IOSUA 1:7 - Buka Helaga (Hiri Motu) 1993

⁷ To do oi goada bona boga auka. Lauegu hesiai tauna Mose umui dekenai ia henia taravatu ibounai do oi badinaia, bona ena kara do oi karaia. Unai taravatu ena kahana ta dekena amo do oi raka siri lasi. Unai neganai do oi lao gabudia ibounai dekenai oiemu kara ena anina do ia vara momokani.

IOSUA 1:7 Iomraidhean Croise

1 KING TAUDIA 2:2

“Lauegu mase be kahirakahira. Do oi laloa goada, bona kara goada tauna do oi lao.

1 KING TAUDIA 2:3

Bona Lohiabada, oiemu Dirava, ena hadibaia hereva do oi badinaia, iena dala dekenai do oi raka. Lohiabada ena Taravatu bona iena hadibaia hereva bona iena oda do oi badinaia, Mose ena taravatu lalonai ia torea hegeregerena. Unai bamona neganai, oiemu kara ibounai ese namo oi dekenai do idia havaraia, oiemu lao gabudia ibounai dekenai.

2 KING TAUDIA 22:2

Iosaia ese Lohiabada ena vairanai kara maoromaoro ia karaia. Iena sene tauna Davida ena dala ia raka, bona Dirava ena taravatu ibounai ia kamonai henia.

1 SIVARAI 22:13

Bema Lohiabada ese Israela totona Mose dekenai ia henia taravatu ibounai oi kamonai henia neganai, oi be do oi kwalimu. Do oi goada, bona do oi boga auka. Do oi gari lasi, bona do oi manoka lasi.

2 SIVARAI 15:7

To umui Iuda taudia ese gaukara namona do umui karaia noho. Do umui gini goada, bona do umui laloa manoka lasi, badina davana namona do umui davaria Dirava dekena amo.”

2 SIVARAI 26:5

Usaia ese Sekaraia ena nega lalonai Lohiabada ia tahua hamatamaia. Sekaraia ese Dirava gari henia dalana be Usaia dekenai ia hadibaia. Bona Usaia ese Lohiabada ia tahua negadia ibounai lalonai, Dirava ese ia durua, bona iena mauri ia hanamoa.

IOBU 1:8

Lohiabada ese Satani ma ia nanadaia, ia gwau, “Lauegu hesiai tauna Iobu oi itaia vadaeni, a? Tanobada dekenai ia be tau ta ese ia hereaia lasi, ani? Ia be kerere ta lasi, bona kara maoromaoro tauna. Ia ese lau Dirava dekenai ia gari, bona kara dika dekena amo ia siri momokani, ani?”

SALAMO 80:19

Lohiabada e, Siahu Ibounai Diravana e, oi ese ai do oi hakaua lou. Ai dekenai oiemu bogahisihisi do oi hedinaraia, oi ese ai do oi hamauria.

AONEGA HEREVADIA 4:27

Dala maoromaorona dekenai do oi raka, idiba kahana o lauri kahana dekenai do oi raka lasi. Oiemu aena be kara dika dekena amo, do idia raka siri.

AONEGA HEREVADIA 8:20

Lau be kara maoromaoro ena dala dekenai lau raka noho, bona mai laloa maoromaoro danu kota lau naria noho.

DANIELA 10:19

Ia gwau, “Dirava ia lalokau henia bada oi, oi gari lasi, to maino bona lalo namo oi abia, do oi goada!” Inai hereva ia gwauraia neganai goada ena mamina lau abia, bona lau hereva, “Lohiabada e, mani oi hereva noho, badina be oiemu hereva dekena amo goada lau abia vadaeni.”

NUMERA 27:23

Vadaeni Mose ese iena imana Iosua ena kwarana latanai ia atoa, iena dagi ia henia, Lohiabada ese Mose ia hamaoroa hegeregerena.

DEUTERONOMI 11:8

Ma Mose ia gwau, “Unai dainai hari dina umui dekenai lau henia noho Taravatu ibounai do umui kamonai henia. Unai neganai goada do umui davaria, Ioridane Sinavai do umui hanaia totona, bona do umui noholaia tano do umui abia totona.

DEUTERONOMI 12:32

“Lauegu oda hereva ibounai do umui badinaia namonamo. Idia dekenai hereva ta ma do umui atoa lasi, bona idia dekena amo hereva ta do umui kokia lasi.

DEUTERONOMI 28:14

To inai hari dina umui dekenai lau henia oda dekena amo do umui raka siri lasi, idiba kahana dekenai, o lauri kahana dekenai. Bona dirava idaudia do umui tomadiho henia lasi, bona edia hesiai gaukara do umui karaia lasi.

DEUTERONOMI 29:8

Edia tano ita abia, bona Rubena iduhu taudia, Gado iduhu taudia, bona Manase iduhu kahana taudia dekenai inai tano ita henia, edia tano korikori totona.

DEUTERONOMI 29:9

Unai dainai inai gwauhamata taravatuna ena hereva do umui kamonai henia, bona edia kara do umui karaia momokani. Unai neganai emui gaukara ibounai edia anina do idia vara.

DEUTERONOMI 31:7

Unai neganai Mose ese Iosua ia boiria, Israela taudia ibounai edia vairana dekenai ia hereva henia, ia gwau, “Iosua e, do oi goada, oiemu lalona do oi ha-aukaia, badina inai orea taudia danu do oi raka vareai, Lohiabada ese iseda sene taudia dekenai ia gwauhamata henidia tano dekenai. Oi ese unai tano idia edia huana dekenai do oi haria, edia tano korikori do ia lao.

DEUTERONOMI 4:2

Umui dekenai lau henia vadaeni taravatu dekenai hereva ma ta do umui atoa lasi, bona unai taravatu dekena amo hereva ta do umui kokia lasi. To Lohiabada, emui Dirava ena oda, lau ese umui dekenai lau henia gaudia do umui badinaia.

DEUTERONOMI 5:32

“Unai dainai Israela taudia e, do umui naria namonamo, Lohiabada emui Dirava ena Taravatu ibounai do umui badinaia. Idia dekena amo do umui raka siri lasi, idiba kahana dekenai o lauri kahana dekenai.

IOSUA 1:1

Lohiabada ena hesiai tauna Mose ia mase murinai, Lohiabada ese Iosua Nunu, Mose ia durua tauna, ia hereva henia, ia gwau,

IOSUA 1:8

Inai Taravatu Buka be nega ibounai emui guriguri heboudia lalonai do umui duahia. Dina bona hanuaboi do oi tahua, bona iena torea herevadia ibounai do oi kamonai henia. Unai neganai oiemu raka do ia namo, bona oiemu kara ena anina do ia vara momokani.

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 11:15

Lohiabada ese iena oda Mose dekenai ia henia, bona Mose ese inai oda Iosua dekenai ia henia, bona Iosua ese inai oda ia kamonai henia. Iosua ese Lohiabada ena oda, Mose dekenai ia henia gaudia ibounai, ia kamonai henia namonamo.

IOSUA 23:6

“Unai dainai Mose ena Taravatu Buka lalonai idia torea hereva ibounai do umui badinaia, idia dekena amo do umui raka siri lasi, idiba kahana dekenai, o lauri kahana dekenai.