 Iomraidhean Croise

ESODO 14:14

Lohiabada be umui totona do ia tuari karaia, umui be do umui noho kava sibona.”

ESODO 14:25

Edia kariota edia uili be idia diho miri dekenai, vadaeni kariota idia heau namonamo lasi. Unai dainai Aigupito taudia sibona dekenai idia hereva henia, idia gwau, “Israela taudia edia vairana dekena amo do ita heau, badina be Lohiabada ese durua ia henia idia dekenai, to ia tuari henia ita dekenai.”

ISAIA 38:8

King Ahasa ese ia haginia vadaeni vadavada ena latanai, dina ena laulau be vadavada ibounai 10 murina dekenai do ia lao.” Vadaeni unai dina ena laulau, be momokani vadavada ibounai 10 murina dekenai ia lao, Lohiabada ese unai kara ia karaia.

SEKARAIA 14:3

Unai neganai Lohiabada be do ia toreisi, unai bese idauidau taudia do ia tuari henia, guna neganai ia tuari bamona.

LUKA 17:6

Lohiabada ese ia haere henia idia dekenai, ia gwau, “Emui abidadama bema ia maragi herea, mastadi ena uhena bamona, umui ese au badana umui hereva henia diba, umui gwau, ‘Oi sibona do oi abia isi, davara dekenai oi sibona do oi gini,’ vadaeni ia be do ia kamonai henia umui dekenai.

DEUTERONOMI 1:30

Lohiabada, emui Dirava, umui emui vairana dekenai ia raka noho Diravana ese umui dainai do ia tuari, Aigupito dekenai ia karaia hegeregerena.

IOSUA 10:15

Unai murinai Iosua bona Israela tuari taudia ibounai be Gilegala kamepa dekenai idia giroa lou.

IOSUA 10:42

Iosua ese inai gabudia edia king ibounai bona edia tano ibounai be unai nega tamona dekenai ia abia momokani, badina be Lohiabada, Israela ena Dirava, ese Israela bese totona ia tuari noho.

IOSUA 23:3

Lohiabada, emui Dirava ese inai idau bese taudia dekenai umui dainai ia karaia gaudia, be umui itaia vadaeni. Lohiabada, emui Dirava ese umui dainai ia tuari vadaeni.