IOSUA 1:5 - Buka Helaga (Hiri Motu) 1993

⁵ “Iosua e, oiemu mauri dinadia ibounai lalonai tau ta ese oi do ia halusia diba lasi. Lau be oi dekenai do lau noho, Mose dekenai lau noho hegeregerena. Nega ibounai oi do lau bamoa, bona oi do lau rakatania lasi.

IOSUA 1:5 Iomraidhean Croise

GENESE 39:2

Lohiabada ese Iosepa ia naria noho, unai dainai Iosepa dekenai idia vara gaudia ibounai be namo. Ia ese iena biaguna Aigupito tauna ena ruma dekenai ia noho.

1 KING TAUDIA 1:37

Lohiabada ese lauegu lohia bona lauegu king ia bamoa hegeregerena, ia ese Solomona danu do ia bamoa, bona Lohiabada ese iena terona do ia habadaia, vadaeni lauegu king Davida ena terona do ia hereaia momokani.”

1 KING TAUDIA 11:38

Bema oi ese lau do oi kamonai henia momokani, lauegu Taravatu, bona lauegu oda do oi karaia, egu hesiai tauna Davida hegeregerena neganai, lau ese oi dekenai do lau noho nega ibounai. Lau ese king dagi oi dekenai do lau henia, bona oiemu natuna bona tubuna taudia do lau haginia, idia ese danu king dagi do idia dogoatao noho, Davida dekenai lau karaia hegeregerena.

1 KING TAUDIA 6:13

Inai Dubu Helaga, oi ese oi haginia noho gauna, lalonai lau be lauegu bese Israela edia huanai do lau noho, bona idia do lau rakatania lasi.”

1 KING TAUDIA 8:57

Lohiabada, iseda Dirava, be ita danu ia noho, iseda sene taudia danu ia noho hegeregerena, ia ese ita do ia rakatania lasi, ita do ia negea lasi.

1 SIVARAI 28:20

Vadaeni Davida ese iena natuna Solomona ia hamaoroa, ia gwau, “Do oi goada, do oi boga auka. Inai gaukara do oi hamatamaia, bona do oi gari lasi, o laloa manoka lasi. Badina be Dirava Lohiabada, egu Dirava, be oi danu ia noho. Ia ese oi do ia laloaboio lasi, bona ia ese oi do ia rakatania lasi. To oi dekenai do ia noho, ela bona Lohiabada ena Dubu Helaga ena gaukara ibounai do idia ore.

SALAMO 46:11

Siahu Ibounai Dirava be ita dekenai ia noho. Iakobo ena Dirava be iseda heau mauri gabuna.

ESODO 3:12

Dirava ma ia gwau, “Momokani, dohore lau durua oi, bona lau siaia oi ena toana be inai: Oi ese Israela taudia Aigupito tano dekena amo do oi hakaua siri murinai, inai ororo Sinai dekenai Dirava do umui tomadiho henia.”

ISAIA 42:16

Matakepulu taudia be do lau hakaua, vadaeni nega ta idia rakalaia lasi daladia, be do idia raka. Lau ese edia dibura do lau hadiaria, bona tano idia gudu gabudia, be edia vairana dekenai do lau hamanadaia. Lauegu gwauhamata be inai, bona do lau karaia momokani.

IEREMIA 1:8

Idia dekenai do oi gari lasi, badina lau be oi dekenai do lau noho, bona lau ese oi do lau naria. Lau, Lohiabada lau hereva inai.”

DANIELA 11:16

Unai dainai unai Suria tuari taudia be edia ura hegeregere do idia karaia, unai tano taudia ese idia koudia diba lasi. Hairai bada herea tanona danu do idia abia, bona unai tano do idia biagua momokani.

MATAIO 28:20

Bona idia dekenai do umui hadibaia, umui dekenai lau henia hereva ibounai be do idia badinaia. Bona do umui kamonai bona laloa noho, lau be hanaihanai umui danu ita noho ela bona tanobada dokona.”

ROMA 8:31

Inai gaudia be edena bamona ma do ita herevalaia? Bema Dirava ese ita ia durua neganai, daika ese ita do ia hadikaia diba?

ROMA 8:37

To inai gaudia ita laloa lasi. Badina be Keriso ese ita ia lalokau henia, bona ia dainai do ita kwalimu momokani.

DEUTERONOMI 20:1

Ma Mose ia hereva, ia gwau, “Umui dekenai idia tuari henia taudia do umui tuari henidia neganai, sedira hosi bona kariota momo bona tuari taudia momo herea, emui goada idia hereaia, do umui itaia. To idia dekenai do umui gari henia lasi. Lohiabada emui Dirava, Aigupito dekena amo umui ia hamauria Diravana be umui dekenai do ia noho.

DEUTERONOMI 20:4

Lohiabada emui Dirava ese kwalimu umui dekenai do ia henia.’

DEUTERONOMI 31:23

Lohiabada ese Iosua Nunu ia hamaoroa, ia gwau, “Do oi goada, oiemu lalona do oi ha-aukaia, Israela taudia do oi hakaua, vadaeni idia dekenai lau gwauhamata henidia tano dekenai do idia vareai. Lau danu ese oi do lau bamoa noho.”

DEUTERONOMI 4:31

Badina be Lohiabada emui Dirava be bogahisihisi Diravana, ia ese umui do ia rakatania lasi, umui do ia hadikaia ore lasi. Bona iena gwauhamata, emui sene taudia dekenai ia henia gauna do ia laloaboio lasi.

DEUTERONOMI 7:24

Edia king be umui emui siahu henunai do ia atodia. Do umui aladia, bona edia ladana be do idia boio momokani. Tau ta ese umui emui kara do ia koua diba lasi, to ibounai be do umui alaia ore.

2 TIMOTEO 4:17

To Lohiabada ese lau ia durua, bona lau ia hagoadaia, vadaeni Sivarai Namona ibounai lau gwauraia, bona Iuda lasi taudia idia kamonaia. Bona laiona edia uduna dekena amo Dirava ese lau ia hamauria vadaeni.

HEBERU 13:5

Moni do umui ura henia dikadika lasi. To umui dekenai ia noho gauna, be inai bamona do umui laloalaia, “Lau dekenai noho gauna be namo, ia hegeregere vadaeni.” Badina be Dirava be inai bamona ia hereva, ia gwau: “Lau ese umui do lau negea lasi, bona umui do lau rakatania lasi Lasi bona lasi momokani.”

IOSUA 1:17

Guna ai ese nega ibounai Mose ai kamonai henia hegeregerena, ai ese oi do ai kamonai henia. Bona ai diba Lohiabada, oiemu Dirava be oi dekenai ia noho, guna, Mose dekenai ia noho hegeregerena.

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 10:8

Lohiabada ese Iosua ia hamaoroa, ia gwau, “Idia dekenai do umui gari lasi, badina be kwalimu umui dekenai lau henia vadaeni, idia ta be umui emui vairana dekenai do ia gini diba lasi.”

IOSUA 21:44

Vadaeni Lohiabada ese maino mai laga-ani danu idia dekenai ia henia, edia tano kahana ibounai dekenai, ia ese edia sene taudia dekenai ia gwauhamata hegeregerena. Idia dekenai idia tuari taudia ibounai, ta ese idia ia koua diba lasi, badina be Lohiabada ese tuari taudia ibounai dekena amo Israela taudia dekenai kwalimu ia henia.

IOSUA 3:7

Lohiabada ese Iosua ia hamaoroa, ia gwau, “Hari dina lau ese oi do lau hanamoa hamatamaia Israela taudia ibounai edia vairanai. Vadaeni do idia diba lau ese oi lau bamoa noho, Mose lau bamoa hegeregerena.

IOSUA 6:27

Unai dainai Lohiabada ese Iosua ia bamoa, bona Iosua ena sivarai be unai tanodia taudia ibounai idia kamonai.

GUNALAIA TAUDIA 2:18

Lohiabada ese gunalaia tauna ta Israela taudia dekenai ia henia neganai ibounai, ia ese unai gunalaia tauna ia durua. Vadaeni unai gunalaia tauna ena mauri dinadia ibounai lalonai Lohiabada ese Israela taudia ia hamauria, idia tuari henidia taudia dekena amo. Badina be idia dagedage henidia, bona idia hisihisi henidia taudia dainai idia taitai neganai ibounai, Lohiabada ese idia ia bogahisihisi henia.

GUNALAIA TAUDIA 6:16

Lohiabada ese ia hamaoroa, ia gwau, “To lau ese oi dekenai do lau noho, vadaeni oi ese Midiana taudia do oi halusia, tau tamona do oi halusia bamona.”

1 SAMUELA 10:7

Inai bamona kara oi dekenai idia vara neganai, Dirava ese oi do ia hakaua, gaukara do oi karaia totona. Inai bamona gaukara oi davaria neganai, do oi karaia namonamo, badina Dirava be oi danu ia noho.