IOSUA 1:8 - Buka Helaga (Hiri Motu) 1993

⁸ Inai Taravatu Buka be nega ibounai emui guriguri heboudia lalonai do umui duahia. Dina bona hanuaboi do oi tahua, bona iena torea herevadia ibounai do oi kamonai henia. Unai neganai oiemu raka do ia namo, bona oiemu kara ena anina do ia vara momokani.

IOSUA 1:8 Iomraidhean Croise

GENESE 24:63

Adorahi ta, dina ia diho kahirakahira neganai, Isako be tano palaka dekenai ia loaloa, bona ia itaia be kamelo idia mai.

2 SIVARAI 26:5

Usaia ese Sekaraia ena nega lalonai Lohiabada ia tahua hamatamaia. Sekaraia ese Dirava gari henia dalana be Usaia dekenai ia hadibaia. Bona Usaia ese Lohiabada ia tahua negadia ibounai lalonai, Dirava ese ia durua, bona iena mauri ia hanamoa.

SALAMO 119:11

Oiemu hereva be egu kudouna lalonai lau hunia noho, oi dekenai do lau kara dika lasi totona.

SALAMO 119:15

Oiemu hadibaia hereva edia anina lau laloa namonamo noho. Oiemu oda hereva edia anina lau tahua noho.

SALAMO 119:97

Lohiabada e, oiemu taravatu lau ura henia. Dina ena hora ibounai lalonai, oiemu taravatu lau laloa noho.

SALAMO 119:99

Lauegu diba ese, egu hadibaia taudia ibounai edia diba ia hereaia noho, badina be lau ese Dirava ena hadibaia hereva lau laloa noho, ma lau laloa noho.

SALAMO 19:14

Lohiabada e, oi be lauegu Nadi Gini Gabuna, bona egu Hamauria Tauna. Mani lau do oi durua, vadaeni lauegu uduna ena hereva, bona lauegu kudouna ena laloa, be do idia namo, oiemu vairana dekenai.

SALAMO 40:10

Oi ese lau oi hamauria vadaeni, bona inai Sivarai be lau ese lau hunia lasi. Oiemu abidadama namona bona oiemu durua, be nega ibounai lau ese lau gwauraia hedinarai vadaeni. Oiemu taudia edia hebou badana lalonai, lau ese oiemu lalokau badana, bona oiemu hereva momokani lau hunia lasi.

AONEGA HEREVADIA 3:1

Egu natuna e, egu hadibaia hereva, be do oi laloaboio lasi. Egu oda hereva, be oiemu kudouna lalonai do oi dogoatao noho.

ISAIA 59:21

Ma Lohiabada ia gwau, “Inai be egu gwauhamata taravatuna umui danu: Egu Lauma be umui emui kudouna lalonai ia noho, bona egu hadibaia hereva danu umui dekenai lau henia, do umui gwauraia totona. Idia be umui emui, ela bona hanaihanai. Bona hari ia lao, umui ese egu Lauma bona egu hereva do umui kamonai henia momokani. “Bona umui ese emui natudia bona emui tubudia edia tubudia dekenai egu hereva do umui hadibaia, hari, inai nega dekena amo, ia lao bona hanaihanai. Lau Lohiabada, lau hereva inai.”

MATAIO 12:35

Tau namona be mai ena laloa namodia momo ena lalona dekenai. Unai dainai kara namodia do ia karaia. Tau dikana be mai ena laloa dikadia momo ena lalona dekenai. Unai dainai kara dikadia do ia karaia.

MATAIO 28:20

Bona idia dekenai do umui hadibaia, umui dekenai lau henia hereva ibounai be do idia badinaia. Bona do umui kamonai bona laloa noho, lau be hanaihanai umui danu ita noho ela bona tanobada dokona.”

MATAIO 7:21

“Guba Basileia do idia vareai taudia be daika? ‘Lohiabada e, Lohiabada e,’ idia gwau taudia ibounai, a? Lasi momokani. Idia gwau, ‘Lohiabada e, Lohiabada e,’ taudia momo be Guba Basileia lalonai do idia raka vareai lasi. To lauegu Tamana, guba dekenai ia noho ena ura idia karaia taudia, idia sibona do idia vareai.

MATAIO 7:24

“Unai dainai, lauegu hereva inai ia kamonai, bona ia karaia tauna be aonega tauna ta bamona, ia ese iena ruma nadi latanai ia haginia.

LUKA 11:28

To Iesu ia gwau, “Gau badana momokani be inai, Dirava ena hereva idia kamonaia bona idia badinaia taudia be idia moale bada.”

IOANE 13:17

Inai bema umui diba, bona bema umui karaia, be do umui namo.

IOANE 14:21

“Lauegu taravatu ia abia dae bona ia badinaia tauna, inai tau ese lau ia lalokau henia. Lau ia lalokau henia tauna, be lauegu Tamana ese ia do ia lalokau henia, lau danu do lau lalokau henia, bona ia dekenai do lau hedinarai.”

EFESO 4:29

Hereva mirodia do umui gwauraia lasi, hereva namodia sibona. Vadaeni emui hereva idia kamonai taudia ese durua bona namo do idia davaria, bona emui hereva dekena amo manoka taudia do umui hagoadaia.

DEUTERONOMI 29:8

Edia tano ita abia, bona Rubena iduhu taudia, Gado iduhu taudia, bona Manase iduhu kahana taudia dekenai inai tano ita henia, edia tano korikori totona.

DEUTERONOMI 29:9

Unai dainai inai gwauhamata taravatuna ena hereva do umui kamonai henia, bona edia kara do umui karaia momokani. Unai neganai emui gaukara ibounai edia anina do idia vara.

DEUTERONOMI 30:14

To unai taravatu be oiemu badibadinai ia noho, oiemu uduna lalonai, bona oiemu kudouna dekenai, ena kara do oi karaia totona.

DEUTERONOMI 31:11

Israela taudia ese Lohiabada emui Dirava ena vairanai, bona iena abia hidi gabuna dekenai idia haboua mai neganai, inai Taravatu do umui duahia hedinarai, idia ibounai do idia kamonai.

DEUTERONOMI 31:24

Mose ese inai Taravatu ena hereva ibounai Buka dekenai ia torea haorea.

DEUTERONOMI 5:1

Mose ese Israela taudia ibounai ia boiria hebou, ia haroro henia, ia gwau, “Israela taudia e, umui kamonai! Inai taravatu bona oda, hari dina do lau gwauraia, be do umui kamonai namonamo. Taravatu ta ta ibounai do umui laloa namonamo, bona idia do umui badinaia momokani.

DEUTERONOMI 5:29

Nega ibounai unai bamona bema idia laloa be namo, bona bema lau dekenai idia matauraia, bona egu Taravatu bema idia kamonai henia, edia noho be do ia namo, bona edia natudia bona tubudia danu edia noho be do namo ela bona hanaihanai.

DEUTERONOMI 5:32

“Unai dainai Israela taudia e, do umui naria namonamo, Lohiabada emui Dirava ena Taravatu ibounai do umui badinaia. Idia dekena amo do umui raka siri lasi, idiba kahana dekenai o lauri kahana dekenai.

KOLOSE 3:16

Keriso ena hereva umui emui lalona dekenai ia noho momokani be namo. Inai hereva dekena amo, umui ese Keristani varavara taudia ibounai do umui hadibaia, bona hereva ena aonega dekena amo, edia laloa do umui hamaoromaoroa. Salamo bona guriguri ane, bona lauma anedia do umui abia, Dirava do umui hanamoa totona. Bona inai ane dekena amo, mai emui kudouna ibounai, Dirava do umui tanikiu henia.

IOSUA 1:7

To do oi goada bona boga auka. Lauegu hesiai tauna Mose umui dekenai ia henia taravatu ibounai do oi badinaia, bona ena kara do oi karaia. Unai taravatu ena kahana ta dekena amo do oi raka siri lasi. Unai neganai do oi lao gabudia ibounai dekenai oiemu kara ena anina do ia vara momokani.

IOSUA 8:34

Unai neganai Iosua ese Taravatu hereva ibounai ia duahia hedinaraia, hanamoa hereva, bona hadikaia hereva danu, Taravatu Buka lalonai idia torea hegeregerena.

APOKALUPO 22:14

Edia dabua idia huria taudia be idia moale. Badina be inai: Idia be mai edia maoro, mauri auna ena huahua do idia ania. Bona mai edia maoro danu, hanua ena iduara do idia raka vareai.