IOSUA 10:10 - Buka Helaga (Hiri Motu) 1993

¹⁰ Lohiabada ese Amoro taudia ia hagaridia bada Israela taudia edia vairana dekenai. Vadaeni Israela taudia ese Amoro taudia momo herea idia alaia mase Gibeona dekenai, bona idia mauri noho taudia idia lulua lao Bete Horono dekenai ia daekau lao dalana dekenai. Idia heau mauri gwauraia taudia momo be Israela taudia ese idia alaia mase, ela bona Aseka bona Makeda.

IOSUA 10:10 Iomraidhean Croise

2 SAMUELA 22:15

Iena diba ia pidia, vadaeni ia dekenai idia tuari taudia ia lulua. Unai be, iena kevaru ia siaia diho, vadaeni idia heau boio.

1 KING TAUDIA 9:17

Vadaeni Solomona ese Gesere hanua ia haginia lou. Solomona ese danu, iena gaukara taudia dekena amo, Bete Horono, henuna hanua,

2 SIVARAI 14:12

Vadaeni, Asa bona Iuda taudia idia tuari henidia, bona Lohiabada ese Etiopia taudia ia halusia. Etiopia taudia be idia heau.

2 SIVARAI 25:13

To Amasaia ese ia siaia lou Israela taudia, ia danu do idia tuari gwauraia, to edia dala be Amasaia ese ia koua taudia, ese Iuda hanua haida idia tuari henia. Unai hanua be Samaria bona Bete Horono edia huanai idia noho. Unai Israela taudia ese tau ibounai 3000 idia alaia, bona kohu momo idia abia, edia gabu dekenai idia abia lao.

SALAMO 18:14

Iena diba ia pidia, bona ia dekenai idia dagedage taudia ia luludia. Kevaru dekena amo ia ese idia ia pidia, ia halusidia momokani.

SALAMO 44:3

Aiemai tamadia, oiemu bese ese, edia tuari kaia dekena amo tano idia abia lasi, bona sibodia edia goada dekena amo tano idia abia lasi. To oiemu siahu bona oiemu goada dekena amo idia abia, bona oiemu vairana ena diari dekena amo idia abia. Badina be unai diari dekena amo, oiemu lalokau be idia dekenai oi hedinaraia namo herea.

SALAMO 68:14

Siahu Ibounai Dirava ese, Salamona Ororo dekenai king taudia ia lulua lao ore neganai, ia ese sinou unuseni ia siaia diho.

SALAMO 78:55

Iena bese taudia idia raka hanaia neganai, unai tano noho taudia be Dirava ese ia luludia ore, bona edia tano be Israela iduhu ta ta edia huanai ia haria. Edia ruma be Israela taudia dekenai ia henia.

ISAIA 28:21

Badina be Lohiabada ese, do ia toreisi, bona do ia tuari, Perasimi Ororo dekenai ia tuari hegeregerena. Bona do ia badu, Gibeona Koura dekenai ia badu hegeregerena. Inai bamona do ia karaia, iena gaukara karaia totona, iena gaukara be idau. Momokani inai bamona do ia karaia, iena gaukara karaia totona, iena gaukara be idau.

ISAIA 30:30

Lohiabada ese mai regena bada danu do ia boiboi, taunimanima ese iena gadona namo bada herea do idia kamonaia diba totona, bona iena badu ena mamina do idia abia totona. Unai neganai danu, lahi hururuhururu bona medu dikana, aisi nadi bamona meduna, bona lai guba do idia vara.

IEREMIA 34:7

Unai neganai Babulonia ena king ena tuari taudia ese Ierusalema bona Iuda lalonai sibodia mai magudia do noho hanua ruaosi, Lakisi bona Aseka, idia tuari henia noho.

SEKARAIA 14:3

Unai neganai Lohiabada be do ia toreisi, unai bese idauidau taudia do ia tuari henia, guna neganai ia tuari bamona.

DEUTERONOMI 7:23

To Lohiabada, emui Dirava ese umui emui siahu henunai do ia atodia, do idia daradara bada herea, ela bona idia ore momokani.

IOSUA 10:11

Bete Horono ela bona Aseka dala dekenai Israela taudia dekena amo idia heau lao neganai, Lohiabada ese medu ena aisi, nadi bamona gaudia, guba dekena amo ia hamorudia, vadaeni Amoro taudia momo herea idia mase. Medu ena aisi dekena amo idia mase taudia edia momo ese Israela taudia edia tuari kaia dekena amo idia mase taudia edia momo be idia hanaia momokani.

IOSUA 10:28

Unai dina dekenai Iosua ese Makeda hanua ia abia, hanua ena king danu ia abia mauri. Hanua dekenai noho taudia ibounai be idia alaia mase, ta ia mauri lasi. Ieriko ena king dekenai ia karaia hegeregerena, be Iosua ese Makeda ena king dekenai danu ia karaia.

IOSUA 10:9

Hanuaboi ena hora ibounai lalonai Iosua mai ena tuari taudia idia raka Gilegala dekena amo. Vadaeni Gibeona dekenai idia ginidae, bona Amoro taudia idia hoa bada.

IOSUA 11:8

Vadaeni Lohiabada ese Israela taudia dekenai kwalimu ia henia, Israela taudia ese king taudia edia tuari orea idia halusia, bona idia lulua lao, ela bona Sidono Badana bona Misirepoto Maimi, ma idia luludia lao ela bona Misipa Koura, dina daekau kahanai. Idia tuari noho, ela bona Israela taudia ese king taudia edia tuari taudia ibounai idia alaia ore, ta ia heau mauri lasi.

IOSUA 12:16

Makeda ena king, Betele ena king.

IOSUA 15:35

Iaramutu, Adulama, Soko, Aseka,

IOSUA 15:41

Gederoto, Bete Dagona, Namaha, Makeda. Inai be hanua ibounai 16, mai edia hanua maragidia danu.

IOSUA 16:3

Ataroto dekena amo, tano hetoana be dina diho kahana ia lao, ela bona Iapelete taudia edia tano hetoana, ma unuseni dekena amo ia lao, ela bona Bete Horono ena henuna hanua dekenai. Unai gabu dekena amo ma ia lao, ela bona Gesere. Gesere dekena amo Davara Badana dekenai ia lao, bona kone dekenai ia doko.

IOSUA 16:5

Eparaima taudia edia bese ta ta ibounai ese inai tano idia abia: Edia dina daekau kahana tano hetoana be Ataroto Adara dekena amo ia lao, ela bona Bete Horono ena ataiai hanua dekenai.

IOSUA 21:22

bona Kibesaimi, bona Bete Horono, mai edia rei gabudia danu, hanua 4.

GUNALAIA TAUDIA 4:15

Baraki mai ena tuari orea ese tuari totona idia raka vaira neganai, Lohiabada ese Sisera mai ena tuari orea taudia bona kariota dekenai daradara ia havaraia. Vadaeni Sisera ese iena kariota ia rakatania, aena dekenai ia heau mauri.

GUNALAIA TAUDIA 4:16

Vadaeni Baraki ese kariota bona tuari taudia ia lulua lao, ela bona Haroseta Hagoimi. Sisera ena tuari taudia ibounai be Baraki ese ia alaia ore, ta ia mauri noho lasi.

GUNALAIA TAUDIA 5:20

Hisiu be guba dekena amo idia tuari, edia guba daladia dekena amo, idia ese Sisera idia tuari henia.

1 SAMUELA 13:18

Orea iharuana be Bete Horono kahana dekenai idia lao. Ma orea ihatoina be tano hetoana dalana dekena amo idia raka lao. Unai dala dekena amo edia matana idia negea neganai, Seboimi Koura bona taunimanma idia noho lasi tano idia itaia.

1 SAMUELA 17:1

Pilistia taudia ese edia tuari taudia idia boiria hebou, tuari totona do idia hegaegae. Idia be Soko dekenai idia haboua, Iuda tano dekenai. Soko bona Aseka edia huanai idia kamepa. Unai Aseka be Epese Damima dekenai.