IOSUA 1:6 - Buka Helaga (Hiri Motu) 1993

⁶ “Do oi goada, do oi gari lasi. Badina be oi ese inai bese do oi gunalaia, edia sene taudia dekenai lau gwauhamata henidia tanona do idia abia neganai.

IOSUA 1:6 Iomraidhean Croise

GENESE 12:7

Lohiabada ese Aberamo dekenai ia hedinarai, ia hereva, ia gwau, “Inai tano be oiemu tubuna dekenai do lau henia.” Vadaeni unuseni Aberamo ese boubou patana ia karaia Lohiabada dekenai, badina be Lohiabada ese ia dekenai ia hedinarai unai gabu dekenai.

GENESE 26:3

Inai tano dekenai oi noho, vadaeni dohore lau durua oi, bona do lau hanamoa oi, badina be inai tano ibounai do lau henia oi, bona oiemu natuna bona oiemu tubuna dekenai do lau henidia, oiemu tamana Aberahamo dekenai gwauhamata lau henia hegeregerena.

2 SAMUELA 10:12

Do umui gari lasi, do ita laloa goada, mai boga auka danu. Iseda bese dainai, bona iseda Dirava ena hanua ibounai dainai, do ita tuari auka momokani. Namona be Lohiabada ena ura do ia vara.”

1 KING TAUDIA 2:2

“Lauegu mase be kahirakahira. Do oi laloa goada, bona kara goada tauna do oi lao.

1 SIVARAI 22:13

Bema Lohiabada ese Israela totona Mose dekenai ia henia taravatu ibounai oi kamonai henia neganai, oi be do oi kwalimu. Do oi goada, bona do oi boga auka. Do oi gari lasi, bona do oi manoka lasi.

1 SIVARAI 28:10

Harihari do oi laloa namonamo, Lohiabada ese oi ia abia hidi vadaeni, iena Dubu Helaga do oi haginia totona. Unai dainai hari inai gaukara do oi karaia, bona mai laloa goada danu do oi karaia.”

1 SIVARAI 28:20

Vadaeni Davida ese iena natuna Solomona ia hamaoroa, ia gwau, “Do oi goada, do oi boga auka. Inai gaukara do oi hamatamaia, bona do oi gari lasi, o laloa manoka lasi. Badina be Dirava Lohiabada, egu Dirava, be oi danu ia noho. Ia ese oi do ia laloaboio lasi, bona ia ese oi do ia rakatania lasi. To oi dekenai do ia noho, ela bona Lohiabada ena Dubu Helaga ena gaukara ibounai do idia ore.

2 SIVARAI 15:7

To umui Iuda taudia ese gaukara namona do umui karaia noho. Do umui gini goada, bona do umui laloa manoka lasi, badina davana namona do umui davaria Dirava dekena amo.”

2 SIVARAI 20:11

To oi itaia, aiemai kara namona idia dekenai ena davana ai dekenai be dika do idia karaia, a? Badina idia ese ai dekenai oi henia tano dekena amo ai do idia lulua ore totona idia mai.

2 SIVARAI 20:7

Oi be aiemai Dirava. Oiemu bese Israela ese inai tano dekenai idia raka vareai neganai, oi ese inai tano noho taudia be Israela taudia edia vairana dekenai oi luludia ore, bona oiemu turana Aberahamo ena bese taudia dekenai inai tano oi henia, edia tano do ia noho, ela bona hanaihanai.

SALAMO 27:14

Lohiabada dekenai do umui abidadama henia. Do umui laloa goada, daradara lasi. Lohiabada dekenai do umui abidadama henia.

DANIELA 10:19

Ia gwau, “Dirava ia lalokau henia bada oi, oi gari lasi, to maino bona lalo namo oi abia, do oi goada!” Inai hereva ia gwauraia neganai goada ena mamina lau abia, bona lau hereva, “Lohiabada e, mani oi hereva noho, badina be oiemu hereva dekena amo goada lau abia vadaeni.”

HAGAI 2:4

Ma Lohiabada ia hereva inai, ia gwau, “Serubabele e, do oi goada! Hahelagaia Tauna Badana, Iosua Iehosadaka e, do oi goada! Umui tano taudia ibounai e, do umui goada, bona gaukara do umui karaia, badina lau, Siahu Ibounai Lohiabada be umui dekenai lau noho.

SEKARAIA 8:9

Siahu Ibounai Lohiabada ia gwau, “Do umui laloa goada bona gini goada noho. Inai egu Dubu ena badina nadi umui atoa neganai peroveta taudia edia hagoadaia hereva, be do umui laloa noho, bona do umui gaukara namonamo, egu Dubu haorea totona.

NUMERA 26:53

“Tano be inai iduhu edia huanai do oi haria, edia ladana, bona edia taunimanima hida hegeregerena do oi haria.

NUMERA 33:53

“Kanana tano do umui abia, bona unai tano dekenai do umui noho, badina be unai tano umui dekenai lau henia inai, emui tano korikori.

1 KORINTO 16:13

Umui naria namonamo, abidadama dekenai umui gini goada, metau ibounai lalonai do umui haheauka, do umui goada.

EFESO 6:10

Lauegu hereva dokona be inai: Lohiabada ena siahu dekena amo do umui siahu, bona Lohiabada ena goada dekena amo do umui goada.

DEUTERONOMI 1:21

Umui itaia, Lohiabada, emui Dirava, ese umui ia henia tano be unai. Do umui toreisi, unai tano do umui abia, badina Lohiabada, emui sene taudia edia Dirava ese inai bamona umui ia oda henia vadaeni. Do umui gari lasi, do umui daradara lasi.’

DEUTERONOMI 1:8

Unai tano ibounai be umui dekenai lau henia vadaeni. Umui lao, unai tano do umui abia, badina lau Lohiabada ese emui sene taudia Aberahamo, Isako bona Iakobo dekenai lau gwauhamata henidia, unai tano do idia abia, edia tubudia danu.”

DEUTERONOMI 11:8

Ma Mose ia gwau, “Unai dainai hari dina umui dekenai lau henia noho Taravatu ibounai do umui kamonai henia. Unai neganai goada do umui davaria, Ioridane Sinavai do umui hanaia totona, bona do umui noholaia tano do umui abia totona.

DEUTERONOMI 31:23

Lohiabada ese Iosua Nunu ia hamaoroa, ia gwau, “Do oi goada, oiemu lalona do oi ha-aukaia, Israela taudia do oi hakaua, vadaeni idia dekenai lau gwauhamata henidia tano dekenai do idia vareai. Lau danu ese oi do lau bamoa noho.”

2 TIMOTEO 2:1

Lauegu natuna e, Keriso Iesu danu oi hakapua dainai, iena hariharibada lalonai do oi goada noho.

IOSUA 1:18

Daika ese oi dekenai ia hepapahuahu, bona oiemu oda do ia negea, unai tauna be do ai alaia mase. Do oi goada, bona do oi boga auka nega ibounai!”

IOSUA 1:7

To do oi goada bona boga auka. Lauegu hesiai tauna Mose umui dekenai ia henia taravatu ibounai do oi badinaia, bona ena kara do oi karaia. Unai taravatu ena kahana ta dekena amo do oi raka siri lasi. Unai neganai do oi lao gabudia ibounai dekenai oiemu kara ena anina do ia vara momokani.

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 10:25

Unai neganai Iosua ese iena lohia taudia ia hamaoroa, ia gwau, “Do umui gari lasi, bona emui lalona do idia manoka lasi. Do umui goada, bona do umui boga auka, badina Lohiabada ese inai bamona do ia karaia, umui idia tuari henia taudia ibounai dekenai.”

IOSUA 13:6

“Sidono taudia edia tano danu, ororo dekenai idia noho, Lebanona dekena amo ela bona Misirepoto Maimi, unai taudia ibounai be Israela taudia edia vairana dekenai do lau lulua lao. Inai tano be Israela taudia edia huanai do oi haria, lau ese oi lau oda henia guna hegeregerena.

IOSUA 18:3

Vadaeni Iosua ese Israela taudia ia hamaoroa, ia gwau, “Ela bona edena negai do umui naria kava, Lohiabada, emui sene taudia edia Dirava, ese umui dekenai ia henia vadaeni tano umui abia lasi?

IOSUA 21:43

Unai dainai, Lohiabada ese Israela taudia dekenai edia tano ibounai ia henia, edia sene taudia dekenai ia gwauhamata do ia henia hegeregerena. Unai tano idia abia, edia tano, bona ia dekenai idia noho.

IOSUA 5:6

Badina be Israela taudia be lagani 40 taunimanima noho lasi tano dekenai idia loaloa, ela bona tatau ibounai, tuari taudia Aigupito dekena amo idia raka mai, be idia mase ore, badina be idia ese Lohiabada idia kamonai henia lasi. Bona Lohiabada ese ia gwauhamata henidia, edia sene dekenai ia gwauhamata henidia tano namona dekenai do idia raka vareai lasi.

1 SAMUELA 4:9

Pilistia taudia e, do umui goada, do umui boga auka, tau hegeregerena, Heberu taudia ese edia hesiai taudia umui do idia halaoa garina, umui ese hesiai taudia idia umui halaoa bamona. Do umui boga auka, tau hegeregere, bona do umui tuari mai goada danu.”