IOSUA 1:15 - Buka Helaga (Hiri Motu) 1993

¹⁵ Inai bamona do umui karaia ela bona Israela taudia ese Ioridane Sinavai ena dina ia diho kahana tanona, Lohiabada ese ia henidia vadaeni tanona do idia abia. Israela iduhu ibounai be idia noho namo, tuari ta lasi neganai, umui be iniseni do umui giroa mai diba. Bona unai neganai emui tano, Mose ese Ioridane Sinavai ena dina daekau kahana, umui ia henia vadaeni tanona, do umui noholaia diba.”

IOSUA 1:15 Iomraidhean Croise

1 KORINTO 12:26

Vadaeni, kahana ta do ia hisihisi neganai, kahana ibounai ese unai hisihisi ena mamina do idia abia. O bema kahana ta do idia hanamoa neganai, kahana ibounai ia danu do idia moale nega tamona.

1 KORINTO 13:5

Lalokau be haida hadikaia ia ura lasi. Lalokau be sibona ena gau ia tahua lasi, ia badu haraga lasi. Haida ese idia kara dika henia, to lalokau ese edia dika ia laloatao noho lasi.

GALATIA 5:13

Lauegu varavara taudia e, ura kwalimu taudia do umui lao totona Dirava ese umui ia boiria. To namo lasi inai bamona umui laloa, “Lau be ura kwalimu tauna, lauegu tauanina ena ura gaudia sibona do lau karaia.” Lasi, to lalokau dekenai umui ta ta dekenai durua do umui henia.

GALATIA 6:2

Umui ta ta dekenai umui durua henia, emui metau do umui huaia totona. Inai dala dekenai Keriso ena taravatu do umui badinaia.

DEUTERONOMI 3:18

Ma Mose ia gwau, “Unai neganai lau ese idia lau hamaoroa, lau gwau: Lohiabada emui Dirava ese inai tano umui dekenai ia henia vadaeni, emui tano. To hari emui goada taudia ibounai ese edia tuari gaudia do idia abia, bona Ioridane Sinavai do umui hanaia, emui varavara Israela taudia edia vairana dekenai.

DEUTERONOMI 3:20

Do umui tuari noho, ela bona Lohiabada ese do ia henidia tano, Ioridane Sinavai ena dina diho kahanai be emui varavara taudia ese do idia noholaia, mai edia maino bona laga-ani danu, umui ese noho namo gabuna umui abia vadaeni bamona. Unai murinai umui giroa mai diba, bona inai umui dekenai lau henia vadaeni tano dekenai do umui noho.

DEUTERONOMI 9:1

Mose ia hereva, ia gwau, “Israela taudia e, umui kamonai! Hari dina Ioridane Sinavai do umui hanaia, bese badadia, goada dekenai umui idia hanaia besedia, edia tano be do umui abia. Hanua badadia danu, edia magu be guba dekenai idia daekau hanuadia be do umui abia.

FILIPI 2:4

Bona umui ese umui emui namo sibona do umui tahua lasi. Lasi, to umui ta ta ibounai ese haida edia namo do umui tahua, bona do umui durudia noho.

IOSUA 1:1

Lohiabada ena hesiai tauna Mose ia mase murinai, Lohiabada ese Iosua Nunu, Mose ia durua tauna, ia hereva henia, ia gwau,

IOSUA 1:14

Momokani inai tano be umui abia vadaeni, emui, to emui hahine bona emui natudia bona emui boromakau be iniseni, Ioridane Sinavai inai kahanai do idia noho. Bona umui tuari diba taudia ibounai ese emui tuari gaudia do umui abia, unai sinavai do umui raka hanaia, bona emui varavara taudia edia vairanai do umui lao, do umui durudia totona.

IOSUA 1:16

Vadaeni idia ese Iosua dekenai idia haere, idia gwau, “Ai dekenai oi oda henia hereva ibounai do ai karaia, bona ai do oi siaia gabudia dekenai do ai lao.

IOSUA 22:1

Vadaeni Iosua ese Rubena bona Gado iduhu taudia bona Manase iduhu kahana taudia ia boiria mai.