IOSUA 10:13 - Buka Helaga (Hiri Motu) 1993

¹³ Vadaeni dina be ia gini noho, bona hua be iena gabu dekenai ia noho, ela bona Israela taudia ese idia dekenai idia tuari henia taudia idia halusia momokani. Inai sivarai be buka ladana Iasara lalonai ia torea vadaeni. Dina be guba ena ataiai dekenai ia gini noho, ia diho lasi ela bona dina ta hegeregerena.

IOSUA 10:13 Iomraidhean Croise

2 SAMUELA 1:18

Davida ia oda, Iuda taudia dekenai inai ane do idia hadibaia. Inai ane be buka ladana Iasara lalonai ia torea vadaeni. Ia gwau:

2 KING TAUDIA 20:10

Hesekaia ese ia haere, ia gwau, “Laulau be nega ibounai vaira dekenai ia lao, unai be gau aukana lasi, to lau ura laulau be vadavada 10 dekenai do idia giroa lou.”

ESETA 8:13

Inai revareva be, taravatu ta idia halaoa, bona ena pepa ta ta ibounai be basileia ta ta ibounai dekenai idia siaia lao, taunimanima ibounai edia vairanai idia duahia hedinarai, vadaeni Iuda taudia be do idia hegaegae, bona unai dina dekenai idia ese idia tuari henidia taudia edia davana do idia henia momokani.

IOBU 9:7

Dirava ese dina dekenai ia oda henia, vadaeni dina do ia daekau lasi, bona ia ese hisiu danu edia diari ia koua diba.

SALAMO 148:3

Dina bona hua e, Lohiabada do umui hanamoa. Hisiu mai emui diaridiari e, Lohiabada do umui hanamoa.

SALAMO 19:4

To idia gwauraia gaudia, be tanobada kahana ibounai dekenai idia lao vadaeni. Edia hereva be tanobada ena gabu ibounai, dekenai idia ginidae vadaeni. Dirava ese guba dekenai, dina ena noho gabuna ia karaia.

ISAIA 24:23

Hua be do ia dibura, dina danu be do ia diari lasi. Badina be Siahu Ibounai Lohiabada be do ia King. Ia ese Siona Ororo, bona Ierusalema dekenai do ia lohia, bona unai gabudia edia lohia taudia ese, Lohiabada ena hairaina do idia itaia.

ISAIA 38:8

King Ahasa ese ia haginia vadaeni vadavada ena latanai, dina ena laulau be vadavada ibounai 10 murina dekenai do ia lao.” Vadaeni unai dina ena laulau, be momokani vadavada ibounai 10 murina dekenai ia lao, Lohiabada ese unai kara ia karaia.

IOELA 2:10

Idia raka mai noho neganai, tano ia mareremarere noho, bona guba ia heudeheude noho. Dina bona hua idia dibura noho. Hisiu be idia diaridiari lasi.

IOELA 2:31

Dina be do ia dibura, bona hua be do ia kakakaka lao, rara ena toana bamona. Bema inai bamona toa umui itaia neganai, do umui diba Lohiabada ena dina be kahirakahira. Unai dina badana dekenai, taunimanima ibounai do idia gari bada herea.

IOELA 3:15

Dina bona hua be do idia dibura, bona hisiu be do idia diaridiari lou lasi.

HABAKUKU 3:11

Oiemu diba oi ese oi pidia haraga herea, mai diaridiari danu dainai, bona oiemu io ia kevaru bamona dainai, dina bona hua be guba dekenai idia gini noho, idia marere lasi.

NUMERA 21:14

Unai dainai Lohiabada ena tuari buka lalonai inai bamona hereva idia torea vadaeni: “Wahebe hanua, Supa kahanai, bona Aranona Sinavai ena koura dekenai.

NUMERA 31:2

“Midiana taudia ese Israela taudia idia alaia mase dainai, davana do umui henidia. Unai murinai oi be do oi mase, oiemu tamana bona oiemu tubuna dekenai do oi haboua.”

MATAIO 24:29

“Unai nega dikana do ia ore, vadaeni maoromaoro dina be do ia dibura, hua danu do ia diari lasi, hisiu guba dekena amo do idia moru, bona guba dekenai idia noho siahu gaudia do idia mareremarere.

MATAIO 5:45

Unai dekena amo emui Tamana guba dekenai ia noho ese iena natuna do ia halaoa umui. Badina be ia ese kara dika taudia bona kara namo taudia edia latanai dina ena diari ia henia noho. Medu danu kara maoro taudia bona kara kerere taudia edia latanai ia siaia diho.

LUKA 18:7

Unai dainai, Dirava ese ia abia hidi taudia, dina bona hanuaboi ia dekenai idia taitai taudia, be idia dekenai idia badu taudia edia davana do ia henia lasi, a? Dirava ese iena taudia do ia durudia haraga lasi, a?

APOSETOLO EDIA KARA 2:20

Dina be dohore ia dibura, bona hua be dohore ia kakakaka, rara bamona. Inai bamona toa idia vara neganai do umui diba, Lohiabada ena Dina Badana bona namo hereana be do ia kahirakahira vadaeni. Unai Dina be mai garina momokani.

IOSUA 10:11

Bete Horono ela bona Aseka dala dekenai Israela taudia dekena amo idia heau lao neganai, Lohiabada ese medu ena aisi, nadi bamona gaudia, guba dekena amo ia hamorudia, vadaeni Amoro taudia momo herea idia mase. Medu ena aisi dekena amo idia mase taudia edia momo ese Israela taudia edia tuari kaia dekena amo idia mase taudia edia momo be idia hanaia momokani.

IOSUA 10:14

Idaunegai momokani ia mai bona harihari be dina ta inai bamona ia vara lasi! Badina be unai dina dekenai Lohiabada ese tau ta ia kamonai henia. Lohiabada ese Israela taudia edia tuari lalonai ia danu ia tuari, Israela taudia durua totona!

APOKALUPO 21:23

Dina bona hua edia diari danu unai hanua dekenai be lasi. Badina be Dirava ena hairaina ese unai hanua ia hadiaria noho. Bona Mamoe ena Natuna be unai hanua ena lamepa.

APOKALUPO 6:10

Inai lauma idia boiboi goadagoada, idia gwau, “Siahu Ibounai Lohiabadana, helaga bona momokani, edena negai tanobada taudia do oi kota henia, edia davana do oi henia, aiemai rarana dainai?”

APOKALUPO 6:12

Mamoe ena Natuna lau itaia, ia ese koua toana namba 6 ia makohia. Vadaeni tano mareremarere bada ia vara, dina danu ia dibura, dabua koremakorema bamona, bona hua be kakakaka, rara bamona.

APOKALUPO 8:12

Aneru namba 4 ese iena kibi ia hiriria, vadaeni dina bona hua bona hisiu ibounai idia haria kahana toi. Vadaeni idia ese dina ena kahana ta, hua ena kahana ta, bona hisiu edia kahana ta idia hadikaia. Vadaeni diari ena nega idia haria kahana toi. Bona diari ena kahana ta ia dibura. Unai dainai dina ena kahana ta be ia diari lasi, bona hanuaboi danu ena kahana ta be unai bamona ma ia dibura lao.

GUNALAIA TAUDIA 16:28

Unai neganai Samson ese Lohiabada dekenai ia guriguri, ia gwau, “Lohiabada, King Badana e, oi dekenai lau noinoi, mani lau dekenai oi laloa, lau noinoi, lau do oi hagoadaia. Dirava e, lau do oi durua inai nega tamona sibona, vadaeni Pilistia taudia dekenai davana do lau henia, lauegu matana ruaosi totona.”

GUNALAIA TAUDIA 5:2

Lohiabada umui hanamoa! Israela tuari taudia ese tuari totona, edia lalona idia hagoadaia noho, edia gunalaia taudia edia murinai idia raka, mai moale bona ura kwalimu danu.