IOSUA 1:9 - Buka Helaga (Hiri Motu) 1993

⁹ Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 1:9 Iomraidhean Croise

GENESE 28:15

Dohore lau durua oi, oi lau henia gabudia ibounai dekenai do lau naria oi, bona oi be do lau hakaua mai lou inai tano dekenai. Lau ese oi do lau rakatania lasi, ela bona oi dekenai lau hereva henia kara ibounai do lau karaia haorea.”

GENESE 39:2

Lohiabada ese Iosepa ia naria noho, unai dainai Iosepa dekenai idia vara gaudia ibounai be namo. Ia ese iena biaguna Aigupito tauna ena ruma dekenai ia noho.

GENESE 39:3

Vadaeni iena biaguna ese ia itaia, Lohiabada ese durua ia henia noho Iosepa dekenai, bona iena kara ibounai dekenai anina danu ia havaraia.

2 SAMUELA 13:28

Vadaeni Abesaloma ese iena hesiai taudia ia oda henia, ia gwau, “Aminona do umui itaia namonamo, ela bona uaina momo ia inua, bona ia kekero. Ia kekero momokani neganai, do lau gwau, ‘Aminona do umui alaia,’ bona unai neganai do umui alaia mase. Do umui gari lasi, badina lau ese umui lau oda henia, ani? Do umui boga auka, bona do umui laloa goada.”

1 SIVARAI 28:20

Vadaeni Davida ese iena natuna Solomona ia hamaoroa, ia gwau, “Do oi goada, do oi boga auka. Inai gaukara do oi hamatamaia, bona do oi gari lasi, o laloa manoka lasi. Badina be Dirava Lohiabada, egu Dirava, be oi danu ia noho. Ia ese oi do ia laloaboio lasi, bona ia ese oi do ia rakatania lasi. To oi dekenai do ia noho, ela bona Lohiabada ena Dubu Helaga ena gaukara ibounai do idia ore.

2 SIVARAI 15:7

To umui Iuda taudia ese gaukara namona do umui karaia noho. Do umui gini goada, bona do umui laloa manoka lasi, badina davana namona do umui davaria Dirava dekena amo.”

SALAMO 46:7

Siahu Ibounai Lohiabada be ita dekenai ia noho. Iakobo ena Dirava be iseda heau mauri gabuna.

ISAIA 41:10

Do umui gari lasi, lau be umui dekenai lau noho! Lau be umui emui Dirava, gau ta ese umui do ia hagaria lasi. Lau ese umui do lau hagoadaia, bona umui do lau durua. Lau ese umui do lau naria, bona umui do lau hamauria.

ISAIA 43:1

Israela e, Lohiabada, umui ia havaraia vadaeni Diravana ese ia gwau, “Do umui gari lasi, lau ese umui do lau hamauria. Lau ese umui emui ladana lau atoa vadaeni, umui be lauegu.

ISAIA 43:5

Do umui gari lasi, badina lau be umui danu lau noho. Dina daekau kahana momokani, bona dina diho kahana momokani dekena amo, lau ese emui bese taudia do lau hakaua mai, emui gabu korikori dekenai.

ISAIA 8:12

“Unai bese edia palani gaudia do oi abia dae lasi, bona idia ese idia gari henia gaudia be do oi gari henidia lasi.

DANIELA 10:19

Ia gwau, “Dirava ia lalokau henia bada oi, oi gari lasi, to maino bona lalo namo oi abia, do oi goada!” Inai hereva ia gwauraia neganai goada ena mamina lau abia, bona lau hereva, “Lohiabada e, mani oi hereva noho, badina be oiemu hereva dekena amo goada lau abia vadaeni.”

HAGAI 2:4

Ma Lohiabada ia hereva inai, ia gwau, “Serubabele e, do oi goada! Hahelagaia Tauna Badana, Iosua Iehosadaka e, do oi goada! Umui tano taudia ibounai e, do umui goada, bona gaukara do umui karaia, badina lau, Siahu Ibounai Lohiabada be umui dekenai lau noho.

HAGAI 2:5

Umui ese Aigupito umui rakatania neganai, unai bamona lau gwauhamata, bona egu Lauma be umui emui huanai ia do noho, unai dainai do umui gari lasi.”

APOSETOLO EDIA KARA 4:19

To Petero bona Ioane ese idia dekenai idia haere, idia gwau, “Mani umui laloa, bema Dirava ai kamonai henia lasi, to umui dekenai ai kamonai, inai be maoro Dirava ena vairanai?

DEUTERONOMI 1:21

Umui itaia, Lohiabada, emui Dirava, ese umui ia henia tano be unai. Do umui toreisi, unai tano do umui abia, badina Lohiabada, emui sene taudia edia Dirava ese inai bamona umui ia oda henia vadaeni. Do umui gari lasi, do umui daradara lasi.’

DEUTERONOMI 20:1

Ma Mose ia hereva, ia gwau, “Umui dekenai idia tuari henia taudia do umui tuari henidia neganai, sedira hosi bona kariota momo bona tuari taudia momo herea, emui goada idia hereaia, do umui itaia. To idia dekenai do umui gari henia lasi. Lohiabada emui Dirava, Aigupito dekena amo umui ia hamauria Diravana be umui dekenai do ia noho.

DEUTERONOMI 31:23

Lohiabada ese Iosua Nunu ia hamaoroa, ia gwau, “Do oi goada, oiemu lalona do oi ha-aukaia, Israela taudia do oi hakaua, vadaeni idia dekenai lau gwauhamata henidia tano dekenai do idia vareai. Lau danu ese oi do lau bamoa noho.”

DEUTERONOMI 31:28

“Emui iduhu gunalaia taudia ibounai bona emui tau badadia ibounai be lauegu vairana dekenai do umui haboua, vadaeni lau ese inai hereva do lau gwauraia: Guba bona tanobada do lau boiridia, unai emui gunalaia taudia edia kara do idia uitnesi henia totona.

IOSUA 1:10

Vadaeni Iosua ese bese ena lohia taudia dekenai ia oda, ia gwau,

IOSUA 1:17

Guna ai ese nega ibounai Mose ai kamonai henia hegeregerena, ai ese oi do ai kamonai henia. Bona ai diba Lohiabada, oiemu Dirava be oi dekenai ia noho, guna, Mose dekenai ia noho hegeregerena.

IOSUA 1:18

Daika ese oi dekenai ia hepapahuahu, bona oiemu oda do ia negea, unai tauna be do ai alaia mase. Do oi goada, bona do oi boga auka nega ibounai!”

IOSUA 10:25

Unai neganai Iosua ese iena lohia taudia ia hamaoroa, ia gwau, “Do umui gari lasi, bona emui lalona do idia manoka lasi. Do umui goada, bona do umui boga auka, badina Lohiabada ese inai bamona do ia karaia, umui idia tuari henia taudia ibounai dekenai.”

IOSUA 10:8

Lohiabada ese Iosua ia hamaoroa, ia gwau, “Idia dekenai do umui gari lasi, badina be kwalimu umui dekenai lau henia vadaeni, idia ta be umui emui vairana dekenai do ia gini diba lasi.”

IOSUA 3:7

Lohiabada ese Iosua ia hamaoroa, ia gwau, “Hari dina lau ese oi do lau hanamoa hamatamaia Israela taudia ibounai edia vairanai. Vadaeni do idia diba lau ese oi lau bamoa noho, Mose lau bamoa hegeregerena.

IOSUA 6:27

Unai dainai Lohiabada ese Iosua ia bamoa, bona Iosua ena sivarai be unai tanodia taudia ibounai idia kamonai.

IOSUA 8:1

Lohiabada ese Iosua ia hereva henia, ia gwau, “Do oi gari lasi, bona oiemu kudouna do ia manoka lasi. Tuari taudia ibounai do oi hakaua lao, bona Ai hanua do umui tuari henia. Lau ese Ai ena king dekena amo kwalimu umui dekenai do lau henia. Iena hanua bona iena tano be umui dekenai do lau henia.

GUNALAIA TAUDIA 6:14

Vadaeni Lohiabada ese Gideona dekenai ia oda, ia gwau, “Oi lao, bona mai oiemu goada bada danu, Israela be Midiana taudia edia siahu dekena amo do oi hamauria. Lau ese oi lau siaia inai.”

1 SAMUELA 10:7

Inai bamona kara oi dekenai idia vara neganai, Dirava ese oi do ia hakaua, gaukara do oi karaia totona. Inai bamona gaukara oi davaria neganai, do oi karaia namonamo, badina Dirava be oi danu ia noho.