IOSUA 1:17 - Buka Helaga (Hiri Motu) 1993

¹⁷ Guna ai ese nega ibounai Mose ai kamonai henia hegeregerena, ai ese oi do ai kamonai henia. Bona ai diba Lohiabada, oiemu Dirava be oi dekenai ia noho, guna, Mose dekenai ia noho hegeregerena.

IOSUA 1:17 Iomraidhean Croise

2 SAMUELA 14:17

“Lohia e, lau sibona lau laloa, bema lau durua totona oi gwauhamata neganai, oi ese lau do oi hamauria. Badina oi be Dirava ena aneru bamona, bona oi ese namo bona dika edia idau oi diba. Lohiabada, oiemu Dirava, be oi dekenai do ia noho!”

1 KING TAUDIA 1:37

Lohiabada ese lauegu lohia bona lauegu king ia bamoa hegeregerena, ia ese Solomona danu do ia bamoa, bona Lohiabada ese iena terona do ia habadaia, vadaeni lauegu king Davida ena terona do ia hereaia momokani.”

1 SIVARAI 28:20

Vadaeni Davida ese iena natuna Solomona ia hamaoroa, ia gwau, “Do oi goada, do oi boga auka. Inai gaukara do oi hamatamaia, bona do oi gari lasi, o laloa manoka lasi. Badina be Dirava Lohiabada, egu Dirava, be oi danu ia noho. Ia ese oi do ia laloaboio lasi, bona ia ese oi do ia rakatania lasi. To oi dekenai do ia noho, ela bona Lohiabada ena Dubu Helaga ena gaukara ibounai do idia ore.

SALAMO 20:1

Oiemu nega dika bona hisihisi neganai, Lohiabada ese oi dekenai durua do ia henia. Iakobo ena Dirava ese oi do ia gimaia.

SALAMO 20:4

Oiemu kudouna ena ura, be oi dekenai do ia henia, bona oiemu palani ibounai, edia anina do ia havaraia.

SALAMO 20:9

Lohiabada e, king do oi hamauria! Oi dekenai ai boiboi neganai, mani ai dekenai do oi haere henia.

NUMERA 27:18

Lohiabada ese Mose ia hamaoroa, ia gwau, “Iosua Nunu do oi abia, ia be Lauma ese ia abia tauna ta, oiemu imana be iena kwarana latanai do oi atoa.

NUMERA 27:20

Oiemu siahu dekena amo Iosua do oi hasiahua, vadaeni Israela taudia ibounai ese ia do idia kamonai henia.

MATAIO 21:9

Vadaeni taunimanima momo, Iesu vairanai idia raka taudia bona iena murinai idia raka taudia danu idia boiboi, idia gwau, “Hosana, Davida ena natuna e! Lohiabada ena ladanai ia mai noho tauna ita hanamoa. Ataiai momokani ia noho Dirava dekenai, hosana!”

DEUTERONOMI 34:9

Iosua Nunu be aonega ena lauma ese ia hahonua, badina be Mose ese Iosua ia abia hidi vadaeni, iena gabu do ia abia. Unai dainai, Israela taudia ese Iosua idia kamonai henia, bona Lohiabada ese Mose dekenai ia oda henia herevadia be idia badinaia.

IOSUA 1:16

Vadaeni idia ese Iosua dekenai idia haere, idia gwau, “Ai dekenai oi oda henia hereva ibounai do ai karaia, bona ai do oi siaia gabudia dekenai do ai lao.

IOSUA 1:18

Daika ese oi dekenai ia hepapahuahu, bona oiemu oda do ia negea, unai tauna be do ai alaia mase. Do oi goada, bona do oi boga auka nega ibounai!”

IOSUA 1:5

“Iosua e, oiemu mauri dinadia ibounai lalonai tau ta ese oi do ia halusia diba lasi. Lau be oi dekenai do lau noho, Mose dekenai lau noho hegeregerena. Nega ibounai oi do lau bamoa, bona oi do lau rakatania lasi.

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 4:14

Unai dina dekenai Lohiabada ese Israela taudia edia vairanai Iosua ia hanamoa bada. Israela taudia ese Iosua idia matauraia bada, iena mauri dinadia ibounai, guna Mose idia matauraia hegeregerena.

1 SAMUELA 17:37

Davida ma ia gwau, “Lohiabada ese laiona bona bea dekena amo lau ia hamauria vadaeni. Lau diba momokani, Lohiabada ese inai Pilistia tauna danu, iena imana dekena amo lau do ia hamauria.” Vadaeni Saulo ese Davida ia hamaoroa, ia gwau, “Vadaeni, oi lao, bona Lohiabada ese oi dekenai do ia noho.”

1 SAMUELA 20:13

To bema egu tamana ia ura oi do ia hadikaia gwauraia, lau ese oi do lau hadibaia, bona oiemu mauri dalana do lau kehoa. Inai bamona bema lau karaia lasi neganai, Lohiabada ese nega tamona lau ia alaia be namo! Lohiabada ese oi do ia bamoa, ia ese egu tamana ia bamoa hegeregere.